完整藏文原文 · 德格版页 当前仅加载第 53 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
སྨྲ་བ་ཡིན་ནོ། །དེ་ཅིའི་ཕྱིར་ཞེ་ན། གནའ་ནས་{རི་དགས་,རི་དྭགས་}ཀྱི་རྒྱལ་པོ་སེང་གེ་ནི་བྱི་བ་ཆུང་ངུ་གསོད་དོ་ཞེས་མ་ཐོས་མ་མཐོང་ངོ་། །གལ་ཏེ་དགེ་སྦྱོང་གཽ་ཏ་མ་འདི་ཆོ་རིགས་ཆེ་བ་ཡིན་ན་ཅིའི་ཕྱིར་བདག་ཅག་ལ་སོགས་པ་ལ་ཡོངས་སུ་འཚེ་བར་བྱེད། གལ་ཏེ་དགེ་སྦྱོང་གཽ་ཏ་
D119.053.0274b01.01མ་ལ་མཐུ་ཆེན་པོ་དང་ལྡན་ནོ་ཞེས་སྨྲ་ན། དེ་ཡང་{བརྫུན་,རྫུན་}དུ་སྨྲ་བ་ཡིན་ནོ། །དེ་ཅིའི་ཕྱིར་ཞེ་ན། གནའ་ནས་ནམ་མཁའ་ལྡིང་གི་རྒྱལ་པོ་ནི་བྱ་ཁྭ་སྐེགས་དང་འཐབ་བོ་ཞེས་མ་ཐོས་མ་མཐོང་ངོ་། །གལ་ཏེ་མཐུ་ཆེ་བ་ཞིག་ཡིན་ན་ཅིའི་ཕྱིར་བདག་ཅག་དང་རྩོད་པར་གྱུར། གལ་ཏེ་
D119.053.0274b02.01དགེ་སྦྱོང་གཽ་ཏ་མ་ནི་ཕ་རོལ་གྱི་སེམས་ཤེས་པའི་ཐུགས་དང་ལྡན་ནོ་ཞེས་སྨྲ་ན་དེ་ཡང་{བརྫུན་,རྫུན་}དུ་སྨྲ་བ་ཡིན་ནོ། །དེ་ཅིའི་ཕྱིར་ཞེ་ན། གལ་ཏེ་ཡེ་ཤེས་དེ་དང་ལྡན་ན་ཅིའི་ཕྱིར་བདག་ཅག་གིས་བསམས་པའི་སེམས་མི་ཤེས། ཀྱེ་སྐྱེས་བུ་དག་བདག་གིས་སྔོན་རྒན་རབས་མཁས་
D119.053.0274b03.01ལས་འདི་སྐད་ཅེས་ཐོས་སོ། །ད་སྟེ་ལོ་བརྒྱ་འདས་ན་སྒྱུ་མ་སྒྱུ་ཅན་ཞིག་འབྱུང་བ་ནི་དགེ་སྦྱོང་གཽ་ཏ་མ་ལ་བྱ་སྟེ། སྒྱུ་མ་སྒྱུ་ཅན་འདི་ནི་རིང་པོར་མི་ཐོགས་པར་ཤིང་སཱ་ལའི་ཚལ་འདིར་མེད་པར་འགྱུར་གྱིས་ཁྱེད་ལ་སོགས་པ་མྱ་ངན་མ་བྱེད་ཅིག །དེའི་ཚེ་ན་གཞན་ཡང་གཅེར་བུ་པ་
D119.053.0274b04.01དེ་ལ་འདི་སྐད་ཅེས་སྨྲས་སོ། །ཀྱེ་སྐྱེས་བུ་བདག་ཅག་མྱ་ངན་བྱེད་པ་ནི་བདག་གི་ལུས་ཀྱི་ཕྱིར་རམ། ཉེ་གནས་དང་། རྙེད་པ་དང་། གྲགས་པའི་ཕྱིར་མ་ལགས་ཀྱི། འཇིག་རྟེན་པ་གཏི་མུག་གི་མུན་པས་ཁེབས་པར་གྱུར་ཏེ། བསོད་ནམས་ཀྱི་ཞིང་དང་བསོད་ནམས་ཀྱི་ཞིང་
D119.053.0274b05.01མ་ཡིན་པ་མི་ཤེས་ནས་སྔོན་གྱི་རྒན་རབས་ཤེས་པ་དང་ལྡན་པའི་བྲམ་ཟེ་ནི་ཡོངས་སུ་སྤངས་ནས་ཤིན་ཏུ་ན་གཞོན་ཞིང་ཤེས་པ་མེད་པ་ལ་མཆོད་པར་གྱུར་པས་བདག་ཅག་མྱ་ངན་བྱེད་དོ། །དགེ་སྦྱོང་གཽ་ཏ་མ་ནི་རིག་སྔགས་ལ་མཁས་ཏེ་རིག་སྔགས་ལ་མཁས་པའི་རྐྱེན་གྱིས་ལུས་
D119.053.0274b06.01གཅིག་ལ་ལུས་ཚད་མེད་པ་སྙེད་དུ་སྤྲུལ་ཅིང་ལུས་ཚད་མེད་པ་སྙེད་ལས་ཀྱང་ལུས་གཅིག་ཏུ་སྤྲུལ་ཏོ། །ལུས་དེ་ཉིད་ཀྱིས་སྐྱེས་པ་དང་བུད་མེད་དང་། བ་ལང་དང་། ལུག་དང་། བལ་གླང་དང་། རྟའི་གཟུགས་སུ་སྤྲུལ་ཏེ། དེ་ཡང་བདག་གི་མཐུས་དེའི་རིག་སྔགས་ཀྱི་
D119.053.0274b07.01