完整藏文原文 · 德格版页 当前仅加载第 53 函德格 189b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ། གསོལ་པ། བཅོམ་ལྡན་འདས་ཀྱིས་གསུངས་པ་བཞིན་ཏེ། གཅེར་བུ་སྡུག་བསྔལ་འགྱུར་བ་ཡང་དག་པར་སུམ་ཅུ་རྩ་གསུམ་གནམ་གྱི་ལྷར་མ་སྐྱེས་ཀྱི་སྐྱུགས་པ་ཟ་བའི་{ཡི་དགས་,ཡི་དྭགས་}སུ་གྱུར་ཏོ། །ངས་དེ་ལ་གླེན་པ། སངས་རྒྱས་བཅོམ་ལྡན་འདས་ཀྱིས་གསུངས་སོ་
D119.053.0189b01.01ཅོག་ནི་གཉིས་སུ་མེད་དེ། དེ་བཞིན་གཤེགས་པས་གསུངས་པ་ལ་གཉིས་སུ་ཡོད་དོ་ཞེས་བྱ་བའི་གནས་མེད་དོ། །ཞེས་བཀའ་སྩལ་ཏོ། །ལེགས་པའི་སྐར་མས་གསོལ་པ། དེ་བཞིན་གཤེགས་པས་དེའི་ཚེ་ན་དེ་སྐད་ཅེས་གསུངས་མོད་ཀྱི། བདག་ནི་དེ་ལ་
D119.053.0189b02.01ཡིད་ཆེས་པ་མ་མཆིས་སོ་ཞེས་སྨྲས་སོ། །རིགས་ཀྱི་བུ་ང་ནི་རྟག་ཏུ་དགེ་སློང་ལེགས་པའི་སྐར་མ་ལ་དམ་པའི་ཆོས་བསྟན་ན་ཡིད་ཆེས་ཤིང་གཟུངས་སུ་འཛིན་པའི་སེམས་འདི་ཙམ་ཡང་མ་སྐྱེས་སོ། །རིགས་ཀྱི་བུ་དགེ་སློང་ལེགས་པའི་སྐར་མ་མདོ་སྡེ་བཅུ་གཉིས་ཀློག་ཅིང་འདོན་ཏེ།
D119.053.0189b03.01བསམ་གཏན་བཞི་ཐོབ་མོད་ཀྱི། ཆུང་ངུ་ན་ཚིགས་སུ་བཅད་པ་གཅིག་ཙམ་མམ། ཚིག་གཅིག་གམ་འབྲུ་གཅིག་ཙམ་གྱི་དོན་ཡང་མི་ཤེས་སོ། །སྡིག་པ་མི་དགེ་བའི་བཤེས་གཉེན་ལ་བསྟེན་པས་བསམ་གཏན་བཞི་ཡང་ཉམས་པར་གྱུར་ཏོ། །བསམ་གཏན་ཉམས་པས་ངན་པར་ལྟ་
D119.053.0189b04.01བ་བསྐྱེད་དེ། འདི་སྐད་དུ་སངས་རྒྱས་ཀྱང་མེད། ཆོས་ཀྱང་མེད། མྱ་ངན་ལས་འདས་པ་ཡང་མེད་མོད་ཀྱི། དགེ་སྦྱོང་གཽ་ཏ་མ་ནི་མཚན་ལྟ་བའི་ཆོ་ག་ལ་ཤིན་ཏུ་མཁས་པས་གཞན་གྱི་སེམས་ཤེས་པར་གྱུར་ཏོ་ཞེས་སྨྲའོ། །ངས་དེའི་ཚེ་ན་ལེགས་པའི་སྐར་མ་ལ་འདི་སྐད་ཅེས་བཀའ་
D119.053.0189b05.01སྩལ་ཏོ། །ངས་ཆོས་བསྟན་ཅིང་གསུངས་པ་ནི་ཐོག་མར་ཡང་དགེ། །བར་དུ་ཡང་དགེ །ཐ་མར་ཡང་དགེ །དོན་བཟང་བ། ཚིག་བཟང་བ། མ་འདྲེས་པ། ཕུན་སུམ་ཚོགས་པ། ཚངས་པར་སྤྱོད་པ། རྣམ་པར་དག་པའོ་ཞེས་བསྟན་ཀྱང་། དགེ་སློང་ལེགས་པའི་སྐར་
D119.053.0189b06.01མ་དེས། ང་ལ་འདི་སྐད་དུ་དེ་བཞིན་གཤེགས་པས། བདག་ལ་ཆོས་བསྟན་མོད་ཀྱི། བདག་ནི་ཡང་དག་པར་ན་རྒྱུ་དང་འབྲས་བུ་མེད་དོ་ཞེས་ཟེར་རོ། །རིགས་ཀྱི་བུ་ཁྱོད་ཀྱིས་འདི་ལྟར་དངོས་པོ་འདི་ལ་ཡིད་མི་ཆེས་ན། དགེ་སློང་ལེགས་པའི་སྐར་མ་ཉིད་ད་ལྟར་ཆུ་བོ་དགའ་སྐྱེད་ཀྱི་
D119.053.0189b07.01