完整藏文原文 · 德格版页 当前仅加载第 53 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
པར་ལྟ་བ་ལགས་སོ་ཞེས་གསུངས། བར་བར་ནི་མདོ་སྡེ་སྡེ་བཅུ་གཉིས་ལགས་སོ་ཞེས་གསུངས། བར་བར་ནི་བདེན་པ་གཉིས་ལགས་སོ་ཞེས། ང་ཡང་འདིར་ཡོངས་སུ་དག་པའི་ཚངས་པར་སྤྱོད་པ་ནི་ཆོས་ཐམས་ཅད་དོ་ཞེས་གསུངས་ན་གང་དག་ལ་
D119.053.0259a01.01སོགས་པ་ལ་ཆོས་ཐམས་ཅད་ཅེས་བགྱི། བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ཤིན་ཏུ་ལེགས་སོ། །རིགས་ཀྱི་བུ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་དམ་པའི་ཆོས་འདི་ནི་ཆོས་ཐམས་ཅད་ཀྱི་རིན་པོ་ཆེའི་གཏེར་ཞེས་བྱའོ། །དཔེར་ན་རྒྱ་
D119.053.0259a02.01མཚོ་ནི་རིན་པོ་ཆེ་ཐམས་ཅད་ཀྱི་འབྱུང་གནས་ཡིན་པ་དང་འདྲ་བར། ཡོངས་སུ་མྱ་ངན་ལས་འདས་པའི་མདོ་སྡེ་འདི་ཡང་དེ་དང་འདྲ་སྟེ། ཚིག་གི་དོན་ཐམས་ཅད་ཀྱི་དགོངས་ཏེ་གསུངས་པའི་སྙིང་པོའོ། །རིགས་ཀྱི་བུ་དཔེར་ན་རི་རབ་རིའི་རྒྱལ་པོ་ནི་སྨན་མང་པོ་ཐམས་ཅད་ཀྱི་
D119.053.0259a03.01འབྱུང་གནས་ཡིན་པ་དང་འདྲ་བར། མདོ་སྡེ་འདི་ཡང་དེ་དང་འདྲ་སྟེ། བྱང་ཆུབ་སེམས་དཔའི་ཚུལ་ཁྲིམས་ཀྱི་འབྱུང་གནས་ཡིན་ནོ། །རིགས་ཀྱི་བུ་དཔེར་ན་ནམ་མཁའ་ནི་དངོས་པོ་ཐམས་ཅད་ཀྱི་གནས་ཡིན་པ་ལྟར། མདོ་སྡེ་འདི་ཡང་དེ་དང་འདྲ་སྟེ། དགེ་བའི་ཆོས་
D119.053.0259a04.01ཐམས་ཅད་ཀྱི་གནས་ཡིན་ནོ། །རིགས་ཀྱི་བུ་དཔེར་ན་རླུང་དྲག་པོ་ནི་སུས་ཀྱང་བཅིང་མི་ནུས་པ་ལྟར། བྱང་ཆུབ་སེམས་དཔའ་མདོ་སྡེ་འདི་ལ་ནན་ཏན་བྱེད་པ་ཐམས་ཅད་ཀྱང་དེ་དང་འདྲ་སྟེ། ཉོན་མོངས་པའི་མི་དགེ་བའི་ཆོས་ཐམས་ཅད་ཀྱིས་འཆིང་མི་ནུས་སོ། །རིགས་ཀྱི་བུ་དཔེར་
D119.053.0259a05.01ན་རྡོ་རྗེ་ལ་ཅིས་ཀྱང་མི་ཚུགས་པ་ལྟར་མདོ་སྡེ་འདི་ཡང་དེ་དང་འདྲ་བར་མུ་སྟེགས་ཅན་ངན་པར་ལྟ་བ་མང་དུ་ཡོད་ཀྱང་རྣམ་པར་གཞིག་མི་ནུས་སོ། །རིགས་ཀྱི་བུ་དཔེར་ན་གང་གཱའི་ཀླུང་གི་བྱེ་མ་ནི་སུས་ཀྱང་འགྲང་མི་ནུས་པ་ལྟར་མདོ་སྡེ་འདིའི་དོན་ཡང་དེ་དང་འདྲ་སྟེ། སུས་ཀྱང་བགྲང་མི་ནུས་
D119.053.0259a06.01སོ། །རིགས་ཀྱི་བུ་མདོ་སྡེ་འདི་ནི་བྱང་ཆུབ་སེམས་དཔའ་རྣམས་ཀྱི་ཆོས་ཀྱི་རྒྱལ་མཚན་དུ་འགྱུར་ཏེ། བརྒྱ་བྱིན་ལྷའི་དབང་ཕྱུག་གི་རྒྱལ་མཚན་དང་འདྲའོ། །རིགས་ཀྱི་བུ་མདོ་སྡེ་འདི་ནི་ཡོངས་སུ་མྱ་ངན་ལས་འདས་པ་ཆེན་པོའི་གྲོང་ཁྱེར་དུ་འགྲོ་བའི་ཚོང་དཔོན་ལྟ་བུ་སྟེ། ཇི་ལྟར་
D119.053.0259a07.01