完整藏文原文 · 德格版页 当前仅加载第 53 函德格 193b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བླ་མ་དང་། ཡོན་ཏན་ཅན་ལ་བསྙེན་བཀུར་བྱེད་ཅིང་བསམ་གཏན་དང་པོ་སྒོམ་པ་ནས་བསམ་གཏན་བཞི་པའི་བར་དུ་སྒོམ་པར་འགྱུར་ཏེ། དེ་ཡང་དགེ་བའི་རྒྱུ་ཞེས་བྱའོ། །དེ་ལྟར་དགེ་བའི་རྒྱུ་དེ་ལས་དགེ་བའི་ཆོས་སྐྱེ་བར་འགྱུར་རོ། །དགེ་བའི་ཆོས་སྐྱེས་པ་ན་
D119.053.0193b01.01བྱང་ཆུབ་ལ་ནན་ཏན་བྱེད་པར་འགྱུར་རོ། །བྱང་ཆུབ་ལ་ནན་ཏན་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པར་འགྱུར་ཏེ། དེ་བས་ན་དགེ་སློང་ལེགས་པའི་སྐར་མ་རབ་ཏུ་བྱུང་བར་གནང་ངོ་། །རིགས་ཀྱི་བུ་གལ་ཏེ་ངས་དགེ་སློང་ལེགས་པའི་སྐར་མ་
D119.053.0193b02.01རབ་ཏུ་བྱུང་ཞིང་ཚུལ་ཁྲིམས་སྲུང་དུ་མ་གནང་ན། དེ་བཞིན་གཤེགས་པ་སྟོབས་བཅུ་དང་ལྡན་ནོ་ཞེས་བྱ་བར་ཡང་མི་འགྱུར་རོ། །རིགས་ཀྱི་བུ་སེམས་ཅན་གང་དགེ་བའི་རྩ་བ་དང་ལྡན་ནམ། མི་དགེ་བའི་ཆོས་དང་ལྡན་ན། གང་ཟག་དེ་ཆོས་གཉིས་པོ་དང་ལྡན་ན་ཡང་རིང་
D119.053.0193b03.01པོར་མི་ཐོགས་པར་དགེ་བའི་རྩ་བ་ཡོངས་སུ་བཅད་དེ། མི་དགེ་བའི་རྩ་བ་དང་ལྡན་པར་ངས་རྟོགས་སོ། །དེ་ཅིའི་ཕྱིར་ཞེ་ན། སེམས་ཅན་དེ་ནི་དགེ་བའི་བཤེས་གཉེན་ལ་མི་སྟེན། དམ་པའི་ཆོས་ཉན་པར་མི་བྱེད། མི་དགེ་བ་ཡིད་ལ་བྱེད་ཅིང་ཚུལ་བཞིན་དུ་ཡིད་ལ་མི་
D119.053.0193b04.01བྱེད་པས་དེའི་རྒྱུ་དེའི་རྐྱེན་གྱིས་དགེ་བའི་རྩ་བ་གཅོད་ཅིང་མི་དགེ་བའི་རྩ་བ་དང་ལྡན་པར་གྱུར་ཏོ། །རིགས་ཀྱི་བུ་གཞན་ཡང་དེ་བཞིན་གཤེགས་པས་གང་ཟག་དེ་ད་ལྟར་གྱི་དུས་སམ། མ་འོངས་པའི་དུས་ན་གལ་ཏེ་གཞོན་ནུའམ། ལང་ཚོ་བའམ། རྒས་པའི་ཚེ་དགེ་བའི་བཤེས་
D119.053.0193b05.01གཉེན་ལ་བསྟེན་ཏེ། དམ་པའི་ཆོས་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་ཉན་ཅིང་འཛིན་ན། དེའི་དགེ་བའི་རྩ་བ་ཕྱིར་ཡང་སྐྱེ་བར་འགྱུར་རོ། །རིགས་ཀྱི་བུ་འདི་ལྟ་སྟེ་དཔེར་ན་གྲོང་ཁྱེར་དང་མི་རིང་བ་ན་ཆུ་མིག་ཞིམ་པོ་ཡོན་ཏན་བརྒྱད་དང་ལྡན་པ་
D119.053.0193b06.01ཞིག་ཡོད་ན་གང་སྐོམ་ཞིང་ཚ་བས་གདུངས་པ་དག་ཆུ་མིག་གི་དངོར་འགྲོ་བར་གཟས་ན་དེ་ལ་མཁས་པ་ཤེས་རབ་ཅན་གྱིས་ནི་སྐོམ་པས་གདུངས་པ་དེ་ངེས་པར་ཆུ་མིག་གི་དངོར་ཕྱིན་པར་ཐེ་ཙོམ་མེད་དོ། །དེ་ཅིའི་ཕྱིར་ཞེ་ན། ལམ་གཞན་མེད་པའི་ཕྱིར་རོ། །སངས་རྒྱས་བཅོམ་
D119.053.0193b07.01