完整藏文原文 · 德格版页 当前仅加载第 53 函德格 158a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་སྟོབས་ཀྱིས་སེམས་ཅན་གྱི་ཕྱིར་ལུས་དེ་དག་ཀྱང་ལེན་ཏོ། །འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ད་ལྟར་དང་། མ་འོངས་པ་དང་། ཕྱིས་མྱོང་བའི་མི་དགེ་བའི་ལས་མ་ཡིན་པ་ཞེས་བྱའོ། །གཞན་ཡང་རིགས་ཀྱི་བུ་བསྐལ་པ་བཟང་
D119.053.0158a01.01པོ་འདིར་སེམས་ཅན་ཚད་མེད་མཐའ་ཡས་པ་སྙེད་{ཡི་དགས་,ཡི་དྭགས་}སུ་སྐྱེས་ཏེ། ཟས་སུ་སྐྱུགས་པ་དང་། ཚིལ་དང་། ཤ་དང་། རྣག་དང་། ཁྲག་དང་། བཤང་གཅི་དང་། མཆིལ་མ་དང་། སྣབས་ཟ་ཞིང་ཚེའི་ཚད་ལོ་ཁྲི་ཕྲག་ཚད་མེད་པ་བརྒྱ་སྟོང་སྙེད་ཀྱི་བར་དུ་སྐོམ་གྱི་མིང་
D119.053.0158a02.01ཡང་མ་ཐོས་ན། མིག་གིས་མཐོང་ཞིང་བཏུང་བ་ལྟ་ཅི་སྨོས། གལ་ཏེ་རྒྱང་ནས་ཆུ་མཐོང་སྟེ། དྲུང་དུ་འགྲོ་བར་གཟས་ན་ཡང་ཕྱིན་མ་ཐག་ཏུ་མེ་མུར་དང་། རྣག་ཁྲག་ཏུ་འགྱུར་རོ། །ཅི་སྟེ་མ་གྱུར་ན་ཡང་མི་མང་པོ་རལ་གྲི་དང་མདུང་ཐོགས་ཤིང་སྲུང་སྟེ་ཉེར་མི་སྟེར་རོ། །
D119.053.0158a03.01གལ་ཏེ་ཆར་པས་ལུས་ལ་ཕོག་ན་མེར་འགྱུར་ཏེ། དེ་ནི་མི་དགེ་བའི་ལས་ཀྱི་འབྲས་བུ་རྣམ་པར་སྨིན་པའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཡང་དག་པར་མི་དགེ་བའི་ལས་ཀྱི་འབྲས་བུ་དེ་ལྟ་བུ་མེད་མོད་ཀྱི། སེམས་ཅན་དག་རྣམ་པར་
D119.053.0158a04.01གྲོལ་བ་ཐོབ་པར་བྱ་བའི་དོན་གྱི་ཕྱིར་ཡི་དམ་ཆེན་པོ་བསྐྱེད་ཅིང་ལུས་དེ་ལྟ་བུ་དག་ལེན་ཏེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ད་ལྟར་དང་། མ་འོངས་པ་དང་། ཕྱིས་མི་དགེ་བའི་ལས་མྱོང་བ་མ་ཡིན་པ་ཞེས་བྱའོ། །རིགས་ཀྱི་བུ་ང་བསྐལ་པ་བཟང་པོ་འདིར་ཤན་
D119.053.0158a05.01པའི་ཁྱིམ་དུ་སྐྱེས་ཏེ། བྱ་དང་། ཕག་དང་། བ་ལང་དང་། ལུག་གསོད་ཅིང་རྔོན་གྱི་ཡོ་བྱད་གཏོར་བ་དང་ཉ་རྒྱ་ལ་སོགས་པ་འཆང་སྟེ། རིགས་ངན་དག་གི་ཁྱིམ་དུ་སྐྱེས་ནས། རྐུན་པོ་དང་། ཆོམ་པོ་བྱས་སོ། །བྱང་ཆུབ་སེམས་དཔའ་ལ་ཡང་དག་པར་དེ་ལྟ་བུའི་ལས་མེད་མོད་ཀྱི། སེམས་
D119.053.0158a06.01ཅན་སྒྲོལ་ཞིང་རྣམ་པར་གྲོལ་བ་ཐོབ་པར་བྱ་བའི་ཕྱིར་སྨོན་ལམ་ཆེན་པོའི་སྟོབས་ཀྱིས་དེ་ལྟ་བུའི་ལུས་ལེན་ཏེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ད་ལྟར་དང་། མ་འོངས་པ་དང་། ཕྱིས་མི་དགེ་བའི་ལས་མྱོང་བ་མ་ཡིན་པ་ཞེས་བྱའོ། །རིགས་ཀྱི་བུ་ང་བསྐལ་པ་བཟང་
D119.053.0158a07.01