完整藏文原文 · 德格版页 当前仅加载第 53 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་ལ། ཨ་མ་ལེ། བི་མ་ལེ། ནིར་མ་ལེ། མུ་ག་ལེ། ཧེ་མ་ལ་ཛ་གརྦེ། ས་མན་ཏ་བྷ་དྲེ། ཤ་བ་ཐ། ས་དན་ནེ། པ་ར་མ་ཨརྠ་སཱ་དྷ་ནེ། མ་ན་སེ། ཨ་ཤུད་ངྷེ། བི་ལ་གི །ཨ་མ་ལེ་ཏེ། བ་ལམ་མི། བ་ལམ་བ་སྭ་རེ། པུ་ཎྱེ་པུ་ཎྱེ། མ་ནོ་ལ་དཻ། དེའི་ཚེ་འཇམ་
D119.053.0304a01.01དཔལ་གཞོན་ནུར་གྱུར་པས་བཅོམ་ལྡན་འདས་ལས་གཟུངས་དེ་མནོས་ནས་དགའ་བོ་གང་ན་བར་སོང་སྟེ་བདུད་རྣམས་ལ་འདི་སྐད་ཅེས་སྨྲས་སོ། །བདུད་ཀྱི་འཁོར་ཁྱོད་ལེགས་པར་ཉོན་ཅིག །ངས་བཅོམ་ལྡན་འདས་ལས་མནོས་པའི་གཟུངས་བརྗོད་པར་བྱའོ་ཞེས་སྨྲས་སོ། །
D119.053.0304a02.01བདུད་ཀྱི་རྒྱལ་པོས་གཟུངས་འདི་ཐོས་མ་ཐག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། བདུད་ཀྱི་ལས་ཡོངས་སུ་སྤངས་ནས་དགའ་བོ་ཡང་བཏང་ངོ་། །འཇམ་དཔལ་གཞོན་ནུ་དགའ་བོ་དང་བཅས་ཏེ་ཕྱིར་སངས་རྒྱས་གང་ན་བར་འོངས་ནས་ཕྱིན་པ་དང་།
D119.053.0304a03.01དགའ་བོས་སངས་རྒྱས་ལ་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཤིང་སཱ་ལའི་ཚལ་གྱི་ཕྱི་རོལ་ན་ཀུན་ཏུ་རྒྱུ་ཤིན་ཏུ་བཟང་པོ་ཞེས་བྱ་བ་ལོ་བརྒྱ་ཉི་ཤུ་ལོན་ཏེ་རྒས་ཤིང་འཁོགས་པ། མངོན་པར་
D119.053.0304a04.01ཤེས་པ་ལྔ་ཐོབ་ཀྱང་ང་རྒྱལ་མ་བཏང་སྟེ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ཀྱི་ཏིང་ངེ་འཛིན་ཐོབ་ནས་ཐམས་ཅད་མཁྱེན་པའི་ཡེ་ཤེས་སུ་བཟུང་སྟེ། མྱ་ངན་ལས་འདའ་བར་འདུ་ཤེས་སོ། །ཁྱོད་སོང་ལ་ཤིན་ཏུ་བཟང་པོ་ལ་འདི་སྐད་ཅེས་བསྒོ་ཤིག །དེ་བཞིན་
D119.053.0304a05.01གཤེགས་པ་འཇིག་རྟེན་དུ་བྱུང་བ་ནི་མེ་ཏོག་ཨུ་དུམ་བཱ་ར་དང་འདྲ་སྟེ། དོ་ནུབ་ནམ་གྱི་གུང་ལ་ཡོངས་སུ་མྱ་ངན་ལས་འདའ་བར་གཤེགས་ཀྱིས། བྱ་བ་ཡོད་ན་དུས་ལ་བབ་ཀྱིས་ཕྱིས་འགྱོད་པའི་སེམས་སྐྱེས་ས་རེ་ཞེས་གྱིས་ཤིག །དགའ་བོ་ཁྱོད་ཀྱིས་བསྒོ་ན་གདོན་མི་ཟ་བར་ཉན་
D119.053.0304a06.01པར་འགྱུར་རོ། །དེ་ཅིའི་ཕྱིར་ཞེ་ན། ཁྱོད་སྔོན་སྐྱེ་བ་ལྔ་བརྒྱའི་བར་དུ་ཤིན་ཏུ་བཟང་པོའི་བུར་སྐྱེས་ཏེ། དགའ་ཞིང་འདོད་པའི་བག་ཆགས་ད་དུང་མ་ཟད་པས། དེ་བས་ན་ཁྱོད་ཀྱིས་བསྒོ་བའི་ཚིག་ཉན་པར་འགྱུར་རོ། །དེ་ནས་དགའ་བོ་སངས་རྒྱས་ཀྱི་བཀའ་བཞིན་དུ་ཤིན་ཏུ་བཟང་པོ་གང་ན་བར་སོང་
D119.053.0304a07.01