完整藏文原文 · 德格版页 当前仅加载第 53 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན། འདུ་ཤེས་ཆད་པའོ། །སེམས་ཅན་གྱི་འདུ་ཤེས་མི་རྟག་མོད་ཀྱི། འདུ་ཤེས་རིམ་གྱིས་གཅིག་གིས་གཅིག་བསབས་ཏེ་རྒྱུན་མི་འཆད་པས་དེ་བཞིན་གཤེགས་པའི་འདུ་ཤེས་ཐེར་ཟུག་རྟག་པ་ཐོབ་བོ། །རིགས་ཀྱི་བུ་དཔེར་ན་སེམས་ཅན་གྱི་
D119.053.0174a01.01རྟེན་ཅིང་འབྲེལ་ཏེ་འབྱུང་བ་བཅུ་གཉིས་དང་མཚུངས་ཏེ། སེམས་ཅན་ནི་འགོག་མོད་ཀྱི། རྟེན་ཅིང་འབྲེལ་ཏེ་འབྱུང་བ་བཅུ་གཉིས་ནི་རྟག་པ་ལྟར་སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲ་སྟེ། དེ་བས་ན་འདུ་ཤེས་ནི་སངས་རྒྱས་ཀྱི་རང་བཞིན་ནོ་ཞེས་སྨྲའོ། །དེ་ལ་
D119.053.0174a02.01ཁ་ཅིག་ནི་འདི་སྐད་དུ་འདུ་བྱེད་ནི་སངས་རྒྱས་ཀྱི་རང་བཞིན་ནོ་ཞེས་ཟེར་རོ། །དེ་ཅིའི་ཕྱིར་ཞེ་ན། འདུ་བྱེད་ནི་འཚོ་བའི་སྲོག་ཅེས་བྱ་སྟེ། སྲོག་གི་རྒྱུ་དང་རྐྱེན་གྱིས་དེ་བཞིན་གཤེགས་པའི་སྐུ་ཚེ་རྟག་ཏུ་གནས་པ་ཐོབ་པར་འགྱུར་རོ། །སེམས་ཅན་གྱི་སྲོག་མི་རྟག་མོད་ཀྱི། འཚོ་བའི་
D119.053.0174a03.01སྲོག་རིམ་གྱིས་གཅིག་གིས་གཅིག་བསབས་ཤིང་རྒྱུན་མི་འཆད་པས་དེ་བཞིན་གཤེགས་པའི་ཡང་དག་པའི་སྐུ་ཚེ་རྟག་པ་ཐོབ་པ་སྟེ། རིགས་ཀྱི་བུ་དཔེར་ན། མདོ་སྡེ་སྡེ་བཅུ་གཉིས་ལ་མཉན་པ་དང་། འཆད་པ་དང་། གཉིས་ཀ་ནི་མི་རྟག་མོད་ཀྱི། མདོ་སྡེ་ཉིད་རྟག་ཏུ་གནས་
D119.053.0174a04.01ཤིང་མི་འགྱུར་བ་ལྟར་སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲ་བས་ན། དེའི་ཕྱིར་འདུ་བྱེད་ནི་སངས་རྒྱས་ཀྱི་རང་བཞིན་ནོ་ཞེས་སྨྲའོ། །དེ་ལ་ཁ་ཅིག་ནི་འདི་སྐད་དུ་རྣམ་པར་ཤེས་པ་ནི་སངས་རྒྱས་ཀྱི་རང་བཞིན་ནོ་ཞེས་ཟེར་རོ། །དེ་ཅིའི་ཕྱིར་ཞེ་ན། རྣམ་པར་ཤེས་
D119.053.0174a05.01པའི་རྒྱུ་དང་རྐྱེན་གྱིས་དེ་བཞིན་གཤེགས་པའི་ཐུགས་མཉམ་པ་ཐོབ་སྟེ། སེམས་ཅན་གྱི་ཡིད་ཀྱི་རྣམ་པར་ཤེས་པ་མི་རྟག་མོད་ཀྱི། རྣམ་པར་ཤེས་པ་དེ་གཅིག་གིས་གཅིག་བསབས་ཤིང་རྒྱུན་མི་འཆད་པས་དེ་བཞིན་གཤེགས་པའི་ཡང་དག་པའི་ཐུགས་རྟག་པ་ཐོབ་པར་འགྱུར་
D119.053.0174a06.01རོ། །དཔེར་ན་མེས་ཚོས་པར་བྱེད་པ་དང་འདྲ་སྟེ། མེ་མི་རྟག་པ་ཡིན་ཡང་ཚོས་པ་ནི་མི་རྟག་པ་མ་ཡིན་པ་ལྟར་སེམས་ཅན་གྱི་སངས་རྒྱས་ཀྱི་རང་བཞིན་ཡང་དེ་དང་འདྲ་སྟེ། དོན་དེ་ལྟ་བས་ན་རྣམ་པར་ཤེས་པ་ནི་སངས་རྒྱས་ཀྱི་རང་བཞིན་ནོ་ཞེས་སྨྲའོ། །དེ་ལ་ཁ་ཅིག་ནི་འདི་སྐད་
D119.053.0174a07.01