完整藏文原文 · 德格版页 当前仅加载第 53 函德格 314b 版页；藏文 NFD、目录标记与异常页序保留在来源切片中，重复版页行以稳定序号区分。
བྲང་གི་སླས་སུ་བཅས། ངན་པར་ལྟ་བ་དང་གདུག་པ་གསུམ་དུ་བཅས། ཉོན་མོངས་པ་དང་ཀུན་ནས་ཉོན་མོངས་པ་བ་སྤུའི་ཉག་མ་ཙམ་ཡང་མ་སྤངས་པ་ཤི་ནས་འཇིག་རྟེན་དུ་བཅས་པས་དེ་ལྟ་བུའི་ཆོ་ག་བྱེད་ཅིང་། མཆོད་རྟེན་བརྩིགས་ནས་ཐམས་ཅད་རྗེས་སུ་ཡི་རང་ཞིང་བལྟ་ན་དགའ་བོ་དེ་
D119.053.0314b01.01བཞིན་གཤེགས་པ་ལྟ་ཅི་སྨོས་ཏེ། བསྐལ་པ་ཚད་མེད་མཐའ་ཡས་དཔག་ཏུ་མེད་གྲངས་མེད་པ་ནས་བཙུན་མོ་དང་ཕོ་བྲང་གི་སླས་དང་འདོད་པ་ལྔ་ཡོངས་སུ་སྤངས་ཏེ། འཇིག་རྟེན་གྱི་ཆོས་ལ་བ་མོའམ་སེར་བ་ལྟ་བུར་རྟོགས་ནས་རྩོལ་དཀའ་བ་བཙལ་ཏེ་ཤིན་ཏུ་སྤྱོད་དཀའ་བ་སྤྱད་ནས།
D119.053.0314b02.01བྱང་ཆུབ་སེམས་དཔའ་ཐམས་ཅད་ཀྱིས་འཇིག་རྟེན་ལས་འདས་པའི་སྤྱོད་དཀའ་བ་སྤྱད་དེ། ཕྱོགས་བཅུ་ན་དུས་གསུམ་དུ་རྣམ་པར་བཞུགས་པའི་སངས་རྒྱས་ཐམས་ཅད་ཀྱིས་མཛད་པ་ཡོངས་སུ་དག་པའི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་
D119.053.0314b03.01པར་གྲོལ་བའི་ཡེ་ཤེས་སྟོན་པ་དང་། ཕ་རོལ་ཏུ་ཕྱིན་པ་དྲུག་མ་བསྒྲུབས་པ་གང་ཡང་མེད་ལ། གཞན་ཡང་དེ་བཞིན་གཤེགས་པའི་སྟོབས་བཅུ་དང་། སྙིང་རྗེ་ཆེན་པོ་དང་། མི་འཇིགས་པ་བཞི་དང་། རྣམ་པར་ཐར་པའི་སྒོ་གསུམ་དང་། སྟོང་པ་ཉིད་{བཅྭ་,བཅོ་}བརྒྱད་དང་། མངོན་པར་ཤེས་པ་དྲུག་
D119.053.0314b04.01དང་། སྤྱན་ལྔ་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། མ་འདྲེས་པའི་ཆོས་{བཅྭ་,བཅོ་}བརྒྱད་དང་། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་། སངས་རྒྱས་ཐམས་ཅད་ཀྱི་སྐུ་ཚེ་དང་། སངས་རྒྱས་ཀྱི་ཞིང་ཐམས་ཅད་ཡོངས་སུ་སྦྱང་བ་དང་། སེམས་ཅན་ཐམས་ཅད་
D119.053.0314b05.01ཡོངས་སུ་སྨིན་པར་བྱ་བ་དང་། སྤྱོད་དཀའ་བ་ཐམས་ཅད་དང་། དགེ་བ་སྡུད་པའི་ཚུལ་ཁྲིམས་དང་། སེམས་ཅན་གྱི་དོན་བྱེད་པའི་ཚུལ་ཁྲིམས་དང་། སྡོམ་པའི་ཚུལ་ཁྲིམས་དང་། ཡོན་ཏན་ཐམས་ཅད་དང་། ཡེ་ཤེས་ཐམས་ཅད་དང་། རྒྱན་ཐམས་ཅད་དང་། སྨོན་ལམ་ཆེན་པོ་ཐམས་ཅད་དང་། ཐབས་
D119.053.0314b06.01མཁས་པ་ཐམས་ཅད་དང་། དེ་ལ་སོགས་ཏེ་བསམ་གྱིས་མི་ཁྱབ་པའི་བསོད་ནམས་དང་ཡེ་ཤེས་ཐམས་ཅད་ཡོངས་སུ་རྫོགས་པར་ལྷུན་གྱིས་གྲུབ་སྟེ། མི་དགེ་བ་ཐམས་ཅད་ཀྱང་ཡོངས་སུ་བཅད། ཉོན་མོངས་པ་ཐམས་ཅད་ཀྱང་ཡོངས་སུ་བཅད། ཉོན་མོངས་པའི་བག་ཆགས་ཐམས་ཅད་ཀྱང་
D119.053.0314b07.01