完整藏文原文 · 德格版页 当前仅加载第 53 函德格 274a 版页；藏文 NFD、目录标记与异常页序保留在来源切片中，重复版页行以稳定序号区分。
འགའ་ནི་ངའི་ལུས་འདི་འགགས་པ་ན་མྱ་ངན་ལས་འདས་པ་ཡིན་ནོ་ཞེས་སྨྲ་སྟེ། དགེ་སྦྱོང་གཽ་ཏ་མ་སྨྲའོ་ཅོག་ནི་སྨྱོན་པ་དང་འདྲ་ན། དེ་ལ་ཡིད་ཆེས་ཤིང་མི་དགར་ཡང་ཅི་ཞིག་ཡོད། བྲམ་ཟེ་རྣམས་ཀྱིས་དེ་ལ་འདི་སྐད་ཅེས་སྨྲས་སོ། །སྐྱེས་བུ་ཆེན་པོ་ད་
D119.053.0274a01.01བདག་ཅག་གིས་མྱ་ངན་མི་བྱ་བའི་གཏོལ་ག་ལ་ཞིག་ཡོད། དགེ་སྦྱོང་གཽ་ཏ་མ་སྔོན་རབ་ཏུ་བྱུང་ནས། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་ལ་སོགས་པ་བསྟན་པས་བདག་ཅག་གི་ཉེ་གནས་རྣམས་ཀྱིས་ཐོས་ནས་ཤིན་ཏུ་འཇིགས་པ་སྐྱེས་ཏེ།
D119.053.0274a02.01ཇི་ལྟར་ན་སེམས་ཅན་དག་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། ཡོངས་སུ་མ་དག་པ་ཡིན་ནོ་ཞེས་དེའི་ཚིག་ལ་ཡིད་མ་ཆེས་སོ། །ད་དགེ་སྦྱོང་གཽ་ཏ་མས་ཤིང་སཱ་ལའི་ཚལ་འདིར་འཁོར་གྱི་དཀྱིལ་འཁོར་མང་པོ་ལ་རྟག་པ་དང་། བདེ་བ་དང་། བདག་
D119.053.0274a03.01དང་ཡོངས་སུ་དག་པའི་ཆོས་ཡོད་དོ་ཞེས་བསྟན་པས། བདག་ཅག་གི་ཉེ་གནས་རྣམས་ཀྱིས་དེ་སྐད་ཅེས་ཐོས་ནས། བདག་ཡོངས་སུ་སྤངས་ཏེ། དགེ་སྦྱོང་གཽ་ཏ་མའི་ཚིག་ལ་ཡིད་ཆེས་པར་གྱུར་པས། དེའི་རྒྱུ་དེའི་རྐྱེན་གྱིས་མྱ་ངན་ཆེན་པོ་སྐྱེས་པར་གྱུར་ཏོ། །དེའི་ཚེ་ན་
D119.053.0274a04.01གཞན་ཡང་བྲམ་ཟེ་གཅིག་ཅིག་དེ་དག་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་དག་ལེགས་པར་ཉོན་ཅིག་ལེགས་པར་ཉོན་ཅིག །དགེ་སྦྱོང་གཽ་ཏ་མ་ཐུགས་རྗེ་དང་ལྡན་ནོ་ཞེས་བྱའི་ཚིག་{བརྫུན་,རྫུན་}ཏེ་ཡང་དག་པ་མ་ཡིན་ནོ། །གལ་ཏེ་ཐུགས་རྗེ་དང་ལྡན་ན་ཅིའི་ཕྱིར་བདག་ཅག་གི་
D119.053.0274a05.01སློབ་མ་བདག་ཅག་གི་ཆོས་ཀྱིས་སྙིང་རྗེའི་འབྲས་བུ་ཐོབ་པ་ཡང་ཕ་རོལ་གྱི་རྗེས་སུ་འགྲོ་བར་ཡིད་བསྒྱུར་ཏེ། བདག་གི་བསམ་པ་དང་འགལ་བར་མཛད་པས། ཐུགས་རྗེ་དང་ལྡན་པ་ཞེས་བྱར་མི་རུང་ངོ་། །དེ་ལ་གང་ཞིག་དགེ་སྦྱོང་གཽ་ཏ་མ་ལ་འཇིག་རྟེན་གྱི་ཆོས་བརྒྱད་ཀྱིས་
D119.053.0274a06.01མ་གོས་སོ་ཞེས་སྨྲ་ན་དེ་ཡང་{བརྫུན་,རྫུན་}དུ་སྨྲ་བ་ཡིན་ནོ། །གལ་ཏེ་དགེ་སྦྱོང་གཽ་ཏ་མ་འདི་འདོད་པ་ཉུང་ཞིང་ཆོག་ཤེས་པའོ་ཞེས་སྨྲ་ན་ཅིའི་ཕྱིར་བདག་ཅག་གི་རྙེད་པ་ལ་སོགས་པ་འཕྲོག་པར་འགྱུར། གལ་ཏེ་དགེ་སྦྱོང་གཽ་ཏ་མ་འདི་ཆོ་རིགས་ཆེ་བ་ཡིན་ནོ་ཞེས་སྨྲ་ན་ཡང་{བརྫུན་,རྫུན་}དུ་
D119.053.0274a07.01