完整藏文原文 · 德格版页 当前仅加载第 53 函德格 290b 版页；藏文 NFD、目录标记与异常页序保留在来源切片中，重复版页行以稳定序号区分。
བུས་ན་མེ་འབར་བའི་ཆེ་ཁྱོད་ཀྱང་འབར་བར་ཤེས་མོད། དེ་བཞིན་ནོ། །གཽ་ཏམ་མེ་ཤི་བའི་ཚེ་ཁྱོད་ཀྱང་ཤི་བར་ཤེས་མོད། དེ་བཞིན་ནོ། །པུ་ན་གལ་ཏེ་མི་ཞིག་གིས་ཁྱོད་ལ་མེའི་ཕུང་པོ་འདི་འབར་བ་གང་ནས་འོངས། ཤི་བ་ན་གར་སོང་ཞེས་འདྲི་ན་དེ་ལ་ཁྱོད་ཇི་སྐད་ཅེས་བྱ། པུ་ནས་
D119.053.0290b01.01གསོལ་པ། གཽ་ཏམ་གལ་ཏེ་དེ་སྐད་ཅེས་འདྲི་བ་ཞིག་མཆིས་ན་དེ་ལ་བདག་གིས་འདི་སྐད་ཅེས་བགྱིའོ། །མེ་འབར་བ་ནི་རྐྱེན་མང་པོ་ལ་ལྟོས་སོ། །རྐྱེན་རྙིང་པ་ནི་ཟད་རྐྱེན་གསར་གྱིས་མ་བསྣན་པས་ན་མེ་ཟད་པ་ཞེས་བགྱིའོ། །གལ་ཏེ་གཞན་ཡང་མེ་ཤི་ནས་གང་ཕྱོགས་སུ་སོང་
D119.053.0290b02.01ཞེས་འདྲི་ན། དེ་ལ་ཇི་སྐད་ཅེས་བྱ། གསོལ་པ། གཽ་ཏམ་དེ་ལ་བདག་གིས་རྐྱེན་ཟད་ནས་མེ་ཤི་ཡང་ཕྱོགས་སུ་སོང་བ་མ་མཆིས་སོ་ཞེས་བགྱིའོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། གལ་ཏེ་མི་རྟག་པའི་གཟུགས་ཡོད་པ་ན་སམི་རྟག་པའི་རྣམ་པར་ཤེས་
D119.053.0290b03.01པའི་བར་དུ་ཡོད་ན་སྲེད་པའི་རྐྱེན་གྱིས་འབར་རོ། །འབར་བ་ཞེས་བྱ་བ་ནི་སྲིད་པ་ཉི་ཤུ་རྩ་ལྔ་པོ་མྱོང་བའོ། །དེ་བས་ན་འབར་བའི་དུས་ན་མེ་འདི་ནི་ཤར་ཕྱོགས་སམ། ནུབ་ཕྱོགས་སམ། ལྷོ་ཕྱོགས་སམ། བྱང་ཕྱོགས་ཞེས་བརྗོད་དུ་རུང་ངོ་། །ད་ལྟར་གྱི་སྲེད་པ་འགགས་ཏེ་སྲིད་པ་ཉི་ཤུ་རྩ་
D119.053.0290b04.01ལྔ་པོའི་རྣམ་པར་སྨིན་པའི་འབྲས་བུ་མི་འབར་ན་དེ་ལ་ནི་ཤར་ཕྱོགས་སམ། ལྷོ་དང་། ནུབ་དང་། བྱང་ཕྱོགས་ཞེས་བརྗད་དུ་མེད་དོ། །རིགས་ཀྱི་བུ་དེ་བཞིན་གཤེགས་པ་ནི་མི་རྟག་པའི་གཟུགས་མེད་པ་ནས། མི་རྟག་པའི་རྣམ་པར་ཤེས་པའི་བར་དུ་མེད་དེ། དེ་བས་ན་སྐུ་ནི་རྟག་པ་
D119.053.0290b05.01ཡིན་ནོ། །གལ་ཏེ་སྐུ་རྟག་པ་ཡིན་ན། ཤར་ཕྱོགས་སམ། ལྷོའམ། ནུབ་བམ། བྱང་ཕྱོགས་ཞེས་བརྗོད་དུ་མེད་དོ། །པུ་ནས་གསོལ་པ། བདག་གིས་དཔེ་ཞིག་གསོལ་བར་འཚལ་ན། དེ་བཞིན་གཤེགས་པས་གསན་པར་ཅི་གནང་། བཅོམ་ལྡན་འདས་ཀྱིས་བཀའ་སྩལ་
D119.053.0290b06.01པ། ལེགས་སོ་ལེགས་སོ། །བསམས་པ་བཞིན་དུ་སྨྲོས་ཤིག །བཅོམ་ལྡན་འདས་དཔེར་ན་གྲོང་ཁྱེར་ཆེན་པོ་ཞིག་གི་ཕྱི་རོལ་ན་ཤིང་སཱ་ལའི་ཚལ་གྱི་ནང་ན་ཤིང་གཅིག་ཅིག་སྔར་སྐྱེས་ཏེ་ལོ་བརྒྱ་ལོན། །དེའི་ཚེ་ན་ཚལ་གྱི་བདག་པོ་དེ་དུས་དུས་སུ་ཆུ་འཆུ་ཞིང་ལས་བགྱིད་དོ། །ཤིང་
D119.053.0290b07.01