完整藏文原文 · 德格版页 当前仅加载第 3 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་དང་། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་གསན་དུ་གསོལ། གནས་འདིར་དགེ་འདུན་མཐུན་པས་འདི་སྲིད་དུ་སྲ་བརྐྱང་བཏིང་བ་ལས། དགེ་སློང་རབ་ཏུ་མང་པོ་ཆོམ་རྐུན་པ་དག་གིས་བཅོམ་ནས་ལྷགས་ན། གལ་ཏེ་དགེ་འདུན་
D1.003.0119b01.01གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་བར་མཛོད་ཅིག་དང་། འདི་ལྟར་དགེ་འདུན་གྱིས་དགེ་སློང་ཆོམ་རྐུན་གྱིས་བཅོམ་པ་རྣམས་ཀྱི་སླད་དུ་སྲ་བརྐྱང་འབྱིན་པར་མཛད་དོ། །འདི་ནི་གསོལ་བའོ། །ལས་ནི་འདི་ལྟར་བྱ་སྟེ། དགེ་འདུན་བཙུན་པ་རྣམས་གསན་དུ་གསོལ།
D1.003.0119b02.01གནས་འདིར་དགེ་འདུན་མཐུན་པས་འདི་སྲིད་དུ་སྲ་བརྐྱང་བཏིང་བ་ལས། དགེ་སློང་རབ་ཏུ་མང་པོ་ཆོམ་རྐུན་པ་དག་གིས་བཅོམ་ནས་ལྷགས་ཏེ། དགེ་འདུན་གྱིས་དགེ་སློང་ཆོམ་རྐུན་པ་དག་གིས་བཅོམ་པ་རྣམས་ཀྱི་སླད་དུ་སྲ་བརྐྱང་འབྱིན་པར་མཛད་ན། ཚེ་དང་ལྡན་པ་དག་ལས་
D1.003.0119b03.01གང་དག་དགེ་སློང་ཆོམ་རྐུན་པ་དག་གིས་བཅོམ་པ་རྣམས་ཀྱི་ཕྱིར་སྲ་བརྐྱང་འབྱིན་པར་བཟོད་པ་དེ་དག་ནི་ཅང་མ་གསུང་ཤིག །གང་དག་མི་བཟོད་པ་དེ་དག་ནི་གསུང་ཤིག །དགེ་འདུན་གྱིས་བཟོད་ཅིང་གནང་ནས་དགེ་འདུན་གྱིས་དགེ་སློང་ཆོམ་རྐུན་པ་དག་གིས་བཅོམ་པ་
D1.003.0119b04.01རྣམས་ཀྱི་སླད་དུ་སྲ་བརྐྱང་འབྱིན་པར་མཛད་དེ། གང་གི་སླད་དུ་མི་གསུང་པས་དེ་དེ་བཞིན་དུ་འཛིན་ཏོ། །དེ་ནས་རྙེད་པ་བྱུང་བ་གང་ཡིན་པ་དེ་བགོ་བར་བྱ་སྟེ། བགོས་ནས་གང་འདོད་པ་དེས་རང་གི་སྐལ་བ་ལས་ཆོམ་རྐུན་པ་དག་གིས་བཅོམ་པའི་དགེ་སློང་རྣམས་ལ་བགོ་བཤའ་
D1.003.0119b05.01བྱའོ།། །།སྡོམ་ལ། རྡོལ་བ་དང་ནི་སྲིལ་ཟོས་དང་། །མཐའ་སྐོར་ལྷན་རློ་ལྷན་{རིངས་,རིང་}དང་། །གསོ་མའི་སེང་རས་ཟེགས་པ་དང་། །རྙིངས་དང་སྤངས་དང་དེངས་པའོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཉེ་བ་འཁོར་གྱིས་ཞུས་པ། བཙུན་པ་ཆོས་གོས་
D1.003.0119b06.01རྡོལ་བས་སྲ་བརྐྱང་གདིང་དུ་རུང་ལགས་སམ། ཉེ་བ་འཁོར་མི་རུང་ངོ་། །བཙུན་པ་ཆོས་གོས་སྲོག་ཆགས་ཀྱིས་འཚལ་བ་དང་། ཆོས་གོས་ཆག་བཏབ་པ་དང་། ཆོས་གོས་ལྷན་པ་རློ་བོས་བཏབ་པ་དང་། ཆོས་གོས་ལྷན་{རིངས་,རིང་}ཅན་དང་། གསོ་མའི་སེང་རས་ཀྱི་ཆོས་
D1.003.0119b07.01