完整藏文原文 · 德格版页 当前仅加载第 53 函德格 268b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་མི་རྟག་པ་ཡིན་ན་ཅིའི་ཕྱིར་མཁས་པ་ཤེས་རབ་ཅན་གྱིས་འཇིག་རྟེན་ལ་ཆགས་པར་བྱེད། སེམས་ཅན་རེ་རེས་ཀྱང་འཇིག་རྟེན་ཐམས་ཅད་དུ་སྡུག་བསྔལ་མ་མྱོང་བའི་གནས་མེད་དེ། མཐོ་རིས་ཀྱི་ཚངས་པའི་ལྷར་སྐྱེས་པ་ནས་འདུ་ཤེས་མེད་འདུ་ཤེས་
D119.053.0268b01.01མེད་མིན་སྐྱེ་མཆེད་སྟེངས་ཀྱི་ལྷའི་བར་དུ་སྐྱེས་ཀྱང་ཚེ་འཕོས་མ་ཐག་ཏུ་ངན་སོང་གསུམ་དུ་ལྟུང་ངོ་། །རྒྱལ་ཆེན་བཞིའི་ལྷའི་རྒྱལ་པོར་སྐྱེས་པ་ནས་གཞན་འཕྲུལ་དབང་བྱེད་རྣམས་ཀྱི་ལྷའི་བར་དུ་སྐྱེས་ཀྱང་ཚེ་འཕོས་མ་ཐག་ཏུ་བྱོལ་སོང་གི་སྐྱེ་གནས་སུ་སྐྱེས་
D119.053.0268b02.01ནས་སེང་གེ་དང་། སྟག་དང་། སྤྱང་ཀི་དང་། བལ་གླང་དང་། རྟ་དང་། བ་ལང་དང་། བོང་བུ་ལ་སོགས་པར་སྐྱེའོ། །འཁོར་ལོས་སྒྱུར་བའི་རྒྱལ་པོ་གླིང་བཞི་ལ་དབང་བ་ལོངས་སྤྱོད་དང་དབང་དུ་ལྡན་པ་ཡང་བསོད་ནམས་ཟད་ན་དབུལ་ཕོངས་པར་འགྱུར་
D119.053.0268b03.01ཏེ། ཁ་ཟས་ཀྱིས་མི་འཚོ་བ་ལ་ཡང་ཤིན་ཏུ་བརྟག་གོ། །མཁས་པ་ཤེས་རབ་ཅན་གྱིས་དེ་ལྟར་ཤིན་དུ་རྟོགས་ནས་འཇིག་རྟེན་ལ་མི་ཆགས་པའི་འདུ་ཤེས་སྐྱེའོ། །མཁས་པ་ཤེས་རབ་ཅན་གྱིས་གཞན་ཡང་འདི་ལྟར་རྟོག་སྟེ། འཇིག་རྟེན་གྱི་ཆོས་ཀྱིས་ཁང་
D119.053.0268b04.01ཁྱིམ་དང་། བགོ་བའི་གོས་དང་། ཁ་ཟས་དང་། མལ་ཆ་དང་། ནད་ཀྱི་རྐྱེན་སྨན་དང་། མེ་ཏོག་དང་། སྤོས་དང་། ཕྲེང་བ་དང་། རོལ་མོ་རྣམ་པ་སྣ་ཚོགས་དང་། ཟང་ཟིང་དང་། རིན་པོ་ཆེ་ལ་སོགས་པ་ནི་སྡུག་བསྔལ་དང་བྲལ་བ་ཡིན་ཡང་དངོས་པོ་དེ་དག་ནི་རང་བཞིན་
D119.053.0268b05.01གྱིས་སྡུག་བསྔལ་བ་ཡིན་ན། ཅིའི་ཕྱིར་སྡུག་བསྔལ་གྱིས་སྡུག་བསྔལ་ཡོངས་སུ་སྤོང་བར་འགྱུར། རིགས་ཀྱི་བུ་མཁས་པ་ཤེས་རབ་ཅན་གྱིས་དེ་ལྟར་རྟོགས་ནས་འཇིག་རྟེན་གྱི་དངོས་པོ་ཐམས་ཅད་ལ་ཆགས་པའམ། བདེ་བའི་འདུ་ཤེས་མི་སྐྱེའོ། །རིགས་
D119.053.0268b06.01ཀྱི་བུ་འདི་ལྟ་སྟེ། དཔེར་ན་གང་ཟག་གཅིག་ནད་ཚབས་ཆེན་པོས་བཏབ་ན། རོལ་མོ་རྣམ་པ་སྣ་ཚོགས་དང་། མེ་ཏོག་དང་། སྤོས་དང་། ཕྲེང་བ་རྣམ་པ་མང་པོ་ཡོད་ཀྱང་དེ་ལ་འདོད་པའམ་ཆགས་པའི་སེམས་མི་སྐྱེའོ། །མཁས་པ་ཤེས་རབ་ཅན་གྱིས་རྟོགས་
D119.053.0268b07.01