完整藏文原文 · 德格版页 当前仅加载第 53 函德格 310b 版页；藏文 NFD、目录标记与异常页序保留在来源切片中，重复版页行以稳定序号区分。
གཏོང་བས་མྱ་ངན་ལས་འདའ་བ་ཞེས་བྱའོ། །ཁྱེད་ཀྱིས་སངས་རྒྱས་ཀྱི་དྲིན་ལ་ཡང་དག་པར་ལན་གློན་ཞིང་བྱང་ཆུབ་མྱུར་དུ་ཐོབ་པར་འདོད་པ་དང་། སངས་རྒྱས་རྣམས་ཀྱིས་སྤྱི་བོ་ནས་དབང་བསྐུར་ཞིང་གང་ནས་གང་དུ་སྐྱེས་ཀྱང་ཡང་དག་པར་རྗེས་སུ་དྲན་པ་མི་བརྗེད་པར་འདོད་པ་དང་། ཕྱོགས་བཅུའི་
D119.053.0310b01.01སངས་རྒྱས་མངོན་སུམ་དུ་གཤེགས་ཏེ་ཉིན་མཚན་དུ་སྐྱོབ་པར་འདོད་པ་དང་། སེམས་ཅན་ཐམས་ཅད་ཀྱིས་འཇིག་རྟེན་ལས་འདའ་བའི་ཆོས་ཐོབ་པར་འདོད་ན། ཡོངས་སུ་མྱ་ངན་ལས་འདའ་བའི་མདོ་སྡེ་འདི་ལ་བརྩོན་འགྲུས་སུ་ནན་ཏན་བྱའོ། །བཅོམ་ལྡན་འདས་ཀྱིས་ཡང་དགའ་བོ་ལ་བཀའ་སྩལ་པ།
D119.053.0310b02.01ང་མངོན་པར་སངས་མ་རྒྱས་པ་ན་ཡང་མུ་སྟེགས་ཅན་ཨུར་ཏུ་ལམ་པའི་བསྟན་པ་ལ་ཞུགས་ཏེ། བསམ་གཏན་བཞི་དང་། ཏིང་ངེ་འཛིན་བརྒྱད་སློབ་པ་ལ་ཞུགས་ནས་དེའི་བསྟན་པ་བཞིན་དུ་བྱས་སོ། །མངོན་པར་སངས་རྒྱས་ནས་དེའི་ཆོས་སྨད་དེ་མཐར་གྱིས་ཤིན་ཏུ་བཟང་པོ་ཡང་བཏུལ་ནས་སངས་
D119.053.0310b03.01རྒྱས་ཀྱི་བསྟན་པ་ལ་བཞག་གོ། །དེ་བཞིན་གཤེགས་པའི་ཡེ་ཤེས་ཆེན་པོའི་མེས་ངན་པར་ལྟ་བའི་རྒྱལ་མཚན་བསྲེགས་པ་ནི་ཇི་ལྟར་ཤིང་ལོ་སྐམ་པོ་མེ་ཆེན་པོའི་ནང་དུ་བཅུག་པ་དང་འདྲའོ། །དགའ་བོ་ངའི་གཉེན་དུ་གྱུར་པ་ཤཱཀ་རིགས་ལ་ཤིན་ཏུ་ཐུགས་བརྩེའོ། །ང་མྱ་ངན་ལས་འདས་ནས་ཁྱོད་
D119.053.0310b04.01ཀྱིས་བརྩོན་འགྲུས་སུ་ལེགས་པར་སྟོན་ཅིང་ཆོས་ཤིག །ངའི་ཉེ་གནས་རྣམས་ལ་དམ་པའི་ཆོས་བསྟན་ཏེ། རྩེད་མོ་དང་བག་མེད་པར་སྤྱོད་ཡུལ་རྣམས་ལ་འཇུག་པ་དང་། ངན་པར་ལྟ་བའི་ཆོས་ལ་སྤྱོད་པར་མི་འགྱུར་བ་དང་། ཁམས་གསུམ་གྱི་སྡུག་བསྔལ་ལས་ནི་རྣམ་པར་མ་གྲོལ་ན་མྱུར་དུ་རྣམ་
D119.053.0310b05.01པར་གྲོལ་བར་བྱ་བ་དང་། རྙོག་མ་ལྔའི་འདོད་པ་ལ་ཤིན་ཏུ་འཇིགས་པ་བསྐྱེད་དེ་མགོན་མེད་པའི་འདུ་ཤེས་བསྐྱེད་པར་བྱ་བ་དང་། མིའི་ལུས་ལན་ཅིག་སྟོར་ནས་ཕྱིར་ཐོབ་པར་དཀའ་བ་དང་། ཚེ་གཅིག་ཏུ་བག་བྱ་བ་དང་། མི་རྟག་པའི་གདོན་ཆེན་པོ་ལས་རྣམ་པར་ཐར་བར་བྱ་བ་དང་། སེམས་ཅན་ལ་
D119.053.0310b06.01སྙིང་རྗེ་བ་བསྐྱེད་དེ་སེམས་ཅན་གྱི་སྲོག་མི་གཅོད་པ་དང་། ཆུང་ངུ་ན་གྲོག་སྦུར་གྱི་བར་དུ་མི་འཇིགས་པ་སྦྱིན་པ་དང་། ལུས་ཀྱི་ལས་ཡོངས་སུ་དག་པས་འཇིག་རྟེན་གྱི་ཁམས་བཟང་པོར་སྐྱེ་བ་དང་། ངག་གི་ལས་ཡོངས་སུ་དག་པས་ཉེས་པའི་སྐྱོན་ཐམས་ཅད་དང་བྲལ་བར་འགྱུར་བ་དང་། ཤ་མི་ཟ་བ་
D119.053.0310b07.01