完整藏文原文 · 德格版页 当前仅加载第 53 函德格 313b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ་སྐྱེས་བུ་ཞིག་དད་པའི་སེམས་ཀྱིས་བསྟི་སྟང་དང་བཅས་པས་དེ་བཞིན་གཤེགས་པའི་སྐུ་གདུང་ཕྱེད་ལ་མཆོད་པ་བགྱིས་ན། བཅོམ་ལྡན་འདས་སྐྱེས་བུ་དེ་གཉིས་གང་གིས་བསོད་ནམས་མང་དུ་ཐོབ། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། སྐྱེས་བུ་དེ་གཉིས་དད་པའི་སེམས་ཀྱིས་
D119.053.0313b01.01མཆོད་ན། བསོད་ནམས་ལ་ཁྱད་པར་མེད་དེ། བསོད་ནམས་ཀྱི་ཕུང་པོ་ཚད་མེད་དཔག་ཏུ་མེད་དོ། །དགའ་བོ་གལ་ཏེ་སྐྱེས་བུ་ཞིག་གིས་དད་པའི་སེམས་ཀྱིས་དེ་བཞིན་གཤེགས་པའི་སྐུ་གདུང་བཞི་ཆ་གཅིག་གམ། བརྒྱད་ཆ་གཅིག་གམ། བཅུ་དྲུག་གི་ཆ་གཅིག་གམ། བརྒྱའི་ཆ་གཅིག་གམ། སྟོང་
D119.053.0313b02.01གི་ཆ་གཅིག་གམ། ཁྲིའི་ཆ་གཅིག་གམ། ཀླུང་གང་གཱའི་བྱེ་མའི་ཆ་གཅིག་ཙམ་ནས་ཆུང་ངུ་ན་ཡུངས་ཀར་ཙམ་གཅིག་ལ་དད་པའི་སེམས་ཀྱིས་བསྟི་སྟང་དང་བཅས། རིམ་གྲོ་དང་བཅས་པས་མཆོད་པ་དང་བསྟོད་པ་བྱས་པ་དང་། གལ་ཏེ་སངས་རྒྱས་མངོན་དུ་བཞུགས་པ་ལ་བསྟི་སྟང་དང་བཅས་པས་
D119.053.0313b03.01མཆོད་པ་བྱས་ན། སྐྱེས་བུ་དེ་གཉིས་ཀྱི་བསོད་ནམས་ནི་ཐམས་ཅད་ཁྱད་པར་མེད་པར་མཉམ་སྟེ། ཚད་མེད་དཔག་ཏུ་མེད་དོ། །དགའ་བོ་སངས་རྒྱས་མངོན་དུ་བཞུགས་སམ། མྱ་ངན་ལས་འདས་ཀྱང་རུང་། གང་ཞིག་དད་པའི་སེམས་ཀྱིས་བསྟི་སྟང་དང་བཅས་པས་ཕྱག་འཚལ་ཏེ། བླ་མར་བྱས། བཀུར་
D119.053.0313b04.01སྟིར་བྱས། བསྟོད་པ་བྱས་ན། སྐྱེས་བུ་དེ་གཉིས་ཀྱི་བསོད་ནམས་ཐོབ་པ་ནི་གཉིས་སུ་མེད། དབྱེར་མེད་པར་རིག་པར་བྱའོ། །བཅོམ་ལྡན་འདས་ཀྱིས་དགའ་བོ་དང་འཁོར་མང་པོ་རྣམས་ལ་བཀའ་སྩལ་པ། ང་མྱ་ངན་ལས་འདས་ནས་གནམ་གྱི་སྟེང་ངམ། མིའི་འཇིག་རྟེན་ན་སེམས་ཅན་གྱིས་ངའི་སྐུ་གདུང་
D119.053.0313b05.01ལག་ཏུ་ཐོབ་སྟེ། མྱ་ངན་དང་དགའ་བ་བཅས་པས་བསྟི་སྟང་དུ་ཕྱག་འཚལ་ཏེ་དད་པའི་སེམས་ཀྱིས་མཆོད་པ་བྱས་ན། བསོད་ནམས་ཚད་མེད་དཔག་ཏུ་མེད་པ་ཐོབ་པར་འགྱུར་རོ། །དགའ་བོ་གང་གིས་དེ་བཞིན་གཤེགས་པའི་སྐུ་གདུང་མཐོང་ན། དེས་ནི་སངས་རྒྱས་མཐོང་ངོ་། །སངས་རྒྱས་མཐོང་བ་དེས་
D119.053.0313b06.01ནི་ཆོས་མཐོང་ངོ་། །ཆོས་མཐོང་བ་དེས་ནི་དགེ་འདུན་མཐོང་ངོ་། །དགེ་འདུན་མཐོང་བ་དེས་ནི་མྱ་ངན་ལས་འདས་པ་མཐོང་ངོ་། །དགའ་བོ་དེ་བས་ན་དཀོན་མཆོག་གསུམ་ནི་རྟག་པ་གནས་པ་མི་འགྱུར་མི་འཕོ་བ་སྟེ། སེམས་ཅན་ཐམས་ཅད་ཀྱི་མགོན་དང་སྐྱབས་ཀྱི་གནས་སུ་འགྱུར་བར་རིག་པར་བྱའོ། །དགའ་
D119.053.0313b07.01