完整藏文原文 · 德格版页 当前仅加载第 53 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
བརྩོན་པ་རྣམ་པར་གྲོལ་བ་ཐོབ་པ་དང་མི་ཐོབ་པ་ཡང་ཡོད་དེ། དེ་བས་ན་བདག་གིས་སེམས་ཅན་ཐམས་ཅད་སྡུག་བསྔལ་བ་དང་བདེ་བ་མྱོང་བ་ནི་སྔོན་གྱི་ལས་ཀྱི་རྒྱུ་དང་རྐྱེན་ཡིན་ནོ་ཞེས་སྨྲ་ན། ཤིན་ཏུ་བཟང་པོ་དེ་ལ་ངས་ཡང་འདི་སྐད་ཅེས་འདྲིའོ། །ཁྱོད་ཀྱིས་འདས་པའི་ལས་
D119.053.0305a01.01ཡང་དག་པར་མཐོང་ངམ། གལ་ཏེ་ལས་ཡོད་པ་ཞིག་ཡིན་ན་མང་ངམ་ཉུང་། ད་ལྟར་དཀའ་ཐུབ་སྤྱོད་པས་ཇི་ཙམ་ཞིག་མེད་པར་འགྱུར། ལས་དེ་ཟད་པར་འགྱུར་བ་ཞིག་གམ་ཟད་པར་མི་འགྱུར། ལས་དེ་ཟད་པར་འགྱུར་ན་ཐམས་ཅད་ཟད་དམ་ཞེས་འདྲིའོ། །ཇི་སྟེ་དེས་ང་ལ་མི་ཤེས་
D119.053.0305a02.01སོ་ཞེས་སྨྲ་ན་ངས་དེའི་ཕྱིར་དཔེ་འདི་བཤད་པར་བྱའོ། །འདི་ལྟ་སྟེ་དཔེར་ན་མི་ཞིག་ལ་དུག་མདས་ཕོག་ན། དེའི་གཉེན་བཤེས་དག་མདའ་འབྱིན་པའི་སྨན་པ་བཙལ་ནས་མདའ་ཕྱུང་ན་དེའི་ལུས་རབ་ཏུ་བདེ་བར་འགྱུར་ཏེ། ཕྱིས་ལོ་བཅུ་ལོན་ཀྱང་སྨན་པ་དེས་མདའ་ཕྱུང་ནས་རྨ་ཁ་སྨན་གྱིས་
D119.053.0305a03.01བསྐུས་པས་སོས་པར་གྱུར་ཏེ་རབ་ཏུ་བདེ་བ་ཡིན་ནོ་སྙམ་གསལ་བར་དྲན་ནོ། །ཁྱོད་ཀྱིས་སྔོན་འདས་པའི་ལས་ཀྱང་མི་ཤེས་ན། ཇི་ལྟར་ད་ལྟར་དཀའ་ཐུབ་སྤྱོད་པས་འདས་པའི་ལས་མེད་པར་བྱེད་ནུས་པར་ཤེས་ཞེས་འདྲིའོ། །གལ་ཏེ་དེས་ཡང་འདི་སྐད་དུ་གཽ་ཏ་མ་ཁྱོད་ལ་ཡང་འདས་པའི་ལས་ཡོད་
D119.053.0305a04.01ན། ང་ཡང་འབའ་ཞིག་གི་འདས་པའི་ལས་ལ་སྨད་དུ་ཅི་ཞིག་ཡོད། གཽ་ཏ་མས་གསུངས་པའི་མདོ་སྡེ་ལས་ཀྱང་འདི་སྐད་ཅེས་གསུངས་ཏེ། ཕྱུག་ཅིང་ལོངས་སྤྱོད་དང་ལྡན་ལ་དབང་ཆེ་བ་ཞིག་མཐོང་ན་འདི་ནི་སྔོན་སྦྱིན་པ་བྱས་པ་ཡིན་ནོ་ཞེས་བགྱི་བ་དེ་སྔོན་གྱི་ལས་མ་ཡིན་ནམ་ཞེས་སྨྲ་ན་
D119.053.0305a05.01ཡང་དེ་ལ་ངས་འདི་སྐད་ཅེས་བྱའོ། །དེ་ནི་རྗེས་སུ་དཔགས་པས་ཤེས་པ་ཡིན་གྱི་ཡང་དག་པར་ཤེས་པ་ཞེས་མི་བྱའོ། །ངའི་བསྟན་པ་ལ་ཁ་ཅིག་ནི་རྒྱུའི་དབང་གིས་འབྲས་བུ་ཤེས་ལ་ཁ་ཅིག་ནི་འབྲས་བུ་ལས་རྒྱུ་ཤེས་པ་ཡང་ཡོད་དོ། །སངས་རྒྱས་ཀྱིས་བསྟན་པ་ལ་ནི་འདས་པའི་ལས་ཀྱང་ཡོད་ལ།
D119.053.0305a06.01ད་ལྟར་གྱི་ལས་ཀྱང་ཡོད་དེ། ཁྱོད་ནི་དེ་ལྟ་མ་ཡིན་གྱི། འདས་པའི་ལས་འབའ་ཞིག་ཡོད་ལ། ད་ལྟར་གྱི་ལས་མེད་དོ། །ཁྱོད་ཀྱི་ཆོས་ནི་ཐབས་དང་སྦྱོར་བས་ལས་གཅོད་པ་མ་ཡིན་ཏེ། ངའི་བསྟན་པ་ནི་དེ་ལྟ་མ་ཡིན་གྱི་ཐབས་དང་སྦྱོར་བས་གཅོད་དོ། །ཁྱོད་ནི་ལས་ཟད་ན་སྡུག་བསྔལ་ཟད་ཅེས་ཟེར་ཏེ། ང་ནི་དེ་ལྟ་མ་ཡིན་
D119.053.0305a07.01