完整藏文原文 · 德格版页 当前仅加载第 53 函德格 339a 版页；藏文 NFD、目录标记与异常页序保留在来源切片中，重复版页行以稳定序号区分。
བདུན་གསུམ་ལོན་ནས་གདོད་ཚོར་ཏེ། བློན་པོའི་འཁོར་དང་བཅས་ནས་གྲོང་ཁྱེར་རྩྭ་མཆོག་ཏུ་ལྷགས་ཏེ། གྲོང་ཁྱེར་རྩྭ་མཆོག་ལ་དམག་གི་ཚོགས་གྲངས་མེད་པས་བསྐོར་ཏེ་སྲུང་བ་དང་། སྒོ་བཞིར་ཡང་སྔགས་མཁན་གྱིས་སྒོ་སྲུང་བ་མཐོང་ནས་སྔགས་མཁན་ལ་འདི་
D119.053.0339a01.01སྐད་ཅེས་སྨྲས་སོ། །ཅི་སངས་རྒྱས་ཡོངས་སུ་མྱ་ངན་ལས་འདས་སམ། སྔགས་མཁན་གྱིས་སྨྲས་པ། སངས་རྒྱས་མྱ་ངན་ལས་འདས་ནས་ཞག་བདུན་གསུམ་ལོན་ཏེ། ད་ལྟར་འཁོར་མང་པོ་སྐུ་གདུང་བགོ་བའི་ལས་བྱེད་དོ། །བདག་ཅག་གིས་སངས་རྒྱས་ཡོངས་སུ་
D119.053.0339a02.01མྱ་ངན་ལས་འདས་པ་ཡང་མ་ཚོར་ཏེ། དེ་བཞིན་གཤེགས་པའི་རིང་བསྲེལ་ལ་ཕྱག་འཚལ་དུ་འགྲོ་ན། ཁྱེད་ལམ་ཕྱེ་ཤིག་ཅེས་སྨྲས་སོ། །སྔགས་མཁན་གྱིས་རྒྱལ་པོ་གྲོང་ཁྱེར་གྱི་ནང་དུ་བཏང་ནས། ལམ་གྱི་བཞི་མདོར་སེང་གེའི་ཁྲིའི་སྟེང་ན་རིན་པོ་ཆེ་སྣ་བདུན་གྱིས་བརྒྱན་པའི་
D119.053.0339a03.01གསེར་གྱི་སྒྲོམ་དུ་རིང་བསྲེལ་བཞུགས་པ་མཐོང་ནས་ཐམས་ཅད་ཀྱིས་དུས་གཅིག་ཏུ་ཕྱག་འཚལ་ཏེ། ངུས་ནས་གཡས་ཕྱོགས་སུ་ལན་བདུན་བསྐོར་ཏེ། མཆོད་པ་ཅི་འབྱོར་པས་མཆོད་པ་བྱས་སོ། །རྒྱལ་པོས་སྨྲས་པ། བདག་ཅག་གིས་ནི་སངས་རྒྱས་མྱ་ངན་
D119.053.0339a04.01ལས་འདས་པ་སྔར་མ་ཚོར་ན། དེ་བཞིན་གཤེགས་པའི་སྐུ་གདུང་ལ་ཤས་ཀྱིས་མཆོད་པའི་རྟེན་དུ་ཅི་གནང་ཞེས་གསོལ་ཏོ། །འཁོར་རྣམས་ཀྱིས་སྨྲས་པ། སྐུ་གདུང་བགོ་བའི་ཆོ་ག་སྔར་བཀའ་སྩལ་ཏེ། རྒྱལ་པོ་སྐལ་བ་མེད་ཀྱིས་སླར་དེང་ཤིག །རྒྱལ་པོ་འཁོར་
D119.053.0339a05.01དང་བཅས་ཏེ་སྐུ་གདུང་མ་ཐོབ་པས་མྱ་ངན་གྱིས་ཡིད་གདུངས་ཏེ། སྐུ་གདུང་ལ་ཕྱག་འཚལ་ནས་ངུས་བཞིན་དུ་ཕྱིར་དོང་ངོ་།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་རྫོགས་སོ།། །།མདོ་མྱ་ངན་ལས་
D119.053.0339a06.01འདས་པ་ཆེན་པོ་རྒྱ་ནག་ནས་བསྒྱུར་བ་འདི། རྒྱ་ནག་གི་མཁན་པོ་ཝང་ཕབ་ཞུན་དང་། དྷརྨའི་གཞི་འཛིན་དགེ་བའི་བློ་གྲོས་དང་། ལོ་ཙྪ་བ་རྒྱ་མཚོའི་སྡེས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
D119.053.0339a07.01