完整藏文原文 · 德格版页 当前仅加载第 53 函德格 287b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་ཅིང་སྨྲ་བ་སུ་ལགས། བཅོམ་ལྡན་འདས་ཀྱིས་བཀའ་སྩལ་པ། སྲེད་པ་དང་མ་རིག་པའི་རྐྱེན་གྱིས་ལས་སྐྱེས་སོ། །ལས་ལས་སྲེད་པ་སྐྱེས་སོ། །སྲེད་པ་ལས་ཚད་མེད་པའི་སེམས་ལས་བྱུང་བ་སྐྱེས་སོ། །སེམས་ཀྱིས་རྣམ་པར་རྟོག་པ་བསྐྱེད་དོ། །རྣམ་པར་རྟོག་པས་
D119.053.0287b01.01རླུང་བསྐྱེད་དོ། །རླུང་སེམས་ལ་རེག་ནས་དཀན་དང་། ལྕེ་དང་། མཆུ་དང་། སེམས་ཅན་གྱི་འདུ་ཤེས་ཕྱིན་ཅི་ལོག་ལས་སྒྲ་བྱུང་བས་བདག་གིས་བྱས། བདག་གིས་མྱོང་། བདག་གིས་མཐོང་། བདག་གིས་ཐོས་སོ་ཞེས་སྨྲའོ། །རིགས་ཀྱི་བུ་དཔེར་ན་རྒྱལ་མཚན་གྱི་རྩེ་མོ་ལ་དྲིལ་བུ་
D119.053.0287b02.01བཏགས་ན་རླུང་གི་དབང་གིས་སྒྲ་འབྱུང་ངོ་། །རླུང་ཆེ་ན་སྒྲ་ཡང་ཆེ། རླུང་ཆུང་ན་སྒྲ་ཡང་ཆུང་སྟེ་བྱེད་པ་ནི་མེད་དོ། །རིགས་ཀྱི་བུ་འདི་ལྟ་སྟེ་དཔེར་ན་ལྕགས་བསྲེགས་པ་ཆུའི་ནང་དུ་བཅུག་ན་སྒྲ་རྣམ་པ་སྣ་ཚོགས་འབྱུང་ངོ་། །དེ་ལ་ཡང་དག་པར་ན་བྱེད་པ་ཞེས་བྱ་བ་མེད་དོ། །རིགས་ཀྱི་བུ་བུས་པ་མ་
D119.053.0287b03.01རབས་ཀྱིས་ནི་དངོས་པོ་འདི་ལྟ་བུ་དག་རྣམ་པར་རྟོག་ཀྱང་བྱེ་བྲག་མི་ཕྱེད་པས། བདག་དང་། བདག་གི་བ་དང་། བདག་གིས་བྱས་པ་དང་། བདག་གིས་མྱོང་ངོ་ཞེས་སྨྲའོ། །ས་ནིས་གསོལ་པ། གཽ་ཏ་མ་བདག་དང་བདག་གི་བ་མཆིས་ན། ཅིའི་སླད་དུ་རྟག་པ་དང་། བདེ་བ་དང་། བདག་
D119.053.0287b04.01དང་། ཡོངས་སུ་དག་པ་མ་མཆིས་སོ་ཞེས་གསུངས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ངས་ནི་ཕྱི་ནང་གི་སྐྱེ་མཆེད་དྲུག་དང་། རྣམ་པར་ཤེས་པ་དྲུག་ལ་རྟག་པ་དང་། བདེ་བ་དང་། བདག་དང་། ཡོངས་སུ་དག་པའོ་ཞེས་མ་གསུངས་ཀྱི། ངས་ནི་ཕྱི་ནང་གི་
D119.053.0287b05.01སྐྱེ་མཆེད་དྲུག་དང་། རྣམ་པར་ཤེས་པ་དྲུག་འགགས་པ་ལ་རྟག་པ་ཞེས་བྱའོ། །དེ་ལྟར་རྟག་པས་ན་བདག་ཅེས་བྱའོ། །རྟག་པ་དང་བདག་ཡིན་པའི་ཕྱིར་བདེ་བ་ཞེས་བྱའོ། །རྟག་པ་དང་བདག་དང་བདེ་བའི་ཕྱིར་ཡོངས་སུ་དག་པ་ཞེས་བྱའོ། །རིགས་ཀྱི་བུ་སོ་སོའི་སྐྱེ་བོ་དག་ནི་སྡུག་
D119.053.0287b06.01བསྔལ་མི་འདོད་དེ། སྡུག་བསྔལ་གྱི་རྒྱུར་གྱུར་པ་ཡོངས་སུ་བཅད་ནས་སྤོང་བའི་དབང་དུ་གྱུར་པས་བདག་ཅེས་བྱའོ། །དེ་བས་ན་ངས་ནི་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་ཞེས་བྱའོ་ཞེས་གསུངས་སོ། །ས་ནིས་གསོལ་པ། བཅོམ་ལྡན་འདས་ཐུགས་རྗེ་ཆེན་
D119.053.0287b07.01