完整藏文原文 · 德格版页 当前仅加载第 53 函德格 329a 版页；藏文 NFD、目录标记与异常页序保留在来源切片中，重复版页行以稳定序号区分。
གཡོས་ནས། གཞན་ཡང་མེ་ཏོག་དང་། སྤོས་དང་། ལྷའི་རྒྱལ་མཚན་དང་། གདུགས་དང་། གྲངས་མེད་པའི་ལྷའི་རོལ་མོ་མང་པོས་སངས་རྒྱས་ཀྱི་པུར་ལ་ངུས་ཏེ་མཆོད་པ་བྱས་སོ། །དེའི་ཚེ་འཁོར་མང་པོ་རྣམས་མཆི་མ་བླགས་ནས་རས་དཀར་པོ་འཇམ་པོས་ལག་པ་དཀྲིས་ཏེ་བསྟི་སྟང་
D119.053.0329a01.01དང་བཅས་པའི་སེམས་ཀྱིས་རིན་པོ་ཆེའི་སྒྲོམ་ནས་དེ་བཞིན་གཤེགས་པའི་སྐུ་གསེར་བཙོ་མའི་ཁ་དོག་དང་ལྡན་པ། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུར་ལྡན་པ། རྡོ་རྗེ་ལྟར་མི་འཇིག་པའི་ཆོས་ཅན་དལ་གྱིས་ཕྱུང་སྟེ། རིན་པོ་ཆེ་སྣ་བདུན་གྱི་ཁྲི་ལ་བཞག་གོ། །དེའི་ཚེ་ན་འཁོར་
D119.053.0329a02.01མང་པོ་རྣམས་ཤིན་ཏུ་ངུས་པས་ཕྱོགས་བཅུའི་འཇིག་རྟེན་གྱི་ཁམས་ཀུན་གཡོས་པར་གྱུར་ཏོ། །གཞན་ཡང་སྤོས་དང་། མེ་ཏོག་དང་། གདུགས་དང་། རོལ་མོ་ལ་སོགས་པས་མཆོད་པ་བྱས་ནས་ངུས་སོ། །དེས་འཁོར་མང་པོ་རྣམས་ངུ་ཞིང་མཆི་མ་བླགས་ནས་སོ་སོ་ནས་སྤོས་ཆུ་དང་། བྱུག་སྤོས་
D119.053.0329a03.01གྲངས་མེད་པ་སྙེད་ཀྱིས་དེ་བཞིན་གཤེགས་པའི་སྐུ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་དང་ལྡན་པ། བསོད་ནམས་དང་ཡེ་ཤེས་ཀྱི་ཚོགས་ཚད་མེད་པ་དང་ལྡན་པ། རྡོ་རྗེ་ལྟ་བུར་མི་འཇིག་པ། གསེར་བཙོ་མའི་ཁ་དོག་ལྟ་བུ། དབུ་དང་ཞབས་ཀྱི་བར་དུ་བཀྲུས་སོ། །དེ་ནས་རིན་
D119.053.0329a04.01པོ་ཆེའི་སྒྲོམ་ཡང་ཡོངས་སུ་དག་པར་བཀྲུས་སོ། །དེའི་ཚེ་འཁོར་མང་པོ་རྣམས་ཤིན་ཏུ་ངུས་ཏེ་མཆི་མ་བླགས་ནས་ལྷའི་སྤོས་དང་། རིན་པོ་ཆེ་སྣ་བདུན་གྱི་མེ་ཏོག་གིས་གཏོར་ནས་གྲངས་མེད་པའི་རིན་པོ་ཆེའི་རྒྱལ་མཚན་དང་། གདུགས་དང་། བ་དན་ནམ་མཁའི་ཁམས་ཡོངས་སུ་གང་བས་
D119.053.0329a05.01མཆོད་པ་བྱས་ནས་ངུས་སོ། །དེ་ནས་འཁོར་མང་པོ་རྣམས་ངུས་བཞིན་དུ་གྲངས་མེད་པའི་ཤིང་བལ་ཐོགས་ནས་དེ་བཞིན་གཤེགས་པའི་སྐུ་གསེར་བཙོ་མ་ལྟ་བུ་དཀྲིས་སོ། །དེ་ལྟར་ཤིང་བལ་གྱིས་དཀྲིས་པའི་སྟེང་དུ་རིན་ཐང་མེད་པའི་རས་དཀར་པོ་ཡུག་སྟོང་གིས་དེ་བཞིན་གཤེགས་པའི་སྐུ་དཀྲིས་
D119.053.0329a06.01སོ། །དེ་ལྟར་དཀྲིས་ནས་འཁོར་མང་པོ་རྣམས་བརྒྱལ་བ་ཙམ་དུ་ཤིན་ཏུ་ངུས་ནས། གཞན་ཡང་རིན་པོ་ཆེའི་མེ་ཏོག་དང་། སྤོས་དང་། རིན་པོ་ཆེའི་རྒྱལ་མཚན་དང་། རིན་པོ་ཆེའི་གདུགས་དང་། ལྷའི་རོལ་མོ་ལ་སོགས་པས་མཆོད་པ་བྱས་ཏེ་ངུས་སོ། །དེ་ནས་འཁོར་མང་པོ་རྣམས་ངུས་བཞིན་དུ་སོ་སོ་
D119.053.0329a07.01