完整藏文原文 · 德格版页 当前仅加载第 3 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་བརླབས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་འདར་བར་གྱུར་ཏོ། །བྱང་ཆུབ་སེམས་དཔས་བཀའ་སྩལ་པ། ཀཽ་ཤི་ཀ་ང་ཐོང་ཤིག །ཐོང་ཤིག །ཕར་ཐོང་ཤིག །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་བལྟམ་པ་དེའི་ཚེ་ཡང་ས་ཆེན་
D1.003.0280b01.01པོ་འདི་ཡང་གཡོས་པར་གྱུར་ཞེས་བྱ་བ་ནས་ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ། །ཤེས་ལྡན་དག་སེམས་ཅན་གཞན་ཡང་འདིར་སྐྱེས་སོ་ཞེས་བྱ་བའི་བར་གོང་མ་བཞིན་དུའོ།། །།འདུལ་བ་གཞི། བམ་པོ་བརྒྱད་བཅུ་གཉིས་པ། ཆོས་ཉིད་ཀྱིས་
D1.003.0280b02.01གང་གི་ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ནས་བལྟམ་པ་ན་རལ་གྲི་ཤུབས་ནས་ཕྱུང་བ་བཞིན་དུ་མངལ་གྱི་དྲི་མ་དང་། ཤ་མའི་དྲི་མ་དང་། ཁྲག་གི་དྲི་མ་དང་། མི་གཙང་བ་གཞན་དང་གཞན་སྣ་ཚོགས་ཀྱིས་མ་གོས་སོ། །ཆོས་ཉིད་ཀྱིས་གང་གི་
D1.003.0280b03.01ཚེ་བྱང་ཆུབ་སེམས་དཔའ་བཅོམ་ལྡན་འདས་ཡུམ་གྱི་ལྷུམས་ནས་བལྟམ་པ་དེའི་ཚེ་དེའི་ཡུམ་མི་འདུག་མི་ཉལ་འགྲེང་བཞིན་དུ་རྒྱལ་རིགས་མ་དེས་རྒྱལ་རིགས་བལྟམ་པར་བྱེད་དོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ལ་སུས་ཀྱང་མ་བཟུང་བར་ཕྱོགས་བཞིར་
D1.003.0280b04.01གཟིགས་ནས་གོམ་པ་བདུན་བདུན་འདོར་ཞིང་ཚིག་ཏུ་ཡང་གསུངས་པ། འདི་ནི་ཤར་ཕྱོགས་ཡིན་ཏེ། མྱ་ངན་ལས་འདས་པའི་ཐོག་མར་འགྲོ་བར་བྱའོ། །འདི་ནི་ལྷོ་ཕྱོགས་ཡིན་ཏེ། འགྲོ་བ་མཐའ་དག་གི་ཡོན་གནས་སུ་གྱུར་པར་བྱའོ། །འདི་ནི་ནུབ་ཕྱོགས་ཡིན་
D1.003.0280b05.01ཏེ། ངའི་སྐྱེ་བ་ཐ་མ་ནི་འདི་ཡིན་པར་འགྱུར་རོ། །འདི་ནི་བྱང་ཕྱོགས་ཡིན་ཏེ། སྲིད་པའི་མཚོ་ལས་བརྒལ་བར་བྱའོ། །དེའི་དབུའི་སྟེང་ནས་ལྷ་རྣམས་གདུགས་དཀར་པོ་དང་། རྔ་ཡབ་ནོར་བུའི་ཡུ་བ་ཅན་དག་འཛིན་ཏོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་
D1.003.0280b06.01མོད་ལ་བར་སྣང་ལས་ཆུ་བསིལ་བ་གཅིག་དང་། ཆུ་དྲོན་པོ་གཅིག་སྟེ་ཆུ་གཉིས་ཀྱི་རྒྱུན་སྤྱི་གཙུག་གི་སྟེང་དུ་འབབ་ཅིང་དེས་བྱང་ཆུབ་སེམས་དཔའ་ཁྲུས་མཛད་དོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ལ་བསྐྲུན་པའི་ཡུམ་གྱི་མདུན་དུ་ཆུ་མིག་ཆེན་པོ་བྱུང་ནས་
D1.003.0280b07.01