完整藏文原文 · 德格版页 当前仅加载第 53 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་མཐར་གྱིས་འཇུག་པ་དགུ་སྟེ། འདི་ལྟར་བསམ་གཏན་བཞི་དང་། སྟོང་པ་བཞི་དང་། འགོག་པ་ཟད་པའི་ཏིང་ངེ་འཛིན་ཏོ། །ཡང་རྣམ་པ་བཅུ་ལ། འདི་ལྟར་རྣམ་པ་བཅུ་སྟེ། ཐམས་ཅད་སའི་ཏིང་ངེ་འཛིན་དང་། ཐམས་ཅད་ཆུའི་ཏིང་ངེ་འཛིན་དང་། ཐམས་ཅད་མེའི་
D119.053.0149b01.01ཏིང་ངེ་འཛིན་དང་། ཐམས་ཅད་རླུང་གི་ཏིང་ངེ་འཛིན་དང་། ཐམས་ཅད་སྔོན་པོའི་ཏིང་ངེ་འཛིན་དང་། ཐམས་ཅད་སེར་པོའི་ཏིང་ངེ་འཛིན་དང་། ཐམས་ཅད་དམར་པོའི་ཏིང་ངེ་འཛིན་དང་། ཐམས་ཅད་དཀར་པོའི་ཏིང་ངེ་འཛིན་དང་། ནམ་མཁའ་མཐའ་ཡས་ཀྱི་ཏིང་ངེ་འཛིན་དང་། རྣམ་
D119.053.0149b02.01ཤེས་མཐའ་ཡས་ཀྱི་ཏིང་ངེ་འཛིན་དང་། ཅུང་ཟད་མེད་པའི་ཏིང་ངེ་འཛིན་ཏོ། །གཞན་ཡང་གྲངས་མེད་པ་ལ་འདི་ལྟ་སྟེ། སངས་རྒྱས་དང་བྱང་ཆུབ་སེམས་དཔའ་རྣམས་སོ། །རིགས་ཀྱི་བུ་དེ་དག་ནི་ཏིང་ངེ་འཛིན་གྱི་མཚན་ཉིད་ཅེས་བྱའོ། །རིགས་ཀྱི་བུ་ཤེས་རབ་ལ་རྣམ་པ་གཉིས་ཏེ།
D119.053.0149b03.01འཇིག་རྟེན་དང་། འཇིག་རྟེན་ལས་འདས་པའོ། །ཡང་རྣམ་པ་གསུམ་སྟེ། ཤེས་རབ་དང་། ལྷག་མཐོང་དང་། ཡེ་ཤེས་སོ། །ཤེས་རབ་ཅེས་བྱ་བ་ནི་སེམས་ཅན་ཐམས་ཅད་དོ། །ལྷག་མཐོང་ཞེས་བྱ་བ་ནི་འཕགས་པ་ཐམས་ཅད་དོ། །ཡེ་ཤེས་ཞེས་བྱ་བ་ནི་སངས་རྒྱས་དང་།
D119.053.0149b04.01བྱང་ཆུབ་སེམས་དཔའ་རྣམས་སོ། །གཞན་ཡང་ཤེས་རབ་ནི་ཐ་དད་པའི་མཚན་ཉིད་དོ། །ལྷག་མཐོང་ནི་སྤྱིའི་མཚན་ཉིད་དོ། །ཡེ་ཤེས་ནི་མཚན་ཉིད་རྣམ་པར་བཅོམ་པའོ། །ཡང་རྣམ་པ་བཞི་སྟེ། འདི་ལྟར་ཡང་དག་པའི་བདེན་པ་བཞིའོ། །རིགས་ཀྱི་བུ་དངོས་པོ་རྣམ་པ་
D119.053.0149b05.01གསུམ་གྱི་ཕྱིར་ཞི་གནས་སྒོམ་མོ། །གསུམ་གང་ཞེ་ན། བག་མེད་པ་མེད་པར་བྱ་བ་དང་། ཡེ་ཤེས་ཆེན་པོས་བཀོད་པ་དང་། དབང་པོ་ཐོབ་པར་བྱ་བའི་ཕྱིར་རོ། །གཞན་ཡང་དངོས་པོ་གསུམ་གྱི་ཕྱིར་ལྷག་མཐོང་སྒོམ་སྟེ། གསུམ་གང་ཞེ་ན། འཁོར་བའི་མི་དགེ་བའི་འབྲས་
D119.053.0149b06.01བུ་རྣམ་པར་སྨིན་པ་ལ་རྟོག་པ་དང་། དགེ་བའི་རྩ་བ་རྣམས་སྐྱེ་ཞིང་འཕེལ་བར་བྱ་བ་དང་། ཀུན་ནས་ཉོན་མོངས་པ་ཐམས་ཅད་གཞོམ་པའི་ཕྱིར་རོ། །སེང་གེ་སྒྲས་གསོལ་པ། བཅོམ་ལྡན་འདས་ཇི་ལྟར་མདོ་སྡེ་ལས་གསུངས་པ་ལྟར་ལྷག་མཐོང་གིས་ཉོན་མོངས་པ་ཆོམས་པར་འགྱུར་
D119.053.0149b07.01