完整藏文原文 · 德格版页 当前仅加载第 53 函德格 327b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པའི་པུར་སྒྲོམ་མ་ཐེག་སྟེ། བདག་ཅག་ལ་མགོན་སྐྱབས་མ་མཆིས། དགེ་བའི་རྩ་བའི་སྐལ་བ་མ་མཆིས་སོ་ཞེས་སྨྲས་སོ། །དེའི་ཚེ་བཅོམ་ལྡན་འདས་ཀྱི་གསེར་གྱི་པུར་སྒྲོམ་ཤིང་སཱ་ལའི་ཚལ་གྱི་ནམ་མཁའ་ལ་དལ་གྱིས་གཤེགས་ཏེ། རྩྭ་མཆོག་གི་གྲོང་ཁྱེར་གྱི་
D119.053.0327b01.01ནུབ་སྒོར་ཞུགས་སོ། །དེའི་ཚེ་རྩྭ་མཆོག་གི་གྲོང་ཁྱེར་ན་གནས་པའི་དགེ་བསྙེན་མ་ཐམས་ཅད་དང་། བྱང་ཆུབ་སེམས་དཔའ་དང་། ཉན་ཐོས་གྲངས་མེད་པ། ལྷ་དང་། མི་དང་། འཁོར་མང་པོས་སྟེང་གི་ནམ་མཁའ་དང་། ས་ལ་ཡོངས་སུ་གང་བར་དེ་བཞིན་གཤེགས་པའི་པུར་སྒྲོམ་གྱི་
D119.053.0327b02.01ཕྱི་བཞིན་དོང་ནས། གཅིག་གི་ལག་པ་ལ་གཅིག་གིས་འཇུ་ཞིང་སྐད་ཆེན་པོ་ཕྱུང་སྟེ་ངུས་ནས་བྲང་ལ་ཁུ་ཚུར་གྱིས་རྡེགས་ཏེ། སོ་སོ་ནས་གྲངས་མེད་པའི་མེ་ཏོག་དང་། སྤོས་དང་། རིན་པོ་ཆེའི་རྒྱལ་མཚན་དང་། བ་དན་དང་། གདུགས་ཀྱིས་སའི་སྟེང་དང་། ནམ་མཁའ་ཡང་
D119.053.0327b03.01ཡོངས་སུ་གང་བར་བཤམས་ཏེ། དེ་བཞིན་གཤེགས་པའི་པུར་སྒྲོམ་ལ་མཆོད་པར་བྱེད་དོ། །རྩྭ་མཆོག་གི་གྲོང་ཁྱེར་ནི་ངོས་གཅིག་ཀྱང་དཔག་ཚད་བཞི་བཅུ་རྩ་བརྒྱད་ཡོད་དོ། །དེའི་ཚེ་དེ་བཞིན་གཤེགས་པའི་རིན་པོ་ཆེ་སྣ་བདུན་གྱི་པུར་སྒྲོམ་སྟེང་གི་ནམ་མཁའ་ལ་དལ་གྱིས་
D119.053.0327b04.01གཤེགས་ཏེ། རྩྭ་མཆོག་གི་གྲོང་ཁྱེར་གྱི་ཤར་སྒོ་ནས་བྱུང་ནས། གཡས་ཕྱོགས་ནས་འཁོར་ཏེ་གྲོང་ཁྱེར་གྱི་ལྷོ་སྒོར་ཞུགས་སོ། །དེ་ནས་བགས་ཀྱིས་ནམ་མཁའ་ལ་གཤེགས་ཏེ། བྱང་སྒོ་ནས་གཡས་ཕྱོགས་སུ་འཁོར་ཏེ་ནུབ་སྒོར་ཞུགས་སོ། །དེ་བཞིན་དུ་ལན་གསུམ་གྱི་བར་
D119.053.0327b05.01དུ་བསྐོར་ནས་སྟེང་གི་ནམ་མཁའ་ལ་དལ་གྱིས་གཤེགས་ཏེ། ཕྱིར་ཡང་ནུབ་སྒོར་ཞུགས་ནས་ཤར་སྒོར་བྱུང་སྟེ། གཡས་ནས་བསྐོར་ནས་བྱང་སྒོར་ཞུགས་སོ། །དེ་ནས་ཡང་ནམ་མཁའ་ལ་དལ་གྱིས་གཤེགས་ཏེ། ལྷོ་སྒོར་བྱུང་ནས་གཡས་ནས་བསྐོར་ཏེ་བྱང་སྒོར་ཞུགས་ནས་
D119.053.0327b06.01ལན་བཞི་བསྐོར་ཏོ། །དེ་བཞིན་དུ་གཡས་ཕྱོགས་ནས་གྲོང་ཁྱེར་རྩྭ་མཆོག་ལན་བདུན་གྱི་བར་དུ་བསྐོར་ཏོ། །དེའི་ཚེ་རིན་པོ་ཆེ་སྣ་བདུན་གྱི་པུར་སྒྲོམ་གྲོང་ཁྱེར་གྱི་ནང་དུ་ཞུགས་པ་ན་འཁོར་མང་པོ་ཐམས་ཅད་མཆི་མ་བླགས་ཏེ་ངུས་ནས་སོ་སོ་ནས་གྲངས་མེད་པའི་སྤོས་ཀྱི་ཤིང་ཙན་དན་
D119.053.0327b07.01