完整藏文原文 · 德格版页 当前仅加载第 53 函德格 185a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་རྒྱུ་ནི་གང་ལགས་མི་ཤེས་ཏེ། །དེ་བཞིན་གཤེགས་པས་བསྟན་ནས་སྒོམ་པར་གྱུར་པས་ན། །ཇི་ལྟར་བུ་གཅིག་པ་ལ་ཕ་མས་བྱམས་པ་བཞིན། །བཅོམ་ལྡན་འདས་ཀྱིས་སེམས་ཅན་ཉོན་མོངས་ནད་གཟིགས་ནས། །སྡུག་བསྔལ་བ་ནི་ན་བའི་བུ་ལ་
D119.053.0185a01.01མ་བཞིན་ཏེ། །རྟག་ཏུ་ཉོན་མོངས་ནད་སྤོང་བ་ཡི་ཐབས་དགོངས་པས། །དེ་བས་ལུས་འདི་གཞན་གྱི་དབང་དུ་གྱུར་པ་ཡིན། །སེམས་ཅན་ཐམས་ཅད་སྡུག་བསྔལ་མང་པོ་ཀུན་སྤྱོད་ཀྱང་། །ཕྱིན་ཅི་ལོག་གི་སེམས་ཀྱིས་དེ་ལ་བདེ་བར་འཛིན། །དེ་བཞིན་གཤེགས་
D119.053.0185a02.01པས་བདེ་དང་སྡུག་བསྔལ་བདེན་གསུངས་ཏེ། །དེ་བས་ཀུན་དུ་ཐུགས་རྗེ་ཆེན་པོ་ཞེས་གྲགས་སོ། །འཇིག་རྟེན་ཐམས་ཅད་མ་རིག་སྒོ་ང་ལ་གནས་ཀྱང་། །བརྟོལ་ཞིང་གཞོམ་པར་གྱུར་པའི་ཡེ་ཤེས་མཆུ་མེད་པས། །དེ་བཞིན་གཤེགས་པའི་ཡེ་ཤེས་མཆུ་ཡིས་ཀུན་བཅོམ་
D119.053.0185a03.01སྟེ། །དེ་བས་མཆོག་ཏུ་འགྱུར་བའི་སྲས་ཀྱི་ཐུ་བོའོ། །འཇིག་རྟེན་གསུམ་གྱིས་ཡོངས་སུ་མ་བཟུང་མ་བསྡུས་པས། །མིང་ཡང་མེད་དེ་{བླ་དགས་,བླ་དྭགས་}བཏགས་པའི་ཐ་སྙད་མེད། །ཡོངས་སུ་མྱ་ངན་འདས་པའི་དོན་མཛད་རྟོགས་པས་ན། །བཅོམ་ལྡན་འདས་ནི་བློ་གྲོས་
D119.053.0185a04.01ཆེན་པོ་ཞེས་གྲགས་སོ། །སྲིད་པའི་ཀླུང་གིས་སེམས་ཅན་གཡེངས་ཏེ་ནུབ་གྱུར་ཀྱང་། །མ་རིག་ཡོངས་སུ་མདོངས་པས་འབྱུང་བའི་ལམ་མི་ཤེས། །དེ་བཞིན་གཤེགས་ནི་བདག་ཀྱང་གྲོལ་བས་གཞན་སྒྲོལ་ཏེ། །དེ་བས་དེ་བཞིན་གཤེགས་ནི་གྲུ་མཁན་ཞེས་གྲགས་སོ། །
D119.053.0185a05.01རྒྱུ་དང་འབྲས་བུར་འགྱུར་བ་ཐམས་ཅད་མཁྱེན་པས་ན། །དེ་བཞིན་ཟད་དང་འགོག་པའི་ལས་ཀྱང་ཤིན་ཏུ་རྟོགས། །སེམས་ཅན་ནད་ཀྱིས་སྡུག་བསྔལ་བ་ཡི་སྨན་གཏོང་བས། །འཇིག་རྟེན་ཀུན་ཏུ་སྨན་པའི་རྒྱལ་པོ་ཞེས་གྲགས་སོ། །མུ་སྟེགས་ངན་པར་ལྟ་བའི་དཀའ་ཐུབ་
D119.053.0185a06.01སྤྱོད་པ་ཡང་། །དེ་ཡི་རྐྱེན་གྱིས་བླ་མེད་བདེ་བ་ཐོབ་ཅེས་སྨྲ། །དེ་བཞིན་གཤེགས་ཀྱིས་ཡང་དག་བདེ་བ་གསུངས་པ་ནི། །སེམས་ཅན་ཐམས་ཅད་ངེས་པར་བདེ་བ་མྱོང་བར་འགྱུར། །དེ་བཞིན་གཤེགས་ནི་ལོག་པར་འགྲོ་བའི་ལམ་བཅོམ་པས། །སེམས་ཅན་ཀུན་ལ་
D119.053.0185a07.01