完整藏文原文 · 德格版页 当前仅加载第 53 函德格 295a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། དེ་དག་ལ་སོགས་པ་སུས་བསྟན། དཔེར་ན་ཚེར་མ་རང་བཞིན་གྱིས་རྣོ་བ་དང་། བྱའི་འདབ་མ་རང་བཞིན་གྱིས་ཁ་དོག་ཐ་དད་པ་ལྟར་འཇིག་རྟེན་གྱི་སེམས་ཅན་ཡང་དེ་དང་འདྲ་སྟེ། དབང་པོ་རྣོ་བ་དང་། རྟུལ་བ་དང་ཕྱུག་པ་དང་དབུལ་བ་དང་བཟང་བ་
D119.053.0295a01.01དང་ངན་པ་དང་རྣམ་པར་གྲོལ་བ་ཐོབ་པ་དང་། སྲིད་པ་ཐ་མ་ཐོབ་པར་གྱུར་ཏེ། དེ་བས་ན་ཆོས་ཐམས་ཅད་རང་བཞིན་སོ་སོ་བར་རིག་པར་བྱའོ། །གཞན་ཡང་། གཽ་ཏ་མ་གསུང་བ་ལྟར་འདོད་ཆགས་དང་། ཞེ་སྡང་དང་། གཏི་མུག་ནི་རྒྱུ་དང་རྐྱེན་ལས་སྐྱེས་ཏེ་གདུག་པ་གསུམ་
D119.053.0295a02.01གྱི་རྒྱུ་དང་རྐྱེན་ནི་ཡུལ་ལྔ་ཡིན་ནོ་ཞེས་བགྱི་བ་དེ་ཡང་མི་རུང་ངོ་། །དེ་ཅིའི་སླད་དུ་ཞེ་ན། དཔེར་ན་སེམས་ཅན་གཉིད་ལོག་པའི་ཚེ་ཡུལ་ལྔ་མངོན་དུ་མི་སྤྱོད་ཀྱང་འདོད་ཆགས་དང་ཞེ་སྡང་དང་། གཏི་མུག་སྐྱེས་ཏེ་མངལ་ན་འདུག་པ་དང་། མངལ་ནས་བྱུང་མ་ཐག་པ་ཡང་ཡུལ་
D119.053.0295a03.01ལྔའི་བཟང་པོ་དང་། ངན་པ་བྱེ་བྲག་མི་ཕྱེད་ཀྱང་འདོད་ཆགས་དང་། ཞེ་སྡང་དང་། གཏི་མུག་སྐྱེའོ། །དྲང་སྲོང་འཕགས་པའི་རྣམས་དགོན་པར་གནས་པ་ཡང་ཡུལ་ལྔ་མངོན་དུ་མི་སྤྱོད་ཀྱང་། འདོད་ཆགས་དང་། ཞེ་སྡང་དང་། གཏི་མུག་སྐྱེའོ། །ཁ་ཅིག་ནི་ཡུལ་དྲུག་
D119.053.0295a04.01གི་དབང་གིས་འདོད་མི་ཆགས་པ་དང་། ཞེ་མི་སྡང་བ་དང་། གཏི་མི་མུག་པ་ཡང་ཡོད་དེ་དེ་བས་ན་རྒྱུ་དང་རྐྱེན་ལས་ཆོས་ཐམས་ཅད་སྐྱེའོ་ཞེས་ངེས་པ་མེད་ཀྱི། རང་བཞིན་དུ་ཟད་དོ། །གཽ་ཏ་མ་གཞན་ཡང་འཇིག་རྟེན་ན་ཁ་ཅིག་ནི་དབང་པོ་ལྔ་དང་མི་ལྡན་ཡང་ལོངས་སྤྱོད་ཆེན་པོ་དང་
D119.053.0295a05.01ལྡན་ཞིང་དབང་དུ་འགྱུར་བ་ཡང་ཡོད་དོ། །ཁ་ཅིག་ནི་དབང་པོ་དང་ལྡན་ཡང་ངན་ཅིང་དབུལ་ལ་དབང་མེད་དེ་གཞན་གྱི་བྲན་བྱེད་པ་ཡང་ཡོད་ན། ཇི་སྟེ་རྒྱུ་དང་རྐྱེན་ལས་གྱུར་ན་ཅིའི་སླད་དུ་དེ་ལྟར་གྱུར། དེ་བས་ན་ཆོས་ཐམས་ཅད་རང་བཞིན་ནི་སོ་སོ་སྟེ་རྒྱུ་དང་རྐྱེན་ལས་མ་ཡིན་ནོ། །
D119.053.0295a06.01གཽ་ཏ་མ་གཞན་ཡང་འཇིག་རྟེན་ན་བུས་པ་ཤེད་མ་བྱེ་བ་ཡང་ཡུལ་ལྔ་བྱེ་བྲག་མི་ཕྱེད་མོད་ཀྱི། བར་འགའ་ནི་དགོད། བར་འགའ་ནི་ངུའོ། །དགོད་པའི་ཚེ་ནི་དགའ་བར་ཤེས་ཀྱི། ངུ་བའི་ཚེ་མི་དགའ་བར་ཤེས་སོ། །དེ་བས་ན་ཆོས་ཐམས་ཅད་སོ་སོའི་རང་བཞིན་ཡོད་དོ། །གཽ་ཏ་
D119.053.0295a07.01