完整藏文原文 · 德格版页 当前仅加载第 53 函德格 283a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མ་ཡིན། དགྲ་ཡང་གཉེན་ཡིན་ལ། གཉེན་ཡང་དགྲ་ཡིན་ཕ་རོལ་ཡང་ཚུ་རོལ་ཡིན་ལ། ཚུ་རོལ་ཡང་ཕ་རོལ་ཡིན་ཏེ། དེ་བས་ན་སེམས་ཅན་ཐམས་ཅད་ཀྱི་བདག་ཅེས་བྱ་བ་གཅིག་སྟེ། འཐུན་ནོ་ཞེས་བྱ་བ་ནི་འཇིག་རྟེན་དང་འཇིག་རྟེན་ལས་འདས་པའི་ཆོས་
D119.053.0283a01.01གཉིས་ཀ་དང་འགལ་ལོ། །ས་ནིས་གསོལ་པ། སེམས་ཅན་ཐམས་ཅད་ལ་བདག་ཅེས་བགྱི་བ་གཅིག་སྟེ། འཐུན་ནོ་ཞེས་བདག་མི་སྨྲའི་སོ་སོའི་མི་རེ་རེ་ལ་བདག་རེ་རེ་ཡོད་དོ་ཞེས་སྨྲའོ། །བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་མི་རེ་རེ་ལ་བདག་རེ་རེ་ཡོད་ཅེས་སྨྲ་ན་
D119.053.0283a02.01བདག་ཅེས་བྱ་བ་མང་པོར་འགྱུར་ཏེ། དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། ཁྱོད་སྔར་སྨྲ་བ་ལྟར་བདག་ཅེས་བྱ་བ་ཐམས་ཅད་ལ་ཁྱབ་བོ་ཞེས་བྱ་བ་དེ་གལ་ཏེ་ཐམས་ཅད་ལ་ཁྱབ་པ་ཞིག་ཡིན་ན་ནི་སེམས་ཅན་ཐམས་ཅད་ཀྱི་འབྲས་བུ་ཡང་འཐུན་པའི་རིགས་ཏེ། ལྷ་སྦྱིན་མཐོང་བའི་
D119.053.0283a03.01དུས་ན་སངས་རྒྱས་སྦྱིན་ཡང་མཐོང་ལ། ལྷ་སྦྱིན་བྱས་པའི་དུས་ན་སངས་རྒྱས་སྦྱིན་ཡང་བྱས་པ་དང་། ལྷ་སྦྱིན་ཐོས་པའི་དུས་ན་སངས་རྒྱས་སྦྱིན་ཡང་ཐོས་ཏེ། ཆོས་ཐམས་ཅད་ཀྱང་དེ་ལྟ་བུར་འགྱུར་བས་ལྷ་སྦྱིན་གྱིས་མཐོང་བའི་དུས་ན་སངས་རྒྱས་སྦྱིན་གྱིས་མཐོང་བ་མ་ཡིན་ཏེ། དེ་བས་ན་
D119.053.0283a04.01བདག་ཅེས་བྱ་བ་དེ་ཐམས་ཅད་ལ་ཁྱབ་བོ་ཞེས་སྨྲ་བའི་མི་རིགས་སོ། །ཇི་སྟེ་མ་ཁྱབ་ན་དེ་ནི་མི་རྟག་པར་འགྱུར་རོ། །ས་ནིས་གསོལ་པ། གཽ་ཏ་མ་བདག་ཅེས་བགྱི་བ་ནི་སེམས་ཅན་ཐམས་ཅད་ལ་ཁྱབ་པ་ལགས་སོ། །ཆོས་དང་ཆོས་མ་ལགས་པ་ནི་ཐམས་ཅད་ལ་ཁྱབ་པ་མ་ལགས་ཏེ།
D119.053.0283a05.01དེ་བས་ན་སངས་རྒྱས་སྦྱིན་གྱིས་བྱས་པ་ཡང་གཞན་ལ། ལྷ་སྦྱིན་གྱིས་བྱས་པ་ཡང་གཞན་ནོ། །དེ་བས་ན་གཽ་ཏ་མ་སངས་རྒྱས་སྦྱིན་གྱིས་མཐོང་བའི་དུས་ན་ལྷ་སྦྱིན་གྱིས་ཀྱང་མཐོང་བའི་རིགས་སོ་ཞེའམ། སངས་རྒྱས་སྦྱིན་གྱིས་ཐོས་པའི་དུས་ན་ལྷ་སྦྱིན་གྱིས་ཀྱང་ཐོས་པའི་རིགས་སོ་ཞེས་གསུང་བའི་
D119.053.0283a06.01མི་རིགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཆོས་དང་ཆོས་མ་ཡིན་པ་ལས་ཀྱིས་བྱས་པ་ཡིན་ནམ། ས་ནིས་གསོལ་པ། གཽ་ཏ་མ་ལས་ཀྱིས་བགྱིས་པ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་ཆོས་དང་ཆོས་མ་ཡིན་པ་ལས་ཀྱིས་
D119.053.0283a07.01