完整藏文原文 · 德格版页 当前仅加载第 53 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
དང་འབྲས་བུ་དང་། སྦྱིན་པ་ལ་ཡིད་ཆེས་ལ། ལེན་པ་ནི་རྒྱུ་དང་འབྲས་བུ་དང་། སྦྱིན་པ་ལ་ཡང་ཡིད་མི་ཆེས་པ་དང་། ལེན་པ་ནི་རྒྱུ་དང་འབྲས་བུ་དང་། སྦྱིན་པ་ལ་ཡིད་ཆེས་ལ། སྦྱིན་བདག་ནི་རྒྱུ་དང་འབྲས་བུ་དང་། སྦྱིན་པ་ལ་
D119.053.0206a01.01ཡིད་མི་ཆེས་པ་དང་། སྦྱིན་པ་དང་ལེན་པ་གཉིས་ཀ་ཡིད་ཆེས་པ་དང་། སྦྱིན་པ་དང་ལེན་པ་གཉིས་ཀ་ཡིད་མི་ཆེས་པ་སྟེ། སྦྱིན་པ་རྣམ་པ་དེ་བཞི་ལ། དང་པོ་གསུམ་ནི་རྣམ་པར་དག་གོ་ཞེས་གསུངས་ཏེ། ངའི་ཉེ་གནས་རྣམས་ཀྱིས་དེ་སྐད་དུ་གསུངས་པ་ཐོས་
D119.053.0206a02.01ནས་ངའི་དགོངས་པ་མི་ཤེས་པས་སྦྱིན་པ་ནི་ཡིད་འབའ་ཞིག་ཡིན་པར་དེ་བཞིན་གཤེགས་པས་གསུངས་སོ་ཞེས་ཟེར་རོ། །རིགས་ཀྱི་བུ་ཡང་ངས་དུས་གཅིག་ན་འདི་སྐད་དུ་སྦྱིན་པ་བྱིན་པ་ན་དངོས་པོ་རྣམ་པ་ལྔ་སྦྱིན་པ་བྱའོ། །ལྔ་གང་ཞེ་ན། མདོག་སྦྱིན་པ་
D119.053.0206a03.01དང་། སྟོབས་སྦྱིན་པ་དང་། བདེ་བ་སྦྱིན་པ་དང་། སྲོག་སྦྱིན་པ་དང་། སྤོབས་པ་སྦྱིན་པ་སྟེ། དེའི་རྒྱུས་སྦྱིན་བདག་གིས་འབྲས་བུ་རྣམ་པར་སྨིན་པ་རྣམ་པ་ལྔ་ཐོབ་པར་འགྱུར་རོ་ཞེས་གསུངས་ཏེ། ངའི་ཉེ་གནས་རྣམས་ཀྱིས་དེ་སྐད་དུ་གསུངས་པ་ཐོས་ནས་ངའི་
D119.053.0206a04.01དགོངས་པ་མི་ཤེས་པས་འདི་སྐད་དུ་སྦྱིན་པ་ཉིད་ཕུང་པོ་ལྔ་ཡིན་པར་སངས་རྒྱས་ཀྱིས་གསུངས་སོ་ཞེས་ཟེར་རོ། །རིགས་ཀྱི་བུ་ངས་དུས་གཅིག་ན་འདི་སྐད་དུ་མྱ་ངན་ལས་འདས་པ་ནི་ཉོན་མོངས་པ་མཐའ་ཡུན་དུ་ཟད་ཅིང་ལྷག་མ་མ་ལུས་པར་འགགས་པ་སྟེ། ཇི་ལྟར་མེ་
D119.053.0206a05.01མར་ཤི་ནས་ཕྱིར་སྐྱེ་བའི་ཆོས་མེད་པ་ལྟར་མྱ་ངན་ལས་འདས་པ་ཡང་དེ་བཞིན་ནོ། །ནམ་མཁའ་སྟོང་པ་ཞེས་བྱ་བ་ཉིད་ནི་ཅི་ཡང་མེད་པའོ། །དཔེར་ན་འཇིག་རྟེན་ན་ཅི་ཡང་མེད་པ་ནི་ནམ་མཁའ་སྟོང་པ་ཞེས་བྱ་སྟེ། ཡེ་ཤེས་ཀྱི་རྐྱེན་གྱིས་འགོག་པ་མ་ཡིན་པས་ཅི་ཡང་མེད་པ་
D119.053.0206a06.01ཡིན་ནོ། །ཇི་སྟེ་ཡོད་པ་ཞིག་ཡིན་ན་རྒྱུ་དང་རྐྱེན་ཡང་ཡོད་པའི་རིགས་སོ། །རྒྱུ་དང་རྐྱེན་ཡོད་ན་ཟད་པ་དང་འགོག་པ་ཡོད་པའི་རིགས་ཏེ། དེ་ལྟར་མེད་པས་ན་ཟད་པ་དང་འགོག་པ་མེད་དོ། །ཞེས་གསུངས་ཏེ། ངའི་ཉེ་གནས་རྣམས་ཀྱིས་དེ་སྐད་ཅེས་གསུངས་པ་ཐོས་ནས་
D119.053.0206a07.01