完整藏文原文 · 德格版页 当前仅加载第 3 函德格 223b 版页；藏文 NFD、目录标记与异常页序保留在来源切片中，重复版页行以稳定序号区分。
མཛོད་ཅིག །བདག་གིས་བཅོམ་ལྡན་འདས་འཁོར་བརྒྱ་ཕྲག་དུ་མའི་གུང་ལ་བཞུགས་ནས་སྙན་པ་སྙན་པའི་ཆོས་སྦྲང་མའི་སྦྲང་རྩི་དངས་མ་ལྟ་བུ་བཤད་པ་ན་འཁོར་བརྒྱ་ཕྲག་དུ་མ་དབང་པོ་རྣམས་མི་གཡོ་བས་བཅོམ་ལྡན་འདས་ལས་སྙན་པ་སྙན་པའི་ཆོས་ཉན་ཏོ་ཞེས་ཐོས་སོ། །ཤཱཀྱའི་
D1.003.0223b01.01མཆིས་འབྲང་རྣམས་ཀྱིས་ཀྱང་དེ་སྐད་ཐོས་ནས་དེ་རྣམས་ཆོས་ཉན་པར་འཚལ་ན་ལྷ་ནི་སྔ་དྲོ་བཅོམ་ལྡན་འདས་ཀྱི་སྤྱན་སྔར་གཤེགས་པའི་རིགས་སོ། །བདག་གིས་ཀྱང་ཤཱཀྱའི་མཆིས་འབྲང་རྣམས་དེད་དེ་བཅོམ་ལྡན་འདས་ཀྱི་སྤྱན་སྔར་སླད་དྲོ་མཆི་བར་བགྱིའོ། །དེ་ཅིའི་ཕྱིར་ཞེ་ན། སྔ་
D1.003.0223b02.01དྲོ་ནི་དེ་རྣམས་བསྡུམ་པའི་བགྱི་བ་དག་བགྱིད་པས་བཅོམ་ལྡན་འདས་ཀྱི་སྤྱན་སྔར་མཆི་བའི་སྐབས་མ་མཆིས་སོ། །རྒྱལ་པོ་ཟས་གཙང་མའི་ཀུན་དུ་སྤྱོད་པ་ནི་གང་གི་ཚེ་སྐྱེ་དགུའི་བདག་མོ་ཆེན་མོ་གཽ་ཏ་མཱིས་ཚིག་སྨྲས་པ་དེའི་ཚེ། ལུས་ཀྱི་བ་སྤུ་ཟིང་ཞེས་བྱེད་ནས་ལངས་ཏེ།
D1.003.0223b03.01རེ་ཞིག་སྐྱེ་དགུའི་བདག་མོ་ཆེན་མོའི་ཚིག་གི་ལན་མ་བྱིན་པ་དེའི་བར་དུ་མི་འདུག་པ་ཡིན་པས་དེས་མགོ་བོས་བཏུད་དེ་སྨྲས་པ། གཽ་ཏ་མཱི་བཀའ་བཞིན་འཚལ། དེ་ནས་སྐྱེ་དགུའི་བདག་མོ་ཆེན་མོ་གཽ་ཏ་མཱི་ཤཱཀྱའི་ཆུང་མ་ལྔ་བརྒྱས་ཡོངས་སུ་བསྐོར་ཏེ། བཅོམ་ལྡན་འདས་ཀྱི་སྤྱན་སྔར་ཆོས་མཉན་
D1.003.0223b04.01པའི་ཕྱིར་ནྱ་གྲོ་དྷའི་ཀུན་དགའ་ར་བར་སོང་ངོ་། །ཇི་ཙམ་ན་ཤཱཀྱ་མིང་ཆེན་གྱི་ཆུང་མ་ཡང་རྒྱན་ཐམས་ཅད་ཀྱིས་བརྒྱན་ནས་དེ་དང་ལྷན་ཅིག་སོང་སྟེ། གཟུགས་དང་ལང་ཚོ་དང་ལྡན་ཞིང་རྒྱན་ཐམས་ཅད་ཀྱིས་བརྒྱན་པས་འདོད་ཆགས་དང་མ་བྲལ་བ་དག་ཆགས་པ་སྐྱེ་བར་ཞུགས་པ་དེ་ཚེ་
D1.003.0223b05.01དང་ལྡན་པ་ཀུན་དགའ་བོས་མཐོང་ནས་སྨྲས་པ། སྲིང་མོ་རེ་ཞིག་ཁྱོད་ཀྱི་རང་བཞིན་གྱི་གཟུགས་ཉིད་ཀྱང་བཟང་མོ་བལྟ་ན་སྡུག་པ་མཛེས་པ་ཡིན་ན་རྒྱན་ཐམས་ཅད་ཀྱིས་བརྒྱན་པ་ལྟ་སྨོས་ཀྱང་ཅི་དགོས། ཁྱོད་རྒྱན་གྱིས་བརྒྱན་པ་འདིར་འོངས་པ་གང་ཡིན་པ་དེ་ནི་མ་ལེགས་པ་ཞིག་བྱས་
D1.003.0223b06.01ཏེ། བདག་ཉིད་ཆེན་པོ་འདི་དག་ནི་ཐམས་ཅད་འདོད་ཆགས་དང་བྲལ་བ་ཁོ་ན་ཡང་མ་ཡིན་ནོ་ཞེས་དེ་ལ་དེ་སྐད་སྨྲས་པ་དང་། ངོ་ཚ་བ་སྙིང་ལ་ཕོག་པས་སྤྱི་བོ་སྨད་ནས་མཐའ་གཅིག་ཏུ་སོང་སྟེ། རྒྱན་རྣམས་བཀྲོལ་ནས་སེམས་ཁོང་དུ་ཆུད་ཅིང་འདུག་པ་ལས། དེའི་མངག་གཞུག་མ་བུ་མོ་
D1.003.0223b07.01