完整藏文原文 · 德格版页 当前仅加载第 53 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིན་ཏུ་བརྙས་པར་བྱེད། རྒྱལ་པོས་སྨྲས་པ། ཀྱེ་སྐྱེས་བུ་དག་གལ་ཏེ་བདག་གི་སྨྲ་བ་ལ་ཡིད་མི་ཆེས་ཏེ་འགྲན་འདོད་ན་དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་ད་ལྟར་ཤིང་སཱ་ལའི་དྲུང་ན་བཞུགས་ཀྱི། ཁྱེད་ལ་སོགས་པ་དེར་སོང་ལ་ཡིད་བཞིན་དུ་དྲིས་ཤིག །
D119.053.0277b01.01དེ་བཞིན་གཤེགས་པས་རྣམ་པར་ཕྱེ་སྟེ། ཁྱེད་ཀྱི་ཡིད་བཞིན་དུ་ལན་གསུང་བར་འགྱུར་རོ། །དེའི་ཚེ་རྒྱལ་པོ་མ་སྐྱེས་དགྲ་མུ་སྟེགས་ཅན་གྱི་འཁོར་རྣམས་དང་བཅས་ཏེ། སངས་རྒྱས་གང་ན་བར་ལྷགས་ནས་སྤྱི་བོས་ཕྱག་འཚལ་ཏེ། གཡས་ཕྱོགས་ནས་ལན་གསུམ་བསྐོར་ནས་
D119.053.0277b02.01བསྟི་སྟང་དང་བཅས་པས་ཕྱོགས་གཅིག་ཏུ་འཁོད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་མུ་སྟེགས་ཅན་འདི་དག་ནི་ཅི་དང་ཅི་སེམས་པ་འདྲི་ཞིང་རྒོལ་ལོ་ཞེས་མཆི་ན། དེ་བཞིན་གཤེགས་པས་དེ་དང་དེའི་ལན་བཀའ་སྩལ་དུ་གསོལ། བཅོམ་ལྡན་
D119.053.0277b03.01འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་བཞིན་གཤེགས་པ་དུས་མཁྱེན་གྱིས་རེ་ཞིག་སྡོད་ཅིག །དེ་ནས་འཁོར་དེའི་ནང་ནས་བྲམ་ཟེ་ཤ་ཏེ་ཤུ་ན་ཞེས་བྱ་བས་འདི་སྐད་ཅེས་གསོལ་ཏོ། །དགེ་སྦྱོང་གཽ་ཏ་མ་མྱ་ངན་ལས་འདས་པ་ཞེས་བགྱི་བ་རྟག་པའི་ཆོས་ལགས་སམ། བྲམ་ཟེ་ཆེན་
D119.053.0277b04.01པོ་དེ་དེ་བཞིན་ཏེ། དེ་དེ་བཞིན་ནོ། །བྲམ་ཟེས་ཡང་གསོལ་པ། གཽ་ཏ་མ་མྱ་ངན་ལས་འདས་པ་ལ་རྟག་ཅེས་བགྱི་བ་དེ་མི་རུང་ངོ་། །དེ་ཅིའི་སླད་དུ་ཞེ་ན། འཇིག་རྟེན་གྱི་ཆོས་ནི་ས་བོན་ལས་འབྲས་བུ་སྐྱེ་སྟེ། རྒྱུན་མི་འཆད་དོ། །དཔེར་ན་འཇི་བ་ལས་རྫ་མར་འགྱུར་བ་དང་། སྐུད་
D119.053.0277b05.01པ་ལས་གོས་སུ་འགྱུར་བ་དང་འདྲ་སྟེ། གཽ་ཏ་མས་རྟག་ཏུ་མི་རྟག་པ་ལ་ནན་ཏན་བྱས་ན་མྱ་ངན་ལས་འདས་པ་ཐོབ་བོ་ཞེས་གསུངས་ན། རྒྱུ་རྟག་པ་མ་ལགས་ན་འབྲས་བུ་རྟག་པ་ཅེས་བགྱིར་ག་ལ་རུང་། གཽ་ཏ་མ་འདོད་ཆགས་ལས་རྣམ་པར་གྲོལ་ན་མྱ་ངན་ལས་འདའ་བ་ལགས་སོ། །
D119.053.0277b06.01གཟུགས་སུ་འདོད་ཆགས་པ་དང་། གཟུགས་མེད་པར་འདོད་ཆགས་པ་ལས་རྣམ་པར་གྲོལ་ན་མྱ་ངན་ལས་འདའ་བ་ལགས་སོ། །མ་རིག་པ་ལ་སོགས་པ་ཉོན་མོངས་པ་ཐམས་ཅད་འགགས་ན་མྱ་ངན་ལས་འདའ་བ་ལགས་སོ་ཞེས་གསུངས་ན། འདོད་ཆགས་ནས་མ་རིག་པའི་ཉོན་
D119.053.0277b07.01