完整藏文原文 · 德格版页 当前仅加载第 53 函德格 240b 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་རྣམ་པ་བདུན་པོ་དེ་དག་གི་དགེ་བའམ། མི་དགེ་བའམ། ཐབས་ཀྱི་ལམ་མམ། རྣམ་པར་གྲོལ་བའི་ལམ་མམ། རིམ་གྱིས་འཇུག་པའི་ལམ་མམ་རྒྱུའམ། འབྲས་བུའམ། ཐམས་ཅད་ཀྱང་སངས་རྒྱས་ཀྱི་རང་བཞིན་ཏེ། དེ་ནི་དེ་བཞིན་གཤེགས་པས་བདག་གི་ཡིད་དང་
D119.053.0240b01.01སྦྱར་ཏེ་གསུངས་པའི་ཚིག་གོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་ཇི་ཙམ་དུ་རྒྱུ་མཆིས་ན་འབྲས་བུ་ཡང་མཆིས་པར་འགྱུར་ཏེ། གལ་ཏེ་རྒྱུ་མ་མཆིས་ན་འབྲས་བུ་ཡང་མ་མཆིས་སོ། །མྱ་ངན་ལས་འདས་པ་ནི་འབྲས་བུ་ཞེས་བགྱི་སྟེ། རྟག་པའི་
D119.053.0240b02.01སླད་དུ་རྒྱུ་མ་མཆིས་སོ། །གལ་ཏེ་རྒྱུ་མ་མཆིས་ན་ཇི་ལྟར་འབྲས་བུ་ཞེས་བགྱི། མྱ་ངན་ལས་འདས་པ་དེ་ཉིད་དགེ་སྦྱོང་ཞེས་ཀྱང་བགྱི། དགེ་སྦྱོང་གི་འབྲས་བུ་ཞེས་ཀྱང་བགྱི་ན། དགེ་སྦྱོང་ཞེས་བགྱི་བ་ནི་ཇི་ལྟ་བུ། དགེ་སྦྱོང་གི་འབྲས་བུ་ནི་གང་ལགས། བཀའ་སྩལ་པ། རིགས་
D119.053.0240b03.01ཀྱི་བུ་འཇིག་རྟེན་ཐམས་ཅད་ན་འབྲས་བུ་རྣམ་པ་བདུན་ཡོད་དོ། །གང་ཞེ་ན། ཐབས་ཀྱི་འབྲས་བུ་དང་། དྲིན་ལ་ལན་གླན་པའི་འབྲས་བུ་དང་། བསྙེན་བཀུར་བྱེད་པའི་འབྲས་བུ་དང་། ལྷག་མའི་འབྲས་བུ་དང་། མཉམ་པའི་འབྲས་བུ་དང་། འབྲས་བུ་རྣམ་པར་སྨིན་པའི་
D119.053.0240b04.01འབྲས་བུ་དང་། སྤོང་བའི་འབྲས་བུའོ། །དེ་ལ་ཐབས་ཀྱི་འབྲས་བུ་ནི་ཇི་ལྟར་འཇིག་རྟེན་པས་སྟོན་ཁྲེ་འབྲས་མང་དུ་འདུས་པས་གཅིག་ལ་གཅིག་ཐབས་ཀྱི་འབྲས་བུ་རྙེད་པར་གྱུར་ཏོ་ཞེས་སྨྲ་སྟེ། ཐབས་ཀྱི་འབྲས་བུ་ཞེས་བྱ་བ་ཉིད་ལས་བྱས་པའི་འབྲས་བུ་ཞེས་བྱའོ། །འབྲས་བུ་
D119.053.0240b05.01དེ་ལ་རྒྱུ་རྣམ་པ་གཉིས་ཏེ། ཉེ་བའི་རྒྱུ་དང་། རིང་བའི་རྒྱུའོ། །དེ་ལ་ཉེ་བའི་རྒྱུ་ནི་འདི་ལྟ་སྟེ། ས་བོན་ནོ། །རིང་བའི་རྒྱུ་ནི་ཆུ་དང་། སྨྲེད་པ་དང་། མིས་ལས་སུ་བྱས་པ་སྟེ། དེ་ནི་ཐབས་ཀྱི་འབྲས་བུ་ཞེས་བྱའོ། །དེ་ལ་དྲིན་ལ་ལན་གླན་པའི་འབྲས་བུ་ནི་ཇི་ལྟར་འཇིག་
D119.053.0240b06.01རྟེན་པ་དག་ཕ་མ་ལ་མཆོད་པ་བྱས་པས། ཕ་མས་འདི་སྐད་དུ་བདག་གིས་གསོས་པའི་དྲིན་ཐོབ་པར་གྱུར་ཏོ་ཞེས་སྨྲ་སྟེ། བུས་དྲིན་ལ་ལན་གླན་པའི་ཕྱིར་འབྲས་བུ་ཞེས་བྱའོ། །འབྲས་བུ་དེ་ལ་ཡང་རྒྱུ་རྣམ་པ་གཉིས་ཏེ། ཉེ་བའི་རྒྱུ་དང་རིང་བའི་རྒྱུའོ། །དེ་ལ་ཉེ་བའི་རྒྱུ་ནི་ཕ་
D119.053.0240b07.01