完整藏文原文 · 德格版页 当前仅加载第 53 函德格 291b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་ཇི་ལྟ་བུར་མཐོང་། ཇི་ལྟ་བུར་རྟོགས། གསོལ་པ་བཅོམ་ལྡན་འདས་རྙིང་པ་ནི་མ་རིག་པ་དང་སྲེད་པའོ། །གསར་པ་ནི་ལེན་པ་དང་སྲིད་པ་སྟེ། དེ་ལ་གང་ཞིག་གིས་མ་རིག་པ་དང་སྲེད་པ་ཡོངས་སུ་སྤངས་ཏེ། ལེན་པ་དང་སྲིད་པ་མི་བགྱིད་ན་གང་
D119.053.0291b01.01ཟག་དེ་ནི་རྟག་པ་དང་མི་རྟག་པ་ཡང་དག་པར་རྟོགས་ཏེ། བདག་གིས་ནི་ཡང་དག་པའི་ཆོས་ལ་ཆོས་ཀྱི་མིག་རྣམ་པར་དག་པར་གྱུར་ནས། དཀོན་མཆོག་གསུམ་ལ་སྐྱབས་སུ་མཆིའོ། །དེ་བཞིན་གཤེགས་པས་བདག་རབ་ཏུ་དབྱུང་བ་གནང་བར་མཛད་དུ་གསོལ། བཅོམ་ལྡན་འདས་
D119.053.0291b02.01ཀྱིས་ཚེ་དང་ལྡན་པ་ཀཽཎྜི་ནྱ་ལ་བཀའ་སྩལ་པ། ཀུན་དུ་རྒྱུ་འདི་རབ་ཏུ་ཕྱུང་ལ་བསྙེན་པར་རྫོགས་པར་གྱིས་ཤིག །དེ་ནས་ཀཽཎྜི་ནྱས། བཅོམ་ལྡན་འདས་ཀྱི་བཀའ་བཞིན་དུ་དགེ་འདུན་ལ་གསོལ་བ་དང་ཞུ་བའི་ལས་བྱས་ནས་རབ་ཏུ་ཕྱུང་ངོ་། །དེ་ནས་ཞག་{བཅྭ་,བཅོ་}ལྔ་ལོན་པ་དང་། ཟག་པ་
D119.053.0291b03.01ཀུན་ཟད་དེ་དགྲ་བཅོམ་པའི་འབྲས་བུ་ཐོབ་པར་གྱུར་ཏོ། །གཞན་ཡང་ཀུན་དུ་རྒྱུ་བེའུ་ཞེས་བྱ་བས་འདི་སྐད་ཅེས་གསོལ་ཏོ། །གཽ་ཏ་མ་བདག་ཞུ་བ་ཞུ་ན་ཅི་གནང་ངམ། དེ་བཞིན་གཤེགས་པ་ཅང་མི་གསུང་སྟེ། དེ་བཞིན་དུ་ལན་གཉིས་ལན་གསུམ་གྱི་བར་དུའོ། །བེའུས་ཡང་
D119.053.0291b04.01གསོལ་པ། གཽ་ཏ་མ་བདག་ནི་ཁྱོད་དང་མཛའ་བོ་ཡིན་ཏེ། བདག་ཅག་གཉིས་ཀྱི་དོན་ཡང་གཉིས་སུ་མེད་ན། བདག་གིས་དྲིས་པ་ཅིའི་ཕྱིར་ཅང་མི་གསུང་བར་བཞུགས། དེ་ནས་བཅོམ་ལྡན་འདས་ཐུགས་ལ་འདི་སྙམ་དུ་དགོངས་སོ། །ཀུན་དུ་རྒྱུ་འདི་རང་བཞིན་གྱིས་མཉེན་ཏེ་
D119.053.0291b05.01དེས་ལ་ཤིན་ཏུ་དྲང་བས། ང་དང་བཤེས་ཏེ་དྲི་བ་འདྲི་བ་ཡང་ཀླན་ཀ་ཚོལ་བའི་ཕྱིར་མ་ཡིན་ན། ཅི་དང་ཅི་དྲིས་པ་དེ་དང་དེའི་ལན་གདབ་བོ་སྙམ་དུ་དགོངས་ནས་འདི་སྐད་ཅེས་བཀའ་སྩལ་ཏོ། །ཀྱེ་བེའུ་ལེགས་སོ་ལེགས་སོ། །ཅི་དང་ཅི་འདོད་པ་དྲིས་ཤིག་དང་། དེ་དང་དེའི་ལན་
D119.053.0291b06.01གདབ་པར་བྱའོ། །བེའུས་གསོལ་པ། གཽ་ཏ་མ་འཇིག་རྟེན་ན་དགེ་བ་མཆིས་སམ། དེ་བཞིན་ནོ། །གཽ་ཏ་མ་མི་དགེ་བ་མཆིས་སམ་དེ་བཞིན་ནོ། །ཀུན་དུ་རྒྱུ་བེའུས་གསོལ་པ། གཽ་ཏ་མ་བདག་ཅག་ལ་བསྟན་ཅིང་བཤད་དེ། དགེ་བ་དང་མི་དགེ་བའི་ཆོས་བདག་གིས་རྟོགས་
D119.053.0291b07.01