完整藏文原文 · 德格版页 当前仅加载第 53 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
དགའ་བས་ས་ཆེན་པོ་རྣམ་པ་དྲུག་ཏུ་གཡོས་པར་གྱུར་ཏེ། དེ་བས་ན་བསམ་གྱིས་མི་ཁྱབ་པ་ཞེས་བྱའོ། །བྱང་ཆུབ་སེམས་དཔའ་སེམས་དཔའ་ཆེན་པོ་མངལ་དུ་འཇུག་པའི་དུས་དང་། གནས་པའི་དུས་དང་། འབྱུང་བའི་དུས་ཀྱང་ཤེས། ཕ་དང་། མ་ཡོངས་སུ་
D119.053.0181b01.01གཙང་ཞིང་ཅིས་ཀྱང་མ་གོས་པར་ཤེས་པ་ནི་བརྒྱ་བྱིན་ལྷའི་དབང་ཕྱུག་གི་སྐྲའམ། ནོར་བུ་རིན་པོ་ཆེ་སྔོན་པོ་ལྟ་བུར་ཤེས་ཏེ། དེ་བས་ན་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ཡང་དེ་དང་འདྲ་སྟེ། བསམ་གྱིས་
D119.053.0181b02.01མི་ཁྱབ་བོ། །རིགས་ཀྱི་བུ་དཔེར་ན་རྒྱ་མཚོ་ཆེན་པོ་ལ་ནི་བསམ་གྱིས་མི་ཁྱབ་པ་བརྒྱད་ཡོད་དོ། །བརྒྱད་གང་ཞེ་ན། རིམ་གྱིས་གཞོལ་བ་དང་། ཟབ་ཅིང་གཏིང་རིང་བ་དང་། གཅིག་ཏུ་ལན་ཚྭའི་རོ་བྲོ་བ་དང་། དབྲེས་ཀྱི་མཚམས་ལས་མི་འདའ་བ་དང་། རིན་
D119.053.0181b03.01པོ་ཆེ་མང་བ་དང་། སེམས་ཅན་མང་པོའི་གནས་སུ་གྱུར་པ་དང་། རོ་ཞག་ཏུ་མི་གནས་པ་དང་། འབབ་ཆུ་ཐམས་ཅད་དང་སྤྲིན་ཆེན་པོའི་ཆར་ཡོངས་སུ་འཛིན་ཀྱང་མི་འཕེལ་མི་འགྲིབ་པ་དང་བརྒྱད་དོ། །རིགས་ཀྱི་བུ་རིམ་གྱིས་གཞོལ་བ་ལ་དངོས་པོ་རྣམ་པ་གསུམ་སྟེ།
D119.053.0181b04.01གསུམ་གང་ཞེ་ན། སེམས་ཅན་ཐམས་ཅད་ཀྱི་བསོད་ནམས་ཀྱི་ཤུགས་དང་། རླུང་ཕྱོགས་སུ་འགྲོ་བ་དང་། ཆུ་ཀླུང་འབབ་པའི་ཕྱིར་རོ། །མི་འཕེལ་མི་འགྲིབ་པའི་བར་ལ་ཡང་རྣམ་པ་གསུམ་གསུམ་ཡོད་དོ། །དེ་བཞིན་དུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ལ་
D119.053.0181b05.01ཡང་བསམ་གྱིས་མི་ཁྱབ་པ་རྣམ་པ་བརྒྱད་ཡོད་དོ། །གང་ཞེ་ན་རིམ་གྱིས་གཞོལ་བ་སྟེ། ཚུལ་ཁྲིམས་ལྔ་དང་། ཚུལ་ཁྲིམས་བཅུ་དང་། ཚུལ་ཁྲིམས་ཉིས་བརྒྱ་ལྔ་བཅུ་དང་། བྱང་ཆུབ་སེམས་དཔའི་ཚུལ་ཁྲིམས་དང་། རྒྱུན་དུ་ཞུགས་པའི་འབྲས་བུ་དང་།
D119.053.0181b06.01ལན་ཅིག་ཕྱིར་ལྡོག་པའི་འབྲས་བུ་དང་། ཕྱིར་མི་ལྡོག་པའི་འབྲས་བུ་དང་། དགྲ་བཅོམ་པའི་འབྲས་བུ་དང་། རང་སངས་རྒྱས་ཀྱི་འབྲས་བུ་དང་། བྱང་ཆུབ་སེམས་དཔའི་འབྲས་བུ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་འབྲས་བུའི་བར་དུ་
D119.053.0181b07.01