完整藏文原文 · 德格版页 当前仅加载第 53 函德格 309b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཞེ་སྡང་དང་། གཏི་མུག་གིས་སྐད་ཅིག་སྐད་ཅིག་ཏུ་རྣམ་པར་གཙེས་ནས་བསྐལ་པ་ཚད་མེད་པའི་བར་དུ་སྡུག་བསྔལ་མྱོང་བར་གྱུར་ན། མཁས་པ་ཤེས་རབ་ཅན་སུ་ཞིག་དེ་ལ་མི་རྟོག །ཁྱེད་རྣམས་འདི་ལྟར་རིག་པར་གྱིས་ཤིག །ང་ནི་བསྐལ་པ་འདས་པ་ནས་ཞི་བ་ཆེན་པོའི་ཕུང་པོ་དང་ཁམས་དང་
D119.053.0309b01.01སྐྱེ་མཆེད་མེད་པ་ལ་ཞུགས་ཏེ་སྲིད་པ་ཡོངས་སུ་བཅད་ནས་རིན་པོ་ཆེ་རྡོ་རྗེའི་གཏེར་ལྟ་བུ་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་ཐོབ་ཀྱང་ངས་འདིར་བསམ་གྱིས་མི་ཁྱབ་པའི་ཐབས་བསྟན་པའི་ཕྱིར་འཇིག་རྟེན་གྱི་ཆོས་དང་འཐུན་པར་མྱ་ངན་ལས་འདའ་བར་བསྟན་ཏེ། དེ་ཡང་སོ་སོའི་
D119.053.0309b02.01སྐྱེ་བོ་དག་ལུས་གློག་ལྟ་བུར་ཤེས་པར་བྱ་ཞིང་གཅགས་པའི་སེམས་བསྐྱེད་པའི་ཕྱིར་རོ། །འཁོར་བའི་འོད་པ་འབབ་པ་ནི་ཤིན་ཏུ་དྲག་ཅིང་མྱུར་ལ། འདུ་བྱེད་རྣམས་ནི་འཁོར་བར་འཁོར་རོ། །ཆོས་ཉིད་ཀྱིས་དེ་བཞིན་ཏེ། དེ་བཞིན་གཤེགས་པ་མྱ་ངན་ལས་འདའ་བ་ནི་ཤིན་ཏུ་ཟབ་ལ་བསམ་གྱིས་
D119.053.0309b03.01མི་ཁྱབ་པས་དེ་ནི་སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་སྤྱོད་ཡུལ་ཡིན་གྱི། ཉན་ཐོས་དང་རང་སངས་རྒྱས་རྣམས་ཀྱིས་ཤེས་པ་མ་ཡིན་ནོ། །བཅོམ་ལྡན་འདས་ཀྱིས་འཁོར་མང་པོ་རྣམས་ལ་ཡང་འདི་སྐད་ཅེས་བཀའ་སྩལ་ཏོ། །ཤིན་ཏུ་བཟང་པོ་འདི་སྔོན་སངས་རྒྱས་གང་གཱའི་ཀླུང་གི་
D119.053.0309b04.01བྱེ་མ་སྙེད་ལ་བསྙེན་བཀུར་བྱས་ཏེ། སངས་རྒྱས་དེ་དག་ལས་དགེ་བའི་རྩ་བ་ཤིན་ཏུ་བསྐྱེད་ནས་སྔོན་གྱི་སྨོན་ལམ་གྱི་ཤུགས་ཀྱིས་རྟག་ཏུ་གཅེར་བུ་པ་མུ་སྟེགས་ཅན་གྱི་ཆོས་ལ་རབ་ཏུ་བྱུང་སྟེ་སྤྱད་པ་སྤྱོད་ཅིང་། ཐབས་མཁས་པའི་ཤེས་རབ་ཀྱིས་ངན་པར་ལྟ་བ་ལོག་པར་ཞུགས་པའི་སེམས་ཅན་རྣམས་
D119.053.0309b05.01ཡང་དག་པའི་ཡེ་ཤེས་ལ་དགོད་པར་བྱེད་དོ། །ཤིན་ཏུ་བཟང་པོ་འདི་སྔོན་གྱི་སྨོན་ལམ་གྱི་ཤུགས་ཀྱིས་མྱ་ངན་ལས་འདའ་ཀར་ང་དང་ཕྲད་ནས་དམ་པའི་ཆོས་ཐོས་པར་གྱུར་ཏོ། །དམ་པའི་ཆོས་ཐོས་ནས་ཀྱང་དགྲ་བཅོམ་པའི་འབྲས་བུ་ཐོབ་བོ། །དགྲ་བཅོམ་པའི་འབྲས་བུ་ཐོབ་ནས་ཀྱང་མྱ་
D119.053.0309b06.01ངན་ལས་འདའ་བར་ཞུགས་སོ། །ང་ཐོག་མ་མངོན་པར་སངས་རྒྱས་ནས་ཚེ་དང་ལྡན་པ་ཅང་ཤེས་ཀཽཎྜི་ནྱ་རབ་ཏུ་ཕྱུང་ངོ་། །ཐ་མ་མྱ་ངན་ལས་འདའ་ཀར་ཤིན་ཏུ་བཟང་པོ་བཏུལ་ནས་མཛད་པའི་མཐར་ཕྱིན་ཏེ། མཛད་པ་མེད་པས་ང་ཡུན་དུ་བཞུགས་ཀྱང་དེ་ལས་མཛད་པ་གཞན་མེད་དོ། །དེའི་ཚེ་བཅོམ་
D119.053.0309b07.01