完整藏文原文 · 德格版页 当前仅加载第 53 函德格 297b 版页；藏文 NFD、目录标记与异常页序保留在来源切片中，重复版页行以稳定序号区分。
ཉིད་ཀྱིས་རང་བཞིན་མི་འགྱུར་བ་ཞིག་ཡིན་ན་མིག་གི་རང་བཞིན་མཐོང་བ་ཡང་རྟག་ཏུ་མཐོང་བའི་རིགས་ཏེ། མཐོང་བ་དང་མི་མཐོང་བའི་དུས་ཀྱང་མེད་པའི་རིགས་སོ། །དེ་བས་ན་རྒྱུ་དང་རྐྱེན་གྱིས་མཐོང་གི་རྒྱུ་དང་རྐྱེན་མེད་པ་ལས་མ་ཡིན་པར་རིག་པར་བྱའོ། །རིགས་ཀྱི་
D119.053.0297b01.01བུ་ཁྱོད་སྨྲ་བ་ལྟར་འདོད་ཆགས་སྐྱེ་བ་དང་རྣམ་པར་གྲོལ་བ་ནི་ཡུལ་ལྔའི་རྒྱུ་ལས་མ་ཡིན་ནོ་ཞེས་བྱ་བ་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། རིགས་ཀྱི་བུ་འདོད་ཆགས་སྐྱེ་བ་དང་རྣམ་པར་གྲོལ་བ་ཡུལ་ལྔ་པོའི་རྒྱུ་ལས་མ་གྱུར་མོད་ཀྱི། །མི་དགེ་བ་རྣམ་པར་རྟོག་པའི་ཕྱིར་འདོད་ཆགས་
D119.053.0297b02.01སྐྱེའོ། །དགེ་བར་རྣམ་པར་རྟོགས་པའི་ཕྱིར་རྣམ་པར་གྲོལ་བར་འགྱུར་རོ། །རིགས་ཀྱི་བུ་ནང་གི་རྒྱུ་དང་རྐྱེན་གྱིས་འདོད་ཆགས་སྐྱེ་བ་དང་རྣམ་པར་གྲོལ་བར་འགྱུར་རོ། །ཕ་རོལ་གྱི་རྒྱུ་དང་རྐྱེན་གྱིས་སྐྱེ་ཞིང་རྒྱས་པར་འགྱུར་རོ། །དེ་བས་ན་ཁྱོད་ཆོས་ཐམས་ཅད་ལ་སོ་སོའི་རང་བཞིན་ཡོད་དེ་
D119.053.0297b03.01འདོད་ཆགས་སྐྱེ་བ་དང་རྣམ་པར་གྲོལ་བ་ཡང་ཡུལ་ལྔའི་རྒྱུ་ལས་མ་ཡིན་ཞེས་བྱ་བ་དེ་མི་རུང་ངོ་། །རིགས་ཀྱི་བུ་ཁྱོད་སྨྲ་བ་ལྟར་དབང་པོ་རྣམས་དང་ལྡན་པ་རྣམས་ནི་དབུལ་ཕོངས་ལ་དབང་ཡང་མེད། དབང་པོ་དང་མི་ལྡན་ཞིང་ཉམས་པ་ནི་ལོངས་སྤྱོད་ཆེ་ཞིང་དབང་དང་ལྡན་ཏེ། དེ་ལས་
D119.053.0297b04.01བལྟས་ན་རང་བཞིན་ཡོད་དེ་རྒྱུ་དང་རྐྱེན་ལས་མ་ཡིན་ནོ་ཞེས་བྱ་བ་དེ་མི་རུང་ངོ་། །དེ་ཅིའི་ཕྱིར་ཞེ་ན། སེམས་ཅན་ནི་ལས་ལས་འབྲས་བུ་རྣམ་པར་སྨིན་ཏེ། དེ་ལྟར་འབྲས་བུ་རྣམ་པར་སྨིན་པ་ཡང་རྣམ་པ་གསུམ་སྟེ། མངོན་སུམ་དུ་སྨིན་པ་དང་། སྐྱེས་ནས་སྨིན་པ་དང་ཕྱིས་སྨིན་པའོ། །དབུལ་
D119.053.0297b05.01ཕོངས་པ་དང་ཕྱུག་སྐྱིད་པ་དང་དབང་པོ་དང་ལྡན་པ་དང་མི་ལྡན་པ་ཡང་སོ་སོ་བ་ཡིན་ནོ། །རང་བཞིན་ཡོད་ན་དབང་པོ་དང་ལྡན་པ་ནི་ལོངས་སྤྱོད་ཆེ་བའི་རིགས། ལོངས་སྤྱོད་ཆེ་བ་ནི་དབང་པོ་དང་ལྡན་པའི་རིགས་སོ། །དེ་དེ་ལྟར་མ་གྱུར་པས་དེ་བས་ན་ངེས་པར་རང་བཞིན་མེད་དེ་རྒྱུ་དང་རྐྱེན་ལས་
D119.053.0297b06.01གྱུར་ཏོ། །རིགས་ཀྱི་བུ་ཁྱོད་སྨྲ་བ་ལྟར་འཇིག་རྟེན་ན་བྱིས་པ་ཤེད་མ་བྱེ་བ་ཡུལ་ལྔ་པོ་བྱེ་བྲག་མི་ཕྱེད་པས་བར་བར་ནི་ངུ་། བར་བར་ནི་དགོད་དེ། དེ་བས་ན་ཐམས་ཅད་ལ་རང་བཞིན་ཡོད་དེ་ཞེས་བྱ་བ་དེ་ཡང་མི་རུང་ངོ་། །དེ་ཅིའི་ཕྱིར་ཞེ་ན། ཇི་སྟེ་རང་བཞིན་ཡོད་ན་དགོད་པ་ཡང་རྟག་ཏུ་དགོད།
D119.053.0297b07.01