完整藏文原文 · 德格版页 当前仅加载第 53 函德格 301b 版页；藏文 NFD、目录标记与异常页序保留在来源切片中，重复版页行以稳定序号区分。
གང་ལ་དད་སྙམ་བསམས་ཏེ། ཏིང་ངེ་འཛིན་ལ་སྙོམས་པར་ཞུགས་ན་དེ་བཞིན་གཤེགས་པའི་ཐུགས་དགའ་བོ་ལ་དགྱེས་པ་ནི་ཇི་ལྟར་ཉི་མ་ཐོག་མ་ཤར་ན་ནུབ་ཕྱོགས་ཀྱི་རྩིག་ངོས་ལ་སྣང་བ་དང་འདྲ་བར་སེམས་ཀྱིས་རྟོགས་ནས་ཏིང་ངེ་འཛིན་ལས་ལངས་ཏེ། ཀཽཎྜི་ནྱ་ལ་འདི་སྐད་ཅེས་
D119.053.0301b01.01སྨྲས་སོ། །བཙུན་པ་བདག་གིས་བརྟགས་ན། དེ་བཞིན་གཤེགས་པ་ནི་ཞབས་འབྲིང་དུ་དགའ་བོ་དགྱེས་སོ། །དེ་ནས་ཀཽཎྜི་ནྱ་དགྲ་བཅོམ་པ་ལྔ་བརྒྱ་དང་བཅས་ཏེ་དགའ་བོ་གང་ན་བར་སོང་ནས་དགའ་བོ་ལ་འདི་སྐད་ཅེས་སྨྲས་སོ། །དགའ་བོ་ཁྱོད་དེ་བཞིན་གཤེགས་པའི་
D119.053.0301b02.01ཞབས་འབྲིང་དུ་བསྐོས་ཀྱིས་བཟོད་པ་ལོང་ཤིག །དགའ་བོས་སྨྲས་པ། བཙུན་པ་བདག་གིས་ནི་དེ་བཞིན་གཤེགས་པའི་ཞབས་འབྲིང་བགྱིད་པའི་རྔོ་མི་ཐོགས་སོ། །དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་སེང་གེའི་རྒྱལ་པོའམ། ཀླུའམ། མེ་ལྟ་བུར་བྱིན་ཆེ་བ་ལགས་
D119.053.0301b03.01ཏེ། བདག་ནི་ཤིན་ཏུ་ཡང་ཞན་པས་ཞབས་འབྲིང་བགྱིད་པའི་རྔོ་མི་ཐོགས་སོ། །དགེ་སློང་རྣམས་ཀྱིས་སྨྲས་པ། དགའ་བོ་ཁྱོད་ངེད་ཀྱིས་བསྒོ་བ་བཞིན་དུ་དེ་བཞིན་གཤེགས་པའི་ཞབས་འབྲིང་གྱིས་ཤིག །ཕན་པ་དང་བདེ་བ་ཆེན་པོ་ཐོབ་པར་འགྱུར་རོ་ཞེས་ལན་གཉིས་ལན་གསུམ་གྱི་
D119.053.0301b04.01བར་དུ་བསྒོའོ། །ཡང་དགའ་བོས་སྨྲས་པ། བཙུན་པ་བདག་ནི་ཕན་པ་དང་བདེ་བ་ཆེན་པོ་ཡང་མི་འཚལ་ཏེ། དེ་བཞིན་གཤེགས་པའི་ཞབས་འབྲིང་ཡང་རྔོ་མི་ཐོགས་སོ་ཞེས་སྨྲས་སོ། །དེ་ནས་མཽད་གལ་གྱིས་དགའ་བོ་ལ་སྨྲས་པ། ཁྱོད་མི་ཤེས་སོ། །དགའ་བོས་སྨྲས་
D119.053.0301b05.01པ། བཙུན་པ་བདག་ལ་བསྟན་དུ་གསོལ། མཽད་གལ་གྱིས་སྨྲས་པ། དེ་བཞིན་གཤེགས་པས་སྔར་དགེ་འདུན་གྱི་ནང་ན་ཞབས་འབྲིང་བ་བཏུས་ན་དགྲ་བཅོམ་པ་ལྔ་བརྒྱས་ཞབས་འབྲིང་དུ་གསོལ་ཀྱང་། དེ་བཞིན་གཤེགས་པས་མ་གནང་སྟེ། བདག་གིས་ཏིང་ངེ་འཛིན་
D119.053.0301b06.01དུ་ཞུགས་ཏེ་བལྟས་ན། དེ་བཞིན་གཤེགས་པའི་ཐུགས་ཁྱོད་ལ་དགྱེས་པར་རྟོགས་ན། ཁྱོད་ཅིའི་ཕྱིར་མི་བཏུབ། དགའ་བོས་དེ་སྐད་ཅེས་སྨྲས་པ་ཐོས་ནས་ཐལ་མོ་སྦྱར་ཏེ་པུས་མོ་བཙུགས་ནས་འདི་སྐད་ཅེས་སྨྲས་སོ། །བཙུན་པ་ཇི་སྟེ་དེ་ལྟ་བུ་ཞིག་ལགས་ན་དེ་བཞིན་
D119.053.0301b07.01