完整藏文原文 · 德格版页 当前仅加载第 53 函德格 322b 版页；藏文 NFD、目录标记与异常页序保留在来源切片中，重复版页行以稳定序号区分。
པར་གྱུར་ཏོ། །དེའི་ཚེ་ས་ཆེན་པོ་ལས་སྐྱེས་པའི་ཤིང་གེལ་པ་དང་། ནགས་ཚལ་དང་། རྩི་ཤིང་ལ་སོགས་པའི་མེ་ཏོག་དང་། འབྲས་བུ་དང་། ལོ་མ་དང་། ཡལ་ག་ཐམས་ཅད་ཀྱང་ཆག་ནས་ས་ལ་ལྷགས་ཏེ་ལྷག་མ་ཙམ་ཡང་མ་ལུས་པར་གྱུར་ཏོ། །དེ་ནས་དེ་མ་ཐག་ཏུ་ཕྱོགས་བཅུའི་འཇིག་
D119.053.0322b01.01རྟེན་གྱི་ཁམས་ཀྱི་ལྷ་ཐམས་ཅད་ཀྱང་སྟེང་གི་ནམ་མཁའ་ལ་ཤིན་ཏུ་མི་དགའ་བས་ངུས་ཏེ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱང་རབ་ཏུ་གཡོས་ནས་རྣམ་པ་སྣ་ཚོགས་ཀྱི་ལྷའི་མེ་ཏོག་དང་། ལྷའི་སྤོས་བརྒྱ་སྟོང་གྲངས་མེད་པ་ཆར་བཞིན་དུ་ཕབ་ནས་སྟོང་གསུམ་གྱི་སྟོང་
D119.053.0322b02.01ཆེན་པོའི་འཇིག་རྟེན་གྱི་ཁམས་རི་རབ་ལྷུན་པོ་ཙམ་དུ་སྤུངས་ཏེ། དེ་བཞིན་གཤེགས་པ་ལ་མཆོད་པ་བྱས་སོ། །སྟེང་གི་ནམ་མཁའ་ལ་གཞན་ཡང་གྲངས་མེད་པའི་ལྷའི་རྒྱལ་མཚན་དང་། ལྷའི་བ་དན་དང་། ལྷའི་ཕྲེང་བ་དང་། ལྷའི་གདུགས་དང་། ལྷའི་ནོར་བུ་རིན་པོ་ཆེ་ཆར་བཞིན་དུ་
D119.053.0322b03.01ཕབ་པ་ནི་ནམ་མཁའི་ཁམས་ཡོངས་སུ་གང་སྟེ། རིན་པོ་ཆེའི་ཁང་བུ་བརྩེགས་མར་གྱུར་ནས་ངོས་བཞི་རིན་པོ་ཆེ་སྣ་བདུན་གྱི་ཕྲེང་བས་ཤིན་ཏུ་བརྒྱན་པ། མེ་ཏོག་གི་འོད་དང་ལྡན་པས་དེ་བཞིན་གཤེགས་པ་ལ་མཆོད་པ་བྱས་སོ། །སྟེང་གི་ནམ་མཁའ་ལ་གཞན་ཡང་ལྷའི་རོལ་མོ་རྔ་དང་།
D119.053.0322b04.01གར་དང་། གླུ་རྣམ་པ་མང་པོ་ལས་ཀྱི་ཧུད་ཀྱི་ཧུད་སངས་རྒྱས་མྱ་ངན་ལས་འདས་པས་འཇིག་རྟེན་སྟོངས་སོ། །སེམས་ཅན་གྱི་མིག་མདོངས་པས་ཉོན་མོངས་པའི་སྲིན་མོ་དར་ཏེ་སྡུག་བསྔལ་གྱི་འདུ་བྱེད་རྒྱུན་མི་འཆད་པས་ན་འཁོར་བའི་འཁོར་ལོ་རྒྱུན་དུ་འཁོར་རོ་ཞེས་གྲགས་སོ། །དེའི་
D119.053.0322b05.01ཚེ་དགའ་བོ་སེམས་འཁྲུགས་ཏེ་མྱོས་བརྒྱལ་ནས་དེ་བཞིན་གཤེགས་པ་མྱ་ངན་ལས་འདས་སམ། མྱ་ངན་ལས་མ་འདས་པ་མི་རྟོགས་མི་ཤེས་ཀྱི། འཇིག་རྟེན་གྱི་ཁམས་སྔོན་ལས་གྱུར་པ་འབའ་ཞིག་མཐོང་ནས་སངས་རྒྱས་མྱ་ངན་ལས་འདས་སམ་ཞེས་མ་འགགས་པ་ལ་དྲིས་སོ། །མ་
D119.053.0322b06.01འགགས་པས་སྨྲས་པ། སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་སོ། །དེའི་ཚེ་དགའ་བོས་དེ་སྐད་ཅེས་སྨྲས་པ་ཐོས་ནས་ས་ལ་བརྒྱལ་ཏེ་རོ་བཞིན་དུ་གྱུར་ནས་དབུགས་ཀྱང་མི་རྒྱུ་སྟེ། ཅི་ཡང་མི་ཚོར་རོ། །དེ་ནས་མ་འགགས་པས་དགའ་བོའི་གདོང་ལ་ཆུ་གྲང་མོས་
D119.053.0322b07.01