完整藏文原文 · 德格版页 当前仅加载第 53 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
པའམ། སྦྲང་བུ་ཆུང་ངུ་བྱ་ནམ་མཁའ་ལྡིང་དང་མགྱོགས་བུལ་འགྲན་པའམ། རི་བོང་གིས་རྒྱ་མཚོའི་གཏིང་དཔག་པ་དང་འདྲ་བར་ཁྱེད་རྣམས་ཀྱང་ད་ལྟར་དེ་དང་འདྲའོ། །གལ་ཏེ་ཁྱེད་ཀྱིས་དགེ་སློང་གཽ་ཏ་མ་ལས་རྒྱལ་བར་རྨི་ལམ་གྱིས་མཐོང་ན་ཡང་
D119.053.0277a01.01རྨི་ལམ་དེ་ནི་{བརྫུན་,རྫུན་}ཏེ་ཡིད་ཆེས་སུ་མི་རུང་ངོ་། །ཀྱེ་སྐྱེས་བུ་དག་ཁྱེད་རྣམས་འདི་ལྟ་བུའི་སེམས་བསྐྱེད་པ་ནི་དཔེར་ན་ཕྱེ་མ་ལེབ་མེའི་ཕུང་པོར་སོང་བ་དང་འདྲ། ཁོ་བོས་སྨྲས་པ་བཞིན་དུ་ཡང་མ་སྨྲ་ཤིག །ཁྱེད་ཀྱིས་ཁོ་བོ་ལ་སྲང་དང་འདྲ་བར་མཉམ་མོ་ཞེས་བསྟོད་པའི་ཚིག་ཀྱང་
D119.053.0277a02.01གཞན་གྱིས་ཐོས་པར་མ་བྱེད་ཅིག །དེའི་ཚེ་ན་མུ་སྟེགས་ཅན་གྱིས་རྒྱལ་པོ་ལ་ཡང་འདི་སྐད་ཅེས་གསོལ་ཏོ། །རྒྱལ་པོ་ཆེན་པོ་དགེ་སྦྱོང་གཽ་ཏ་མའི་རིག་སྔགས་ཀྱིས་བཏབ་བམ་ཅི་ན། རྒྱལ་པོ་ཆེན་པོ་འཕགས་པས་སྨྲ་བའི་ཚིག་ལ་ཡིད་མི་ཆེས་ཤིང་ཐེ་ཚོམ་ཟ་བར་གྱུར། རྒྱལ་པོ་
D119.053.0277a03.01ཆེན་པོ་སྐྱེས་བུ་ཆེན་པོ་འདི་དག་ལ་བརྙས་པར་མ་བྱེད་ཅིག །རྒྱལ་པོ་ཆེན་པོ་ཟླ་བ་འདི་འགྲིབས་པ་དང་སྐྱེ་བ་དང་། རྒྱ་མཚོ་ཆེན་པོ་ལ་ལན་ཚྭའི་རོ་བྲོ་བ་དང་། རི་མ་ལ་ཡ་ན་ལ་སོགས་པ་སུས་བྱས། བདག་ཅག་བྲམ་ཟེ་ལ་སོགས་པས་བྱས་པ་མ་ལགས་སམ། རྒྱལ་པོ་ཆེན་
D119.053.0277a04.01པོ་མ་གསན་ཏམ། དྲང་སྲོང་ཨ་ག་ཏས་ལོ་བཅུ་གཉིས་ཀྱི་བར་དུ་གང་གཱའི་ཀླུང་གི་ཆུ་རྣ་བར་བླུགས་པ་མ་གསན་ཏམ། གཞན་ཡང་དྲང་སྲོང་གཽ་ཏ་མ་རྫུ་འཕྲུལ་ཆེན་པོ་དང་ལྡན་པས་ལོ་བཅུ་གཉིས་ཀྱི་བར་དུ་ཡང་བརྒྱ་བྱིན་གྱི་ལུས་སུ་བསྒྱུར་ཏེ། བརྒྱ་བྱིན་གྱི་ལུས་ནི་ལུག་མ་མོ་མོ་མཚན་
D119.053.0277a05.01སྟོང་དང་ལྡན་པའི་ལུས་སུ་བསྒྱུར་བ་མ་གསན་ཏམ། རྒྱལ་པོ་ཆེན་པོ་དྲང་སྲོང་གི་ལྟོས་ཉི་མ་གཅིག་གིས་རྒྱ་མཚོ་ཆེན་པོ་བཞིའི་ཆུ་ཅིག་ཅར་འཐུངས་ཏེ་ས་ཆེན་པོ་ཡང་བསྐམས་པར་གྱུར་པ་མ་གསན་ཏམ། རྒྱལ་པོ་ཆེན་པོ་དྲང་སྲོང་བ་སྤུས་ལྷའི་རྒྱལ་པོ་དབང་སྒྱུར་གྱི་མིག་གསུམ་བྱས་པ་
D119.053.0277a06.01མ་གསན་ཏམ། རྒྱལ་པོ་ཆེན་པོ་དྲང་སྲོང་ཨ་ལ་ལས་གྲོང་ཁྱེར་ཨ་ལ་ལ་ལྟ་བུ་རྡུལ་དུ་བྱས་པ་མ་གསན་ཏམ། རྒྱལ་པོ་ཆེན་པོ་བྲམ་ཟེའི་ནང་ན་དེ་ལྟ་བུའི་མཐུ་ཆེན་པོ་དང་ལྡན་པའི་དྲང་སྲོང་རྣམས་མཆིས་ཏེ་མངོན་སུམ་དུ་མཆིས་ན་རྒྱལ་པོ་ཆེན་པོ། ཅིའི་ཕྱིར་ན་བདག་ཅག་ལ་
D119.053.0277a07.01