完整藏文原文 · 德格版页 当前仅加载第 53 函德格 330b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པ་མཐོང་བར་མི་འགྱུར་རོ་ཞེས་སྨྲས་ནས། འོད་སྲུང་གིས་བཅོམ་ལྡན་འདས་ལ་བསྟི་སྟང་བྱ་བའི་ཕྱིར། རྫུ་འཕྲུལ་གྱིས་ནམ་མཁའ་ལ་མ་སོང་གི །འཁོར་དང་བཅས་ཏེ་ལམ་དུ་ཞུགས་ནས། དེ་བཞིན་གཤེགས་པ་གང་ན་བར་མྱུར་དུ་ངུས་བཞིན་དུ་སོང་ནས་ཞག་
D119.053.0330b01.01བདུན་གྱིས་རྩྭ་མཆོག་གི་གྲོང་ཁྱེར་དུ་ཕྱིན་ཏོ། །གྲོང་ཁྱེར་གྱི་ཤར་སྒོར་བྲམ་ཟེ་ཞིག་ལྷའི་མེ་ཏོག་གཅིག་ཐོགས་ཏེ་འོངས་པ་དང་ཕྲད་ནས། འོད་སྲུང་གིས་དེ་ལ་ཀྱེ་ག་ལས་འོངས་ཞེས་དྲིས་སོ། །དེས་སྨྲས་པ། བདག་སངས་རྒྱས་མྱ་ངན་ལས་འདས་པ་ཞུགས་ལ་
D119.053.0330b02.01བཞེན་པའི་གནས་ནས་འོངས་སོ་ཞེས་སྨྲས་སོ། །འོད་སྲུང་གིས་མེ་ཏོག་འདི་དག་ག་ལས་རྙེད་ཅེས་དྲིས་ན་ཞུགས་ལ་བཞེན་པའི་གནས་སུ་ལྷའི་མེ་ཏོག་འདི་རྙེད་དོ་ཞེས་སྨྲས་སོ། །འོད་སྲུང་གིས་མེ་ཏོག་འདི་ཁོ་བོ་བསླང་ངོ་ཞེས་སྨྲས་ན་མི་རུང་ངོ་། །བདག་འདི་
D119.053.0330b03.01གཉེན་པ་རྣམས་བསྟེན་ཅིང་ཁྱིམ་དུ་མཆོད་པ་བྱར་འགྲོའོ་ཞེས་སྨྲས་སོ། །འོད་སྲུང་གིས་ཅུང་བལྟའོ་ཞེས་སྨྲས་ནས་ལག་གིས་བླངས་ཏེ། སྤྱི་བོ་ལ་བཞག་མ་ཐག་དེར་བརྒྱལ་ཏེ་ས་ལ་འགྱེལ་ཏོ། །རིང་ཞིག་ལོན་པ་དང་ཕྱིར་སངས་ནས་ངུས་ཏེ། དེ་བཞིན་གཤེགས་
D119.053.0330b04.01པའི་སྐུ་དཔེ་བྱད་བཟང་པོ་བརྒྱད་ཅུ་དང་ལྡན་པ། གསེར་བཙོ་མའི་ཁ་དོག་ལྟ་བུ་ད་ཕྱིན་ཆད་མི་མཐོང་ངོ་ཞེས་སྨྲས་ནས་འཁོར་དང་བཅས་ཏེ་གྲོང་ཁྱེར་རྩྭ་མཆོག་གི་བྱང་སྒོར་ཞུགས་ཏེ། གྲོང་ཁྱེར་གྱི་ནང་དུ་ཕྱིན་ནས་དགེ་སློང་གི་གནས་ཞིག་ཏུ་ཞུགས་ནས་དགེ་སློང་དག་
D119.053.0330b05.01ཅིག་འདུས་ཤིང་འཁོད་པ་དག་མཐོང་ངོ་། །དགེ་སློང་དེ་དག་གིས་འོད་སྲུང་ལ་ཁྱོད་ལམ་རིང་པོ་ནས་འོངས་ན་ཉོན་མོངས་ཤིང་མི་བདེ་བར་མ་གྱུར་ཏམ། བདེ་བར་འདུག་ལ་བསོད་སྙོམས་སྡོད་ཅིག་ཅེས་སྨྲས་སོ། འོད་སྲུང་གིས་སྨྲས་པ། ཁོ་བོའི་སྟོན་པ་ཆེན་པོ་མྱ་ངན་
D119.053.0330b06.01ལས་འདས་ན། བདག་བྲོད་པ་ཅི་ཞིག་ཡོད་དེ། འདིར་བདེ་བར་འདུག་ཅིང་བསོད་སྙོམས་བསྡད་དུ་རུང་ངམ། དགེ་སློང་རྣམས་ཀྱིས་སྨྲས་པ། ཁྱོད་ཀྱི་སྟོན་པ་སུ་ཡིན། འོད་སྲུང་གིས་སྨྲས་པ། ཅི་ཁྱེད་མི་ཤེས་སམ། ཀྱི་ཧུད་བདག་གི་སྟོན་པ་ནི་སངས་རྒྱས་བཅོམ་
D119.053.0330b07.01