完整藏文原文 · 德格版页 当前仅加载第 53 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
ཤོང་ཐམས་ཅད་ཀྱི་འདུ་ཤེས་ཀྱི་སེམས་ཞི་བར་བྱེད་པ་ཡིན། སེམས་ཅན་དག་གཅན་གཟན་ཁྲོ་བོས་འཇིགས་པའི་སེམས་བསལ་བ་ཡིན། མེ་ཏོག་ཨུད་པ་ལའི་ཁ་འབྱེད་པ་ཡིན། པད་མོའི་ཁ་འབྲུབ་པ་ཡིན། འགྲོན་པོ་དག་ལམ་དུ་འཇུག་པའི་སེམས་སྐྱེད་པར་བྱེད་པ་ཡིན།
D119.053.0143b01.01སེམས་ཅན་རྣམས་འདོད་པ་ལྔ་ལ་ལོངས་སྤྱོད་ཅིང་བདེ་བ་མང་པོ་ལ་རེག་པ་ཡིན། རིགས་ཀྱི་བུ་དེ་བཞིན་གཤེགས་པའི་ཟླ་བ་ཉ་བ་ཡང་དེ་དང་འདྲ་སྟེ། མ་རིག་པའི་མུན་པ་ཆེན་པོ་བཅོམ་པ་དང་། ཡང་དག་པའི་ལམ་དང་ལོག་པའི་ལམ་སྟོན་པ་དང་། འཁོར་བའི་ལམ་ཉམ་ང་བ་
D119.053.0143b02.01མཐོང་བ་དང་། མྱ་ངན་ལས་འདས་པའི་ལམ་བདེ་བ་འབྱེད་ཅིང་སྟོན་པ་དང་། འདོད་ཆགས་དང་། ཞེ་སྡང་དང་། གཏི་མུག་གིས་གདུངས་པ་སྤོང་བ་དང་། མུ་སྟེགས་ཅན་གྱི་མ་རིག་པ་གཞོམ་པ་དང་། ཀུན་ནས་ཉོན་མོངས་པའི་རྐུན་པོ་གཞོམ་པ་དང་། འཇིགས་པ་ལྔས་
D119.053.0143b03.01བསྒྲིབས་པའི་སེམས་བསལ་བ་དང་། སེམས་ཅན་གྱི་དགེ་བའི་རྩ་བ་བསྐྱེད་པའི་སེམས་འབྱེད་པ་དང་། སེམས་ཅན་གྱི་འདོད་པ་ལྔའི་སེམས་འགེབས་པ་དང་། སེམས་ཅན་རྣམས་མྱ་ངན་ལས་འདས་པ་ཆེན་པོ་ལ་འཇུག་པར་སྐུལ་བ་དང་། སེམས་ཅན་རྣམས་རྣམ་པར་གྲོལ་
D119.053.0143b04.01བ་སྤྱོད་པ་ལ་མོས་པར་བྱེད་པ་སྟེ། དོན་དེ་ལྟ་བས་ན་ཚེས་{བཅྭ་,བཅོ་}ལྔ་ལ་ཡོངས་སུ་མྱ་ངན་ལས་འདས་ཏེ་ཡང་དག་པར་ན་མྱ་ངན་ལས་མ་འདས་སོ། །ངའི་ཉེ་གནས་བླུན་པོ་ངན་པ་དག་གིས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་སོ་སྙམ་སེམས་ཏེ། དཔེར་ན་བུད་མེད་གཅིག་བུ་
D119.053.0143b05.01མང་དུ་ཡོད་པ་ལས་མ་དེ་བུ་དང་བྲལ་ཏེ། ཡུལ་གཞན་དུ་སོང་བ་ལས་མ་ལོག་པའི་བར་དུ་བུ་རྣམས་སོ་སོ་ནས། ངའི་མ་ཤི་ཟིན་ནོ་ཞེས་ཟེར་ཏེ། མ་ནི་ཡང་དག་པར་ན་མ་ཤིའོ། །བྱང་ཆུབ་སེམས་དཔའ་སེང་གེ་སྒྲས་གསོལ་པ། བཅོམ་ལྡན་འདས་དགེ་སློང་ཇི་ལྟ་བུ་
D119.053.0143b06.01དག་གིས་སཱ་ལའི་ཤིང་འདི་བརྒྱན་པར་འགྱུར། རིགས་ཀྱི་བུ་གལ་ཏེ་དགེ་སློང་གང་མདོ་སྡེ་བཅུ་གཉིས་གཟུངས་སུ་འཛིན་ཅིང་ཀློག་གམ། འདོན་ཏམ། ཡི་གེའི་འབྲུ་བཅོས་སམ། དོན་ཟབ་མོ་རྟོགས་པར་གྱུར་ཏེ། གཞན་ལ་སྟོན་པ་ལ་ཐོག་མར་ཡང་དགེ། །བར་དུ་ཡང་དགེ།
D119.053.0143b07.01