完整藏文原文 · 德格版页 当前仅加载第 53 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་ཐོབ་པར་གྱུར་ཏོ། །དེ་ནས་གཞན་ཡང་བྲམ་ཟེ་ཤིན་ཏུ་རྒྱས་པ་ཞེས་བྱ་བས་ཡང་འདི་སྐད་ཅེས་གསོལ་ཏོ། །གཽ་ཏ་མ་བདག་ཅི་སེམས་པ་མཁྱེན་ནམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་མྱ་ངན་ལས་འདས་པ་ནི་རྟག་པའོ། །འདུས་བྱས་ནི་མི་རྟག་པའོ། །ཡོན་པོ་ནི་ངན་པར་
D119.053.0298b01.01ལྟ་བའོ། །དྲང་པོ་ནི་འཕགས་པའི་ལམ་མོ། །བྲམ་ཟེས་གསོལ་པ། གཽ་ཏ་མ་ཅིའི་རྒྱུ་ཅིའི་རྐྱེན་གྱིས་དེ་སྐད་ཅེས་གསུངས། བཀའ་སྩལ་པ། རིགས་ཀྱི་བུ་ཁྱོད་ཀྱི་ཡིད་ལ་བསོད་སྙོམས་བྱེད་པ་ནི་རྟག་པ། མགྲོན་དུ་བོས་པ་ནི་མི་རྟག་པ། ཡོན་པོ་ནི་མ་རབས། དྲང་པོ་ནི་རྒྱལ་མཚན་ནོ་
D119.053.0298b02.01སྙམ་སེམས་ཏེ། དེ་བས་ན་མྱ་ངན་ལས་འདས་པ་ནི་རྟག་པ། འདུས་བྱས་ནི་མི་རྟག་པ། ཡོན་པོ་ནི་ངན་པར་ལྟ་བ། དྲང་པོ་ནི་འཕགས་པའི་ལམ་བརྒྱད་དེ། ཁྱོད་ཀྱིས་སྔོན་སེམས་པ་ལྟ་བུ་ནི་མ་ཡིན་ནོ། །བྲམ་ཟེས་གསོལ་པ། གཽ་ཏ་མ་བདག་གིས་བསམས་པ་ཡང་དག་པར་མཁྱེན་
D119.053.0298b03.01ནོ། །འཕགས་པའི་ལམ་བརྒྱད་ཀྱིས་སེམས་ཅན་ཐམས་ཅད་རྣམ་པར་གྲོལ་བར་འགྱུར་རམ། དེའི་ཚེ་བཅོམ་ལྡན་འདས་ཅང་མི་གསུང་སྟེ་ལན་མ་བཏབ་བོ། །བྲམ་ཟེས་གསོལ་པ། གཽ་ཏ་མ་བདག་གིས་བསམས་པ་མཁྱེན་ན་ཅིའི་སླད་དུ་བདག་གིས་ཞུས་པའི་ལན་མ་གནང་ནས་ཅང་མི་
D119.053.0298b04.01གསུང་བར་བཞུགས། དེ་ནས་ཚེ་དང་ལྡན་པ་ཀུན་ཤེས་ཀཽཎྜི་ནྱས་འདི་སྐད་ཅེས་སྨྲས་སོ། །བྲམ་ཟེ་ཆེན་པོ་གལ་ཏེ་འཇིག་རྟེན་མཐའ་ཡོད་དམ་མཐའ་མེད་ཅེས་འདྲི་ན་དེ་བཞིན་གཤེགས་པ་ཆོས་ཉིད་ཀྱིས་ཅང་མི་གསུང་སྟེ་ལན་མི་འདེབས་སོ། །འཕགས་པའི་ལམ་བརྒྱད་ནི་དྲང་
D119.053.0298b05.01པོའོ། །མྱ་ངན་ལས་འདའ་བ་ནི་རྟག་པའོ། །གལ་ཏེ་འཕགས་པའི་ལམ་བརྒྱད་ལ་ནན་ཏན་བྱས་ན་རྣམ་པར་གྲོལ་བ་ཐོབ་པར་འགྱུར་རོ། །ཇི་སྟེ་ནན་ཏན་མ་བྱས་ན་ཐོབ་པར་མི་འགྱུར་རོ། །བྲམ་ཟེ་ཆེན་པོ་དཔེར་ན་མཁར་ཆེན་པོ་ཞིག་གི་ངོས་བཞི་ན་ཐར་བའི་ཁུང་དང་ལམ་མེད་དེ་སྒོ་གཅིག་
D119.053.0298b06.01པུ་ཡོད་ན་དེའི་སྒོ་སྲུངས་མཁས་པ་ཤེས་རབ་དང་ལྡན་ན་གང་གཏང་བའི་རིགས་པ་ནི་གཏོང་ངོ་། །གང་གཏང་བའི་མི་རིགས་པ་ནི་མི་གཏོང་སྟེ། ཇི་སྙེད་རྒྱུ་བ་གྲངས་ཉིད་མི་ཤེས་ཀྱང་། རྒྱུ་བ་ཐམས་ཅད་སྒོ་དེ་ལ་རྒྱུ་བར་ངེས་པར་ཤེས་སོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་
D119.053.0298b07.01