完整藏文原文 · 德格版页 当前仅加载第 53 函德格 324a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་ཅི་རིགས་ཆོས་བསྟན་ནས། །སེམས་ཅན་མི་བདེར་འགྱུར་བ་གང་ཡང་མེད། །སྲིད་པ་གསུམ་གྱི་སྡུག་བསྔལ་ལས་བཏོན་ཏེ། །མཐར་ཕྱིན་མྱ་ངན་འདའ་བའི་ལམ་ལ་བཀོད། །བཅོམ་ལྡན་སེམས་ཅན་རྣམས་ལ་བྱམས་པའི་ཡུམ། །སེམས་ཅན་ཀུན་ལ་སྙིང་བརྩེ་ཞོ་བླུད་
D119.053.0324a01.01པ། །ཇི་སྟེ་ཐམས་ཅད་ནང་གཅིག་རབ་སྤངས་ནས། །ལྷ་མི་ཕོངས་པའི་མགོན་མ་མཆིས་པར་མཛད། །ཀྱི་ཧུད་འགྲོ་བའི་དགེ་བའི་མྱུ་གུ་ཡང་། །སྐྱེ་བའི་ཆར་ནི་འབབ་པའི་དུས་མ་མཆིས། །དགེ་བའི་མྱུ་གུ་ཁད་ཀྱིས་འགགས་ནས་སུ། །སྡུག་པའི་ལས་ཀྱིས་བསྡུས་ནས་ངན་སོང་འགྲོ། །
D119.053.0324a02.01འཇིག་རྟེན་སྟོངས་སོ་ད་ནི་ཇི་ལྟར་བགྱི། །སེམས་ཅན་ཡང་དག་ཤེས་རབ་མིག་མདོངས་སོ། །མ་རིག་མུན་པར་འཐོམ་ཞིང་འགྲོ་བས་ན། །སྲིད་པ་གསུམ་དུ་ལྟུང་ཞིང་འཁོར་བར་གྱུར། །སེམས་ཅན་སྡིག་པ་མགོན་མེད་ཇི་ལྟར་བགྱི། །རིང་བསྲེལ་དག་ལ་བརྟེན་ནས་གྲོལ་བར་ཤོག །དེ་
D119.053.0324a03.01བཞིན་གཤེགས་ལ་གསོལ་བའི་སྙིང་རྗེའི་མཐུས། །སྡུག་བསྔལ་ལས་ནི་གྲོལ་བའི་སྐྱབས་སུ་ཤོག །ཀྱི་ཧུད་ཇི་ལྟར་འཇིག་རྟེན་ངན་པ་འདིར། །བཅོམ་ལྡན་བདག་ཅག་སྤངས་ནས་མྱ་ངན་འདའ། །དེའི་ཚེ་བརྒྱ་བྱིན་ལྷའི་དབང་ཕྱུག་འཁོར་དང་བཅས་ཏེ་སྟེང་གི་ནམ་མཁའ་ལས་བབས་
D119.053.0324a04.01ནས་ཀྱི་ཧུད་ཀྱི་ཧུད་ཅེས་སྐད་ཆེན་པོ་ཕྱུང་སྟེ་ངུས་ནས་མཆི་མ་བླགས་ཏེ། དེ་བཞིན་གཤེགས་པའི་སྤྱན་སྔར་བརྒྱལ་ནས་ས་ལ་འགྱེལ་ཏོ། །དེ་ནས་རིང་ཞིག་ལོན་པ་དང་གདོད་ཕྱིར་སངས་ཏེ་མྱ་ངན་གྱིས་ཡིད་གདུངས་ནས་སངས་རྒྱས་ཀྱི་སྤྱན་སྔར་ཚིགས་སུ་བཅད་པ་འདིས་ངུས་སོ། །བཅོམ་ལྡན་
D119.053.0324a05.01བསྐལ་པར་དཀའ་བ་མཛད་པ་ནི། །བདག་དང་འགྲོ་བ་རྣམས་ཀྱི་སླད་དུ་སྟེ། །བླ་ན་མེད་པའི་བྱང་ཆུབ་རབ་བརྙེས་ནས། །འགྲོ་བ་ཀུན་ལ་བུ་གཅིག་བཞིན་དུ་གསོ། །ཆོས་སྦྱིན་སྨན་ནི་སྨན་གྱི་ནང་ན་མཆོག །ནད་གསོ་སྨན་པའི་ནང་ན་སྨན་པ་གཙོ། །ཐུགས་རྗེ་ཆེན་པོའི་སྤྲིན་གྱིས་ཀུན་
D119.053.0324a06.01བསྐྱབས་ནས། །བདུད་རྩི་ཤེས་རབ་ཆར་ནི་ཀུན་ལ་ཕབ། །ཤེས་རབ་ཉི་མའི་འོད་ཀྱིས་མ་རིག་མུན་པ་བསལ། །མ་རིག་སེམས་ཅན་འཕགས་པའི་ལམ་ཡང་མཐོང་། །འཕགས་པའི་བྱམས་པའི་འོད་ཀྱིས་རྒྱུད་དྲུག་སྣང་མཛད་ནས། །སྲིད་པ་རྣམ་གསུམ་འོད་ཀྱིས་རེག་ནས་རྣམ་
D119.053.0324a07.01