完整藏文原文 · 德格版页 当前仅加载第 53 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡོག་པའི་སེམས་མེད་པར་གྱུར་ཏོ། །ཕྱིར་ལྡོག་པ་མེད་པས་གོང་ནས་གོང་དུ་འཕར་རོ། །གོང་ནས་གོང་དུ་འཕར་བས་ཕ་རོལ་གྱི་འགྲམ་དུ་ཕྱིན་ཏེ། རི་མཐོན་པོར་འཛེགས་ནས་འཇིགས་པའི་དགྲ་རྣམས་སྤངས་ཏེ་བདེ་བ་མང་པོ་མྱོང་བར་གྱུར་ཏོ། །རིགས་ཀྱི་བུ་ཕ་རོལ་གྱི་འགྲམ་
D119.053.0170b01.01དུ་ཕྱིན་པ་ཞེས་བྱ་བ་ནི་དེ་བཞིན་གཤེགས་པའོ། །བདེ་བ་མྱོང་བ་ཞེས་བྱ་བ་ནི་སངས་རྒྱས་རྟག་པའོ། །རི་མཐོན་པོར་གནས་པ་ཞེས་བྱ་བ་ནི་ཡོངས་སུ་མྱ་ངན་ལས་འདས་པ་ཆེན་པོའི་དཔེའོ། །རིགས་ཀྱི་བུ་གང་གཱའི་ཀླུང་གི་མི་དེ་དག་ཀུན་ལ་རྐང་ལག་དང་ལྡན་མོད་ཀྱི། རྒལ་
D119.053.0170b02.01མི་ནུས་པ་ལྟར་སེམས་ཅན་ཐམས་ཅད་ཀྱང་དེ་དང་འདྲ་སྟེ། ཡང་དག་པར་སངས་རྒྱས་དཀོན་མཆོག་དང་། ཆོས་དཀོན་མཆོག་དང་། དགེ་འདུན་དཀོན་མཆོག་ཡོད་ལ། དེ་བཞིན་གཤེགས་པས་ཀྱང་ཆོས་རྣམས་ཀྱི་མདོ་འཕགས་པའི་ལམ་ཡན་ལག་བརྒྱད་དང་། ཡོངས་
D119.053.0170b03.01སུ་མྱ་ངན་ལས་འདས་པ་ཆེན་པོ་བསྟན་མོད་ཀྱི། སེམས་ཅན་རྣམས་ཀྱིས་ཐོབ་པར་མི་ནུས་ཏེ། འདི་ནི་ངས་ཀྱང་མ་ཉེས་ལ་འཕགས་པའི་ལམ་གྱིས་ཀྱང་མ་ཉེས་ཏེ། སེམས་ཅན་རྣམས་ཀྱི་སྐྱོན་དང་ཉོན་མོངས་པ་རྣམས་ཀྱིས་ཉེས་པར་གྱུར་པར་རིག་པར་བྱའོ། །དོན་དེ་ལྟ་བས་ན་
D119.053.0170b04.01སེམས་ཅན་ཐམས་ཅད་ཀྱིས་མྱ་ངན་ལས་འདས་པ་མ་ཐོབ་བོ། །རིགས་ཀྱི་བུ་དཔེར་ན་སྨན་པ་མཁས་པས་ནད་ཀྱི་དངོས་པོ་རིག་ནས་སྨན་སྟོན་ཏེ། ནད་པས་མ་འཐུངས་ན་སྨན་པས་ཉེས་པ་མ་ཡིན་ནོ། །རིགས་ཀྱི་བུ་གལ་ཏེ་སྦྱིན་བདག་གཅིག་གིས་ནོར་ཅི་བདོག་པ་ཐམས་ཅད་མི་
D119.053.0170b05.01ཐམས་ཅད་ལ་བྱིན་པ་ལས་ཁ་ཅིག་གིས་མ་བླངས་ན་སྦྱིན་བདག་གིས་ཉེས་པ་མ་ཡིན་ནོ། །རིགས་ཀྱི་བུ་དཔེར་ན་ཉི་མ་ཤར་བ་ན་གྲག་གྲོག་ཟབ་མོ་ཐམས་ཅད་ཀྱང་སྣང་བར་གྱུར་ལ། དམུས་ལོང་གིས་ལམ་མི་མཐོང་བ་ནི་ཉི་མས་མ་ཉེས་སོ། །རིགས་ཀྱི་བུ་དཔེར་ན་གང་གཱའི་
D119.053.0170b06.01ཀླུང་གི་ཆུས་སྐོམ་པ་མང་པོ་ངོམས་པར་ནུས་སོ། །སྐོམ་པ་དག་མ་འཐུངས་ན་ཆུས་མ་ཉེས་སོ། །རིགས་ཀྱི་བུ་དཔེར་ན་ས་ཆེན་པོས་ནི་འབྲས་བུ་ཐམས་ཅད་མཉམ་པར་སྐྱེད་དེ་གཉིས་སུ་མེད་ན། ཞིང་པས་མ་རྨོས་པ་ནི་སས་མ་ཉེས་སོ། །རིགས་ཀྱི་བུ་དེ་བཞིན་གཤེགས་
D119.053.0170b07.01