完整藏文原文 · 德格版页 当前仅加载第 53 函德格 310a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་དེ་སྐད་ཅེས་གསུངས་ནས་ཤུགས་ནར་ཅེས་མཛད་དེ། ལེགས་སོ་ལེགས་སོ། །ཤིན་ཏུ་བཟང་པོ་སངས་རྒྱས་ཀྱི་དྲིན་ལེགས་པར་གླན་ཏོ། །ཁྱེད་ཀྱིས་དེའི་རུས་བུ་ལ་མཆོད་པ་བྱ་ཞིང་མཆོད་རྟེན་གྱིས་ཤིག །དེའི་ཚེ་འཁོར་མང་པོ་རྣམས་ཤིན་ཏུ་མི་དགའ་སྟེ་མཆི་མ་བླགས་
D119.053.0310a01.01ནས། སངས་རྒྱས་ཀྱི་བཀའ་བཞིན་དུ་སྤོས་ཀྱི་ཤིང་དང་། མར་གྱིས་དེའི་རུས་བུ་བསྲེགས་སོ། །ཤིན་ཏུ་བཟང་པོའི་རུས་བུ་བསྲེགས་པ་ནས་མེའི་ནང་ན་འོད་ཆེན་པོ་བཏང་སྟེ། ཆོ་འཕྲུལ་རྣམ་པ་{བཅྭ་,བཅོ་}བརྒྱད་མངོན་དུ་བསྟན་ཏོ། །ལུས་ཀྱི་སྟོད་ནས་ཆུ་འབབ་ན་ལུས་ཀྱི་སྨད་ནས་མེ་འབར། མཆན་ཁུང་
D119.053.0310a02.01གཡས་ནས་མེ་འབར་ན་མཆན་ཁུང་གཡོན་ནས་ཆུ་འབབ། ཆུང་ངུ་ལས་ཆེན་པོར་གྱུར་ནས་ཆེན་པོ་ལས་ཆུང་ངུར་གྱུར་ཏེ། ནམ་མཁའ་ཡང་ཡོངས་སུ་གང་བར་བྱས་སོ། །དེའི་ཚེ་འཁོར་ཚད་མེད་པ་རྣམས་དང་། མུ་སྟེགས་ཅན་ངན་པར་ལྟ་བའི་སེམས་ཅན་དག་བྱང་ཆུབ་ཏུ་སེམས་བསྐྱེད་ནས་ཡང་
D119.053.0310a03.01དག་པར་ལྟ་བ་ལ་ཞུགས་སོ། །ཤིན་ཏུ་བཟང་པོས་ཆོ་འཕྲུལ་མངོན་པར་བསྟན་ནས་ཕྱིར་མེའི་ནང་དུ་ཞུགས་སོ། །དེར་བསྲེགས་ནས་འཁོར་མང་པོ་རྣམས་རིང་བསྲེལ་བསྡུས་ཏེ། མཆོད་རྟེན་བྱས་ནས་མཆོད་པ་བྱེད་དོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས། ཚེ་དང་
D119.053.0310a04.01ལྡན་པ་ཅང་ཤེས་ཀཽཎྜི་ནྱའི་ལེའུའོ།། །།དེའི་ཚེ་བཅོམ་ལྡན་འདས་ཀྱིས་དགའ་བོ་དང་འཁོར་མང་པོ་རྣམས་ལ་འདི་སྐད་ཅེས་བཀའ་སྩལ་ཏོ། །ང་མྱ་ངན་ལས་འདས་ནས་ཁྱེད་འཁོར་རྣམ་པ་བཞི་དག་ངའི་མྱ་ངན་ལས་འདས་པ་ཆེན་པོ་འདི་འཛིན་པ་ལ་བརྩོན་པར་གྱིས་ཤིག །ངས་ནི་བསྐལ་པ་
D119.053.0310a05.01ཁྲག་ཁྲིག་ཚད་མེད་པའི་བར་དུ་ཤིན་ཏུ་ཐོབ་དཀའ་བའི་མྱ་ངན་ལས་འདས་པའི་ཆོས་ཀྱི་གཞུང་འདི་བསྒྲུབས་ནས་ད་ལྟར་བསྟན་པ་ཡིན་ནོ། །ཁྱེད་རྣམས་འདི་ལྟར་རིག་པར་གྱིས་ཤིག །ཡོངས་སུ་མྱ་ངན་ལས་འདས་པ་ཆེན་པོའི་ཆོས་ཀྱི་གཞུང་འདི་ནི་ཕྱོགས་བཅུ་ན་དུས་གསུམ་དུ་བཞུགས་པའི་སངས་རྒྱས་
D119.053.0310a06.01ཐམས་ཅད་ཀྱི་རིན་པོ་ཆེ་རྡོ་རྗེའི་གཏེར་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་དང་། ཡོངས་སུ་རྫོགས་པ་མ་གོད་པ་སྟེ། སངས་རྒྱས་ཐམས་ཅད་ཀྱང་མྱ་ངན་ལས་འདའ་བ་འདིས་ཡོངས་སུ་མྱ་ངན་ལས་འདའ་སྟེ་མཐར་ཕྱིན་པ་ལྷག་མ་མ་ལུས་པ། སངས་རྒྱས་ཐམས་ཅད་ཀྱང་སྐུ་ཚེ་འདིར་
D119.053.0310a07.01