完整藏文原文 · 德格版页 当前仅加载第 53 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
བོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་ཡོངས་སུ་མྱ་ངན་ལས་འདས་ནས་བདག་ཅག་གིས་ཆོ་ག་གང་དང་སྦྱར་ཏེ་དེ་བཞིན་གཤེགས་པའི་སྐུ་ཞུགས་ལ་བཞེན་ན་སྐུ་གདུང་འཐོབ་ཅིང་དད་པས་མཆོད་པར་འགྱུར། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། ང་
D119.053.0314a01.01མྱ་ངན་ལས་འདས་ནས་ཁྱེད་ཀྱིས་འཁོར་ལོས་སྒྱུར་བའི་རྒྱལ་པོའི་ཐབས་སུ་སྲེགས་ཤིག །དགའ་བོས་ཡང་གསོལ་པ། འཁོར་ལོས་སྒྱུར་བའི་རྒྱལ་པོ་བསྲེག་པའི་ཆོ་ག་ཇི་ལྟ་བུ་ལགས། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། འཁོར་ལོས་སྒྱུར་བའི་རྒྱལ་པོ་ནི་ཤི་ནས་ཞག་བདུན་གྱི་བར་དུ་
D119.053.0314a02.01འཇོག་སྟེ། གདོད་ལྕགས་ཀྱི་སྒྲོམ་གྱི་ནང་དུ་འཛུད་དོ། །སྒྲོམ་དུ་བཅུག་ནས་འབྲུ་མར་བསུང་ཅན་གྱིས་སྒྲོམ་གྱི་ནང་དུ་བཀང་ནས། ཁ་ལེགས་པར་བཅད་དེ་ཡང་ཞག་བདུན་དུ་འཇོག་གོ། །དེ་ནས་སྒྲོམ་ནས་ཕྱུང་སྟེ་སྤོས་ཆུས་བཀྲུའོ། །སྤོས་ཆུས་བཀྲུས་ནས་བདུག་སྤོས་ཀྱིས་མཆོད་ཅིང་བདུགས་ལ་
D119.053.0314a03.01ཤིང་བལ་གྱིས་ལུས་ཀུན་དཀྲིའོ། །ཤིང་བལ་གྱིས་དཀྲིས་པའི་སྟེང་དུ་རས་དཀར་པོ་བཟང་པོ་ཡུག་སྟོང་གིས་མཐར་ཆགས་སུ་དཀྲིའོ། །དེ་ལྟར་དཀྲིས་ནས་སྒྲོམ་གྱི་ནང་དུ་འབྲུ་མར་བསུང་ཅན་གྱིས་བཀང་སྟེ། རྒྱལ་པོའི་རུས་བུ་ཕྱིར་སྒྲོམ་གྱི་ནང་དུ་བཅུག་ལ་སྒྲོམ་གྱི་ཁ་ལེགས་པར་གཅད་དོ། །ཤིང་
D119.053.0314a04.01བསུང་ཅན་གྱི་རིན་པོ་ཆེ་སྣ་བདུན་གྱི་ཤིང་རྟའི་སྟེང་དུ་དྲངས་ཏེ། ཤིང་རྟའི་ངོགས་གཞི་ཡང་རྒྱན་ཕྱང་དཔྱངས་ཤིང་རིན་པོ་ཆེ་སྣ་ཚོགས་ཀྱིས་ཀྱང་ཤིང་རྟ་སྤྲའོ། །གྲངས་མེད་པའི་མེ་ཏོག་དང་། བ་དན་དང་། རིན་པོ་ཆེ་སྣ་བདུན་གྱི་གདུགས་དང་། རྒྱལ་མཚན་དང་། སྤོས་བཟང་པོ་སྣ་ཚོགས་དང་། ལྷའི་རོལ་
D119.053.0314a05.01མོས་བསྐོར་ཞིང་མཆོད་པ་བྱའོ། །དེ་ནས་ཤིང་བསུང་ཅན་ཕྱི་ནང་རི་མོ་དང་ལྡན་པ་དང་མར་བསུང་ཅན་གྱིས་འཁོར་ལོས་སྒྱུར་བའི་རྒྱལ་པོའི་རུས་བུ་བསྲེག་གོ། །དེ་ལྟར་བསྲེགས་ནས་རིང་བསྲེལ་བསྡུས་ཏེ་གྲོང་ཁྱེར་ཆེན་པོའི་བཞི་མདོར་རིན་པོ་ཆེ་སྣ་བདུན་གྱི་མཆོད་རྟེན་སྒོ་བཞི་བཀོད་པ་བྱས་ཏེ།
D119.053.0314a06.01རིང་བསྲེལ་དེའི་ནང་དུ་བཞག་ལ་འཇིག་རྟེན་དུ་བཅས་པ་ཐམས་ཅད་ཀྱིས་རྗེས་སུ་ཡི་རང་བས་བལྟར་གཞུག་གོ། །དགའ་བོ་འཁོར་ལོས་སྒྱུར་བའི་རྒྱལ་པོ་དེ་བསོད་ནམས་ཅུང་ཟད་ཅིག་གིས་རྒྱལ་པོའི་ཐབས་ཐོབ་ཀྱང་སྲིད་པ་ལས་རྣམ་པར་མ་གྲོལ། འདོད་པ་ལྔ་དང་ལྡན་ཏེ། བཙུན་མོ་དང་ཕོ་
D119.053.0314a07.01