完整藏文原文 · 德格版页 当前仅加载第 53 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
ཕུང་པོ་ཆེན་པོ་འདྲ་བར་རྟོག་གོ། །རྣམ་པར་ཤེས་པའི་ཁ་ཟས་ལ་ནི་མཚོན་ཤག་ཏི་སུམ་བརྒྱས་བཙུགས་པ་དང་འདྲ་བར་རྟོག་གོ། །རིགས་ཀྱི་བུ་མཁས་པ་ཤེས་རབ་ཅན་ནི་དེ་ལྟར་ཁ་ཟས་རྣམ་པ་བཞི་རྟོགས་ནས་ནམ་དུ་ཡང་ཁ་ཟས་ལ་ཆགས་པ་དང་འདོད་
D119.053.0267b01.01པའི་སེམས་མི་སྐྱེའོ། །གལ་ཏེ་སྐྱེས་ན་ཡང་མི་གཙང་བ་ལ་ཡོངས་སུ་རྟོག་གོ། །དེ་ཅིའི་ཕྱིར་ཞེ་ན། ཁ་ཟས་ལ་ཆགས་པ་ཡོངས་སུ་སྤོང་བའི་ཕྱིར་རོ། །ཁ་ཟས་ཐམས་ཅད་ལ་མི་གཙང་བར་ཤིན་ཏུ་རྟོག་སྟེ། ཇི་ལྟར་མི་གཙང་བ་དང་འདྲ་བར་ཤིན་ཏུ་
D119.053.0267b02.01རྟོགས་ནས་གལ་ཏེ་ཁ་ཟས་བཟང་པོ་རྙེད་དམ། ངན་པ་རྙེད་ན་ཡང་ལེན་པའི་ཚེ། རྨའམ་ཤུ་བ་མ་རུངས་པ་ལ་སྨན་གྱིས་བསྐུས་པ་དང་འདྲ་བར་སེམས་ཀྱི་ཆགས་པ་དང་། འདོད་པའི་སེམས་ནམ་དུ་ཡང་མི་སྐྱེའོ། །རིགས་ཀྱི་བུ་མཁས་པ་ཤེས་རབ་ཅན་གང་
D119.053.0267b03.01ཞིག་གིས་དེ་ལྟ་བུར་རྟོགས་ན་དེ་ནི་ཁ་ཟས་ཀྱི་འདུ་ཤེས་ཡོངས་སུ་སྤོང་བ་དང་ལྡན་པ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་གསོལ་པ། བཅོམ་ལྡན་འདས་མཁས་པ་ཤེས་རབ་ཅན་གྱིས་དེ་ལྟར་ཁ་ཟས་ལ་མི་གཙང་
D119.053.0267b04.01བར་རྟོག་པ་ན་འོན་ཏེ་ཡང་དག་པར་རྟོག་གམ། སྒྱུ་མ་ཙམ་དུ་རྟོག །གལ་ཏེ་ཡང་དག་པར་རྟོག་ན་རྟོག་པའི་ཁ་ཟས་དེ་ནི་མི་གཙང་བ་མ་ལགས་སོ། །གལ་ཏེ་སྒྱུ་མ་ཙམ་དུ་བས་ན་ཆོས་དེ་ཡང་དག་པར་འདུ་ཤེས་པ་ལགས་སམ། བཅོམ་ལྡན་
D119.053.0267b05.01འདས་ཀྱིས་བཀའ་སྩལ་པ། རིགས་ཀྱི་བུ་དེ་ལྟར་འདུ་ཤེས་པ་དེ་ནི་ཡང་དག་པ་ཡང་མ་ཡིན་ལ། སྒྱུ་མ་ཡང་མ་ཡིན་ནོ། །ཁ་ཟས་ལ་ཆགས་པ་ཡོངས་སུ་སྤོང་བར་འགྱུར་བས་ན། ཡང་དག་པ་ཞེས་བྱའོ། །སྲིན་བུ་མ་ཡིན་པ་ལ་སྲིན་བུར་མཐོང་བས་ན་
D119.053.0267b06.01སྒྱུ་མ་ཞེས་བྱའོ། །རིགས་ཀྱི་བུ་ཟག་པ་དང་བཅས་པ་ཐམས་ཅད་ནི་སྒྱུ་མ་ཡིན་མོད་ཀྱི་ཡང་དག་པར་འགྱུར་རོ། །རིགས་ཀྱི་བུ་གལ་ཏེ་དགེ་སློང་ཞིག་བསོད་སྙོམས་ལ་འགྲོ་བར་གཟས་ན་ཐོག་མ་ནས་འདི་སྙམ་དུ་སེམས་སོ། །བདག་གིས་དེར་ཁ་ཟས་བཟང་
D119.053.0267b07.01