完整藏文原文 · 德格版页 当前仅加载第 53 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་སངས་རྒྱས་ཀྱི་རང་བཞིན་ཡོད་ཅེས་བྱའོ། །རིགས་ཀྱི་བུ་དཔེར་ན་རྒྱལ་པོ་ཞིག་གིས་བློན་པོ་ཆེན་པོ་གཅིག་ལ་ཁྱོད་ཀྱིས་བལ་གླང་གཅིག་ཁྲིད་ལ་དམུས་ལོང་ལ་སྟོན་ཅིག་ཅེས་བཀའ་སྩལ་པ་དང་། དེ་ནས་བློན་པོ་ཆེན་པོ་དེས་རྒྱལ་པོའི་བཀའ་
D119.053.0173a01.01བཞིན་དུ་དམུས་ལོང་རྣམས་བསྡུས་ཏེ་བལ་གླང་བསྟན་པ་དང་། དམུས་ལོང་དེ་དག་སོ་སོ་ནས་ལག་པས་མནམས་སོ། །དེ་ནས་བློན་པོས་སླར་རྒྱལ་པོ་ལ་བདག་གིས་བསྟན་ལགས་སོ་ཞེས་གསོལ་ནས། དེ་ནས་རྒྱལ་པོས་དམུས་ལོང་རྣམས་བཀུག་ནས་སོ་སོར་ཁྱེད་
D119.053.0173a02.01ཅག་གིས་བལ་གླང་མཐོང་ངམ་ཞེས་སྨྲས་པ་དང་། དམུས་ལོང་རྣམས་ཀྱིས་སོ་སོ་ནས་བདག་གིས་མཐོང་ངོ་ཞེས་གསོལ་ཏོ། །རྒྱལ་པོས་སྨྲས་པ། བལ་གླང་ཇི་ལྟ་བུར་འདུག །དེ་ལ་དམུས་ལོང་གང་མཆེ་བ་ལ་རེག་པས་ནི་བལ་གླང་ཡུངས་མ་དང་འདྲའོ་ཞེས་ཟེར་རོ། །རྣ་
D119.053.0173a03.01བ་ལ་རེག་པས་ནི་བལ་གླང་ནི་ཞིབ་མ་དང་འདྲའོ་ཞེས་ཟེར་རོ། །མགོ་ལ་རེག་པས་ནི་བལ་གླང་རྡོ་དང་འདྲའོ་ཞེས་ཟེར་རོ། །སྣ་ལ་རེག་པས་ནི་བལ་གླང་གཉའ་ཤིང་དང་འདྲའོ་ཞེས་ཟེར་རོ། །རྐང་པ་ལ་རེག་པས་ནི་བལ་གླང་གི་གཟུགས་གཏུན་དང་འདྲའོ་ཞེས་ཟེར་རོ། །
D119.053.0173a04.01རྒྱབ་ལ་རེག་པས་ནི་བལ་གླང་ཁྲི་དང་འདྲའོ་ཞེས་ཟེར་རོ། །ལྟོ་བ་ལ་རེག་པས་ནི་བལ་གླང་རྫ་མ་དང་འདྲའོ་ཞེས་ཟེར་རོ། །མཇུག་མ་ལ་རེག་པས་ནི་བལ་གླང་གི་གཟུགས་ཐག་པ་དང་འདྲའོ་ཞེས་ཟེར་རོ། །རིགས་ཀྱི་བུ་དམུས་ལོང་དེ་དག་བལ་གླང་གི་དངོས་པོ་ཉིད་མི་སྨྲ་མོད་ཀྱི།
D119.053.0173a05.01མི་སྨྲ་བ་ཡང་མ་ཡིན་ནོ། །གལ་ཏེ་དངོས་པོ་དེ་དག་བལ་གླང་མ་ཡིན་ན་དེ་དག་སྤངས་པའི་ཕ་རོལ་ན་བལ་གླང་གཞན་མེད་དོ། །རིགས་ཀྱི་བུ་རྒྱལ་པོ་ནི་དེ་བཞིན་གཤེགས་པ་ཐམས་ཅད་མཁྱེན་པའི་དཔེའོ། །བློན་པོ་ནི་ཤིན་ཏུ་རྒྱས་པ་ཡོངས་སུ་མྱ་ངན་ལས་འདས་པ་ཆེན་པོའི་དཔེའོ། །
D119.053.0173a06.01བལ་གླང་ནི་སངས་རྒྱས་ཀྱི་རང་བཞིན་གྱི་དཔེའོ། །དམུས་ལོང་ནི་སེམས་ཅན་མ་རིག་པ་རྣམས་ཀྱི་དཔེའོ། །སེམས་ཅན་དེ་དག་སངས་རྒྱས་ཀྱིས་གསུངས་པ་ཐོས་ནས་ཁ་ཅིག་ནི་འདི་སྐད་དུ་གཟུགས་ནི་སངས་རྒྱས་ཀྱི་རང་བཞིན་ནོ། །དེ་ཅིའི་ཕྱིར་ཞེ་ན། གཟུགས་དེ་འགོག་མོད་ཀྱི།
D119.053.0173a07.01