完整藏文原文 · 德格版页 当前仅加载第 53 函德格 147b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཕྱིར་འཆིང་བ་སྐྱེའོ། འཆིང་བའི་ཕྱིར་སྐྱེ་བ་ལེན་ཏོ། །སྐྱེ་བའི་ཕྱིར་འཆི་བར་འགྱུར་རོ། །འཆི་བའི་ཕྱིར་མི་རྟག་པའོ། །མཚན་ཉིད་ལ་མི་ཆགས་པ་ནི་གཏི་མུག་མི་སྐྱེ། གཏི་མུག་མི་སྐྱེ་བའི་ཕྱིར་སྲེད་པ་མེད། སྲེད་པ་མེད་པའི་ཕྱིར་བཅིངས་པ་མེད། བཅིངས་པ་མེད་པའི་
D119.053.0147b01.01ཕྱིར་སྐྱེ་བ་མི་ལེན། སྐྱེ་བ་མི་ལེན་པའི་ཕྱིར་འཆི་བ་མེད། འཆི་བ་མེད་པའི་ཕྱིར་རྟག་པ་ཞེས་བྱའོ། །དོན་དེ་ལྟ་བས་ན་མྱ་ངན་ལས་འདས་པ་ནི་རྟག་པའོ། །སེང་གེ་སྒྲས་གསོལ་པ། བཅོམ་ལྡན་འདས་དགེ་སློང་ཇི་ལྟ་བུ་དག་མཚན་ཉིད་རྣམ་པ་བཅུ་པོ་དེ་དག་གཅོད་པར་འགྱུར།
D119.053.0147b02.01བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་གལ་ཏེ་དགེ་སློང་གང་། ཡང་དང་ཡང་མཚན་ཉིད་རྣམ་པ་གསུམ་སྒོམ་པ་ནི་མཚན་ཉིད་རྣམ་པ་བཅུ་གཅོད་པར་འགྱུར་རོ། །འདི་ལྟ་སྟེ། ཡང་དང་ཡང་ཏིང་ངེ་འཛིན་གྱི་མཚན་ཉིད་སྒོམ་པ་དང་། ཡང་དང་ཡང་ཤེས་རབ་ཀྱི་མཚན་
D119.053.0147b03.01ཉིད་སྒོམ་པ་དང་། སྐབས་སྐབས་སུ་ཡང་དང་ཡང་བཏང་སྙོམས་ཀྱི་མཚན་ཉིད་སྒོམ་པ་སྟེ། མཚན་ཉིད་གསུམ་ཞེས་བྱའོ། །སེང་གེ་སྒྲས་གསོལ་པ། བཅོམ་ལྡན་འདས་ཏིང་ངེ་འཛིན་དང་། ཤེས་རབ་དང་། བཏང་སྙོམས་ཀྱི་མཚན་ཉིད་ཇི་ལྟ་བུ་ལགས། གལ་ཏེ་ཏིང་ངེ་འཛིན་
D119.053.0147b04.01གྱི་མཚན་ཉིད་ལ་ཏིང་ངེ་འཛིན་ཅེས་བགྱི་ན་ལྟ་སེམས་ཅན་ཐམས་ཅད་ལ་ཡང་ཏིང་ངེ་འཛིན་མཆིས་ན། ཏིང་ངེ་འཛིན་བསྒོམ་པར་བྱའོ་ཞེས་གསུངས་པ་ཡང་ཅི་འཚལ། གལ་ཏེ་སེམས་ཡུལ་གཅིག་ལ་དམིགས་པ་ཉིད་ཏིང་ངེ་འཛིན་ཅེས་བགྱི་སྟེ། གལ་ཏེ་གཞན་ལ་དམིགས་པ་ལ་ཏིང་ངེ་འཛིན་
D119.053.0147b05.01ཅེས་བགྱི་ན་ལྟ། ཏིང་ངེ་འཛིན་དུ་མ་ཞུགས་ན་ཐམས་ཅད་མཁྱེན་པ་མ་ལགས་སམ། ཐམས་ཅད་མཁྱེན་པ་མ་ལགས་ན། ཅིའི་སླད་དུ་ཏིང་ངེ་འཛིན་ཅེས་བགྱི། གལ་ཏེ་སྤྱོད་པ་གཅིག་གིས་ཏིང་ངེ་འཛིན་ཐོབ་ན་སྤྱོད་པ་གཞན་ཏིང་ངེ་འཛིན་མ་ལགས་སོ། །གལ་ཏེ་ཏིང་ངེ་འཛིན་མ་ལགས་
D119.053.0147b06.01ན། ཐམས་ཅད་མཁྱེན་པ་མ་ལགས་ཏེ། གལ་ཏེ་ཐམས་ཅད་མཁྱེན་པ་མ་ལགས་ན་ཅིའི་སླད་དུ་ཏིང་ངེ་འཛིན་ཅེས་བགྱི། དེ་བཞིན་དུ་ཤེས་རབ་དང་། བཏང་སྙོམས་ཀྱི་མཚན་ཉིད་གཉིས་ཀྱང་དེ་དང་མཚུངས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་སྨྲ་བ་ལྟར་
D119.053.0147b07.01