完整藏文原文 · 德格版页 当前仅加载第 53 函德格 181a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོས་ཡོངས་སུ་མྱ་ངན་ལས་འདས་པ་ལ་མོས་པས་དེའི་རྒྱུ་དེའི་རྐྱེན་གྱིས་ཀྱང་མཆོག་ཏུ་འགྱུར་ཏེ། དེ་བས་ན་བསམ་གྱིས་མི་ཁྱབ་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་དངོས་པོ་གསུམ་གྱིས་
D119.053.0181a01.01ལྷ་རྣམས་ལས་མཆོག་ཏུ་གྱུར་ཀྱང་ལྷའི་སྲས་པོ་རྣམས་བྱང་ཆུབ་སེམས་དཔའ་དེ་ལ་ཞེ་སྡང་གི་སེམས་དང་། ཕྲག་དོག་གི་སེམས་དང་། ང་རྒྱལ་གྱི་སེམས་མི་སྐྱེའི། རྟག་ཏུ་དགའ་བའི་སེམས་བསྐྱེད་དོ། །བྱང་ཆུབ་སེམས་དཔའ་ཡང་ལྷ་རྣམས་ལ་ཡང་ང་རྒྱལ་མི་བྱེད་པས་
D119.053.0181a02.01བསམ་གྱིས་མི་ཁྱབ་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཚོ་བའི་ཚེ་ལས་མ་བྱས་ཀྱང་། ལྷ་དེ་དག་གི་ནང་ན་ཚེའི་ཚད་མཐར་ཕྱིན་པས་འཚོ་བའི་ཚེ་མཆོག་ཏུ་གྱུར་པ་ཞེས་བྱའོ། །གཟུགས་བྱད་ཀྱི་ལས་མ་བྱས་ཀྱང་གཟུགས་བྱད་དམ་པའི་ལུས་སུ་
D119.053.0181a03.01གྱུར་ཏེ། འོད་ཟེར་ཀུན་དུ་གསལ་བས་གཟུགས་མཆོག་ཏུ་གྱུར་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་ཕོ་བྲང་ན་གནས་ཀྱང་འདོད་པ་ལྔ་ལ་མ་ཆགས་ཏེ། ཆོས་ཀྱི་བྱ་བ་འབའ་ཞིག་བྱེད་པས་གྲགས་པ་ཕྱོགས་བཅུར་གྲགས་ཏེ། དེ་བས་ན་
D119.053.0181a04.01གྲགས་པ་མཆོག་ཏུ་གྱུར་པ་ཞེས་བྱ་སྟེ། བསམ་གྱིས་མི་ཁྱབ་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་དགའ་ལྡན་གནམ་ནས་བབས་པ་ན་ས་ཆེན་པོ་རྣམ་པ་དྲུག་ཏུ་གཡོས་པས་བསམ་གྱིས་མི་ཁྱབ་པ་ཞེས་བྱའོ། །དེ་ཅིའི་ཕྱིར་ཞེ་ན། བྱང་ཆུབ་སེམས་
D119.053.0181a05.01དཔའ་གནམ་ལས་བབས་པ་ན་འདོད་པའི་ཁམས་དང་། གཟུགས་ཡོད་པའི་ཁམས་ཀྱི་ལྷ་ཐམས་ཅད་ཀྱིས་བསྙེན་བཀུར་བྱས་ཏེ་བསྐྱལ་ནས་སྐད་ཆེན་པོ་ཕྱུང་སྟེ། བྱང་ཆུབ་སེམས་དཔའ་ལ་ཤིན་ཏུ་བསྟོད་པས། དེ་དག་གི་ཁའི་དབུགས་ཀྱི་ཤུགས་ཀྱིས་ས་ཡང་གཡོས་པར་
D119.053.0181a06.01གྱུར་ཏོ། གཞན་ཡང་བྱང་ཆུབ་སེམས་དཔའ་ནི་མིའི་ནང་ན་ཁྱུ་མཆོག་གི་རྒྱལ་པོ་ལྟ་བུའོ། །མིའི་ནང་ན་ཁྱུ་མཆོག་གི་རྒྱལ་པོ་ནི་ཀླུའི་རྒྱལ་པོ་ཞེས་བྱའོ། །ཀླུའི་རྒྱལ་པོ་ཐོག་མ་མངལ་དུ་འཇུག་པ་ན་ཀླུའི་རྒྱལ་པོ་ཁ་ཅིག་སའི་འོག་ན་གནས་པ་ལ་ལ་ནི་འཇིགས། ལ་ལ་ནི་
D119.053.0181a07.01