完整藏文原文 · 德格版页 当前仅加载第 3 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
རིང་པོ་ནས་མཐོང་ནས་གཞོན་ནུ་རྒོད་བག་ཅན་དེ་རྣམས་སྐྱེད་མོས་ཚལ་གྱི་ཕྱོགས་སུ་དོང་ངོ་། །བློན་པོ་རྣམས་སྐྱེད་མོས་ཚལ་བྱི་དོར་བྱས་ནས་སྒོར་བྱུང་བ་དང་། གཞོན་ནུ་རྣམས་ཀྱིས་དྲིས་པ། འདི་སུའི་སྐྱེད་མོས་ཚལ། དེ་རྣམས་ཀྱིས་སྨྲས་པ། ལྷའི་ལགས་
D1.003.0271a01.01སོ། །དེ་རྣམས་སླར་ལོག་པར་བརྩམས་པ་དང་། བློན་པོ་རྣམས་ཀྱིས་སྨྲས་པ། གཞོན་ནུ་རྣམས་ནང་དུ་ཞུགས་ཤིག །ཅིའི་ཕྱིར་སླར་ལྡོག །དེ་རྣམས་ཀྱིས་སྨྲས་པ། ལྷའི་སྐྱེད་མོས་ཚལ་ཡིན་ན་འདིར་འཇུག་ཏུ་ག་ལ་རུང་། བློན་པོ་རྣམས་ཀྱིས་སྨྲས་པ། ལྷའམ་གཞོན་ནུ་
D1.003.0271a02.01རྣམས་རོལ་པ་འདི་འགལ་བ་ཅི་མཆིས་དེ་རྣམས་ནང་དུ་ཞུགས་ཏེ་རྩེ་བར་བརྩམས་སོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་སྐྱེད་མོས་ཚལ་ལེགས་པར་བྱི་དོར་བགྱིས་ལགས་ཀྱིས། ལྷ་གཟིགས་པའི་དུས་ལ་བབ་ལགས་སོ། །རྒྱལ་པོ་ཆས་པ་དང་སྐྱེད་མོས་ཚལ་ན་ཀུ་ཅོའི་སྒྲ་
D1.003.0271a03.01ཐོས་སོ། །ཐོས་ནས་ཀྱང་བློན་པོ་རྣམས་ལ་སྨྲས་པ། ཤེས་ལྡན་དག་སྐྱེད་མོས་ཚལ་ན་ཀུ་ཅོའི་སྒྲ་གྲག་ན་འདི་ན་སུ་ཞིག་འདུག །བློན་པོ་རྣམས་ཀྱིས་སྨྲས་པ། ལྷ་གཞོན་ནུ་རྣམས་སོ། །གལ་ཏེ་དེ་ལྟ་ན་ངས་གཞོན་ནུ་རྣམས་སྤངས་སོ། །བློན་པོ་རྣམས་ཀྱིས་རྐང་པ་གཉིས་
D1.003.0271a04.01ལ་གཏུགས་ཏེ་སྨྲས་པ། ལྷ་བཟོད་པར་མཛད་ཅིང་གཞོན་ནུ་རྣམས་མི་སྤང་བར་གསོལ། རྒྱལ་པོས་སྨྲས་པ། དེ་བཞིན་དུ་བྱའོ་ཞེས་གཞོན་ནུ་དེ་རྣམས་སྤྱུག་པར་ཆས་པ་དང་། རྒྱལ་པོའི་རྐང་པ་གཉིས་ལ་གཏུགས་ནས་སྨྲས་པ། ལྷ་གལ་ཏེ་དེ་ལྟ་ན་བདག་ཅག་འཁོར་
D1.003.0271a05.01གྱི་སྐྱེ་བོ་མང་པོ་དང་ལྷན་ཅིག་མཆི་ན་དེ་ཅི་ནས་ཀྱང་མི་དགག་པ་དེ་ལྟར་བཀའ་སྩལ་པའི་རིགས་སོ། །རྒྱལ་པོས་བསྒོ་ནས་དེ་རྣམས་ཆས་པ་ན། དེ་རྣམས་ལ་དགའ་བའི་ཕོ་བྲང་འཁོར་གྱི་མི་སྐྱེ་བོའི་ཚོགས་ཆེན་པོ་དང་དེ་རྣམས་ལྷན་ཅིག་ཆས་ཏེ་ཞག་བདུན་གྲོང་ཁྱེར་གྲུ་འཛིན་གྱི་སྒོ་
D1.003.0271a06.01ཕྱེ་ནས་སྐྱེ་བོའི་ཚོགས་རྒྱུས་སོ། །བློན་པོ་རྣམས་ཀྱིས་རྒྱལ་པོ་ལ་སྨྲས་པ། ལྷ་གལ་ཏེ་གྲོང་ཁྱེར་གྱི་སྒོ་མ་བཀུམ་ན་རིང་པོ་མི་ཐོགས་པར་གྲུ་འཛིན་སྟོངས་པར་འགྱུར་རོ། །གལ་ཏེ་དེ་ལྟ་ན་སྒོ་ཆོད་ཅིག །དེ་ནས་གཞོན་ནུ་དེ་རྣམས་རང་རང་གི་སྲིང་མོ་ཁྲིད་ནས་མཐར་གྱིས་རི་བོ་
D1.003.0271a07.01