完整藏文原文 · 德格版页 当前仅加载第 3 函德格 283b 版页；藏文 NFD、目录标记与异常页序保留在来源切片中，重复版页行以稳定序号区分。
ཅང་ཤེས་བྱུང་བ་དག་གི་བཞིན་ནོ། །ལྷ་འདི་ནི་གཞོན་ནུའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུ་ནི་སྐུ་ཇི་སྲིད་པར་འདོམ་ཡང་དེ་སྲིད་ལ་འདོམ་ཇི་སྲིད་པར་སྐུ་ཡང་དེ་སྲིད་པས་ཤིང་ནྱ་གྲོ་དྷ་ལྟར་ཆུ་ཞེང་གབ་པ་ལགས་ཏེ། ལྷ་འདི་ནི་གཞོན་ནུའི་སྐྱེས་བུ་
D1.003.0283b01.01ཆེན་པོའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུ་ནི་སྐུ་རོ་སྟོད་སྤུ་རེ་རེ་ནས་སྐྱེ་ཞིང་དེའི་སྐུ་ལ་སྤུ་རེ་རེ་ནས་སྐྱེ་བ་ཡང་མཐིང་ག་ལ་གཡས་ཕྱོགས་སུ་འཁྱིལ་བར་སྐྱེ་ལགས་ཏེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུ་ནི་མདོག་གསེར་དང་
D1.003.0283b02.01འདྲ་བ་དང་། འོད་འདོམ་གང་བ་དང་། པགས་པ་སྲབ་ཅིང་མདོག་གསེར་འདྲ་བ་ལགས་ཏེ། པགས་པ་སྲབ་པ་ཉིད་ཀྱིས་རྡུལ་དང་དྲི་མས་སྐུ་ལ་མི་གོས་པ་སྟེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུའི་སྐུ་ནི་བདུན་མཐོ་བ་སྟེ། སྐུ་བདུན་མཐོ་
D1.003.0283b03.01བར་འཁྲུངས་པ་ནི་ཕྱག་གཉིས་དང་། ཞབས་གཉིས་དང་། དཔུང་མགོ་གཉིས་དང་། ལྟག་པ་ལགས་ཏེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུ་ནི་ཐལ་གོང་རྒྱས་པ་དང་། སྐུ་རོ་སྟོད་སེང་གེའི་འདྲ་བ་དང་། སྐུ་
D1.003.0283b04.01དྲང་ཞིང་ཁོ་ལག་ཆེ་བ་དང་། དཔུང་མགོ་ཤིན་ཏུ་ཟླུམ་པ་དང་། ཚེམས་བཞི་བཅུ་མངའ་བ་དང་། ཚེམས་མཉམ་པ་དང་། ཚེམས་ཐགས་བཟང་བ་དང་། མཆེ་བ་ཤིན་ཏུ་དཀར་བ་དང་། འགྲམ་པ་སེང་གེའི་འདྲ་བ་དང་། རོ་བྲོ་བའི་མཆོག་དང་ལྡན་པ་ལགས་ཏེ། ལྷ་འདི་ནི་གཞོན་
D1.003.0283b05.01ནུའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུ་ནི་ལྗགས་ཤིན་ཏུ་རིང་ཞིང་སྲབ་པ་ལགས་ཏེ། ལྗགས་ཤིན་ཏུ་རིང་བ་ཉིད་དང་སྲབ་པ་ཉིད་ཀྱི་ཕྱིར་ལྗགས་ཞལ་ནས་ཕྱུང་བས་སྐྲ་མཚམས་ནས་བཟུང་སྟེ། ཞལ་གྱི་དཀྱིལ་འཁོར་ཐམས་ཅད་ཀྱི་བར་དུ་ཡོག་པར་མཛད་པ་སྟེ།
D1.003.0283b06.01ལྷ་འདི་ནི་གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུའི་གསུང་ནི་ཚངས་པའི་དབྱངས་དང་། ཀ་ལ་པིང་ཀའི་སྐད་ལྟར་ཡིད་དུ་འོང་བ་དང་། རྔའི་དབྱངས་ཅན་ལགས་ཏེ། ལྷ་འདི་ནི་གཞོན་ནུའི་སྐྱེས་བུ་ཆེན་པོའི་མཚན་ལགས་སོ། །ལྷ་གཞོན་ནུ་ནི་སྤྱན་མཐོན་
D1.003.0283b07.01