完整藏文原文 · 德格版页 当前仅加载第 53 函德格 334a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས། དེ་བཞིན་གཤེགས་པའི་པུར་སྒྲོམ་ཚིག་པར་མི་འགྱུར་གྱིས། མི་ནུས་བཞིན་དུ་ལས་སྟོ་བར་འགྱུར་བ་མ་བྱེད་ཅིག །དེའི་ཚེ་གྲོང་ཁྱེར་དེའི་སྐྱེས་པ་དང་། བུད་མེད་དང་། ལྷ་དང་མི་ལ་སོགས་པ་འཁོར་མང་པོ་ཐམས་ཅད་ཀྱིས་ཤིན་ཏུ་ངུས་ནས་མཆོད་
D119.053.0334a01.01པའི་ཡོ་བྱད་ཐམས་ཅད་ཀྱིས་ཡང་མཆོད་དེ། དུས་གཅིག་ཏུ་ཕྱག་འཚལ་ནས་ལན་བདུན་བསྐོར་ཏེ། ངུས་པའི་ངུད་མོའི་སྒྲས་སྟོང་གསུམ་གྱི་འཇིག་རྟེན་གྱི་ཁམས་སུ་གྲགས་པར་གྱུར་ཏོ། །དེའི་ཚེ་དེ་བཞིན་གཤེགས་པས་ཐུགས་རྗེ་ཆེན་པོའི་ཤུགས་ཀྱིས་ཐུགས་ཀ་ནས་མེ་
D119.053.0334a02.01མཆེད་དེ། སྒྲོམ་གྱི་ཕྱི་རོལ་དུ་འབར་ནས་བགས་ཀྱིས་སྤོས་ཤིང་བརྩིགས་པ་ལ་མཆེད་དེ། ཞག་བདུན་ལོན་ནས་མེ་ཤི་བར་གྱུར་ཏོ། །དེའི་ཚེ་ན་གྲོང་ཁྱེར་དེའི་སྐྱེས་པ་དང་། བུད་མེད་དང་། ལྷ་དང་མི་ལ་སོགས་པའི་འཁོར་མང་པོ་རྣམས་ཞག་བདུན་གྱི་བར་དུ་རྒྱུན་མི་འཆད་
D119.053.0334a03.01པར་ངུ་ཞིང་མཆོད་པ་ཡང་རྒྱུན་དུ་བྱེད་དོ། །དེའི་ཚེ་ན་ཕྱོགས་བཞིའི་མགོན་པོ་བཞིའི་ཡིད་ལ་འདི་སྙམ་བསམས་སོ། །བདག་ཅག་གིས་སྤོས་ཀྱི་ཆུས་མེ་བསད་དེ། སྐུ་གདུང་མྱུར་དུ་བསླངས་ལ་ལྷའི་འཇིག་རྟེན་དུ་མཆོད་པ་བྱའོ་སྙམ་བསམས་ནས་སོ་སོ་ནས་རིན་པོ་ཆེ་སྣ་
D119.053.0334a04.01བདུན་གྱིས་སྤྲས་པའི་གསེར་གྱི་བུམ་པ་སྤོས་ཆུས་ཡོངས་སུ་བཀང་བ་ཐོགས་ཏེ། གཞན་ཡང་རི་རབ་ལྷུན་པོའི་ངོས་བཞི་ན་བདུད་རྩིའི་འོ་མ་ཟག་པའི་ཤིང་སྦོམས་ཁྱད་འདོམ་སྟོང་གིས་འཁོར་བ། མཐོ་ཁྱད་དཔག་ཚད་བརྒྱར་ཕྱིན་པ་ཡང་དུས་གཅིག་ཏུ་མགོན་པོ་བཞི་དང་བཅས་ཏེ་
D119.053.0334a05.01ཞུགས་ལ་བཞེན་པའི་གནས་སུ་ཕྱིན་ནས་ཤིང་གི་འོ་མ་དང་སྤོས་ཆུ་ཅིག་ཅར་དུ་མེའི་སྟེང་དུ་བླུགས་ན་མེ་སྔར་བས་ཆེར་མཆེད་དེ་མ་ཤིའོ། །དེའི་ཚེ་ན་རྒྱ་མཚོའི་ལྷ་ཀླུའི་རྒྱལ་པོ་རྒྱ་མཚོ་མཆིང་རྣམ་དང་། གཙང་པོའི་ལྷ་དང་། ཆུ་ཀླུང་གི་ལྷ་རྣམས་ཀྱིས་དེ་ལྟར་མེ་མ་ཤི་བ་མཐོང་ནས། དེ་དག་
D119.053.0334a06.01ཀྱང་སོ་སོ་ནས་འདི་སྙམ་དུ་བསམས་སོ། །བདག་ཅག་གིས་སྤོས་ཆུ་ཐོགས་ལ་མེ་བསད་དེ། སྐུ་གདུང་མྱུར་དུ་བསྡུས་ཏེ་བདག་ཅག་གི་གནས་སུ་མཆོད་པ་བྱའོ་སྙམ་བསམས་ནས་སོ་སོ་ནས་རིན་པོ་ཆེའི་བུམ་པ་སྤོས་ཆུ་ཚད་མེད་པས་བཀང་བ་ཐོགས་ནས་དུས་གཅིག་ཏུ་ཞུགས་
D119.053.0334a07.01