完整藏文原文 · 德格版页 当前仅加载第 53 函德格 145b 版页；藏文 NFD、目录标记与异常页序保留在来源切片中，重复版页行以稳定序号区分。
པའོ། །གནས་པ་ནི་སྟོང་པའི་ཆོས་ཏེ། དེ་བཞིན་གཤེགས་པ་ནི་སྟོང་པའི་ཆོས་དེ་ལྟ་བུ་ཡོངས་སུ་བཅད་པས་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་ཐོབ་པ་ཡིན་ན། ཅིའི་ཕྱིར་དེ་བཞིན་གཤེགས་པ་གནས་པར་སྨོན་ཅེས་སྨྲ། གནས་པ་ནི་སྲིད་
D119.053.0145b01.01པ་ཉི་ཤུ་རྩ་ལྔ་སྟེ། དེ་བཞིན་གཤེགས་པས་སྲིད་པ་ཉི་ཤུ་རྩ་ལྔ་ཡོངས་སུ་བཅད་ན། ཅིའི་ཕྱིར་གནས་ཞེས་སྨྲ། གནས་པ་ནི་བུས་པ་མ་རབས་སོ་སོའི་སྐྱེ་བོ་ཐམས་ཅད་དོ། །འཕགས་པ་ནི་སོང་བ་ཡང་མེད། འོངས་པ་ཡང་མེད། གནས་པ་ཡང་མེད་དེ། དེ་བཞིན་གཤེགས་
D119.053.0145b02.01པས་སོང་བ་དང་། འོངས་པ་དང་། གནས་པའི་མཚན་ཉིད་ཀྱང་ཡོངས་སུ་བཅད་ན། ཅིའི་ཕྱིར་གནས་ཞེས་སྨྲ། དེ་ལ་མི་གནས་པ་ནི་སྐུ་མཐའ་ཡས་པ་སྟེ། དེ་ལྟར་སྐུ་མཐའ་ཡས་པ་ལ་ཅིའི་ཕྱིར་དེ་བཞིན་གཤེགས་པ་སཱ་ལའི་ཚལ་དུ་གནས་པར་སྨོན་ཏོ་ཞེས་སྨྲ།
D119.053.0145b03.01གལ་ཏེ་ཚལ་འདིར་གནས་ན་མཐའ་ཡོད་པའི་སྐུར་འགྱུར་ཏེ། ཅི་སྟེ་མཐའ་ཡོད་ན་མི་རྟག་པར་འགྱུར་རོ། །དེ་བཞིན་གཤེགས་པ་ནི་རྟག་པ་ཡིན་ན། ཅིའི་ཕྱིར་གནས་ཞེས་སྨྲ། དེ་ལ་མི་གནས་པ་ནི་ནམ་མཁའ་སྟོང་པ་སྟེ། དེ་བཞིན་གཤེགས་པའི་རང་བཞིན་ནི་ནམ་
D119.053.0145b04.01མཁའ་སྟོང་པ་དང་མཚུངས་ན། ཅིའི་ཕྱིར་གནས་ཞེས་སྨྲ། ཡང་མི་གནས་པ་ཞེས་བྱ་བ་ནི་རྡོ་རྗེ་ལྟ་བུའི་ཏིང་ངེ་འཛིན་ཏེ། རྡོ་རྗེ་ལྟ་བུའི་ཏིང་ངེ་འཛིན་ནི་གནས་ཐམས་ཅད་འཇིག་སྟེ། རྡོ་རྗེ་ལྟ་བུའི་ཏིང་ངེ་འཛིན་ཉིད་དེ་བཞིན་གཤེགས་པ་ན། ཅིའི་ཕྱིར་གནས་ཞེས་སྨྲ། ཡང་
D119.053.0145b05.01མི་གནས་པ་ནི་སྒྱུ་མ་ཞེས་བྱ་སྟེ། དེ་བཞིན་གཤེགས་པ་སྒྱུ་མ་དང་མཚུངས་ན། ཅིའི་ཕྱིར་གནས་ཞེས་སྨྲ། ཡང་མི་གནས་པ་ནི་ཐོག་མ་དང་ཐ་མ་མེད་པ་སྟེ། དེ་བཞིན་གཤེགས་པའི་རང་བཞིན་ཡང་ཐོག་མ་དང་ཐ་མ་མེད་ན། ཅིའི་ཕྱིར་གནས་ཞེས་སྨྲ། ཡང་མི་གནས་
D119.053.0145b06.01པ་ནི་ཆོས་ཀྱི་དབྱིངས་མཐའ་ཡས་པ་སྟེ། ཆོས་ཀྱི་དབྱིངས་མཐའ་ཡས་པ་ཉིད་དེ་བཞིན་གཤེགས་པ་ནི་ཅིའི་ཕྱིར་གནས་ཞེས་སྨྲ། ཡང་མི་གནས་པ་ཞེས་བྱ་བ་ནི་དཔའ་བར་འགྲོ་བའི་ཏིང་ངེ་འཛིན་ཏེ། དཔའ་བར་འགྲོ་བའི་ཏིང་ངེ་འཛིན་གྱིས་ཆོས་ཐམས་ཅད་ཆགས་པ་མེད་པར་ཤེས་
D119.053.0145b07.01